LEVI-DÂN 26:39 - LEKHARABU INTHENG (BSI)

³⁹ Nankadōihei ram a alakahring ajingte chei kha nansetna leh nanpu sōnhei setna jâra inhmangsō sik chei.

LEVI-DÂN 26:39 ပူးပေါင်းရင်းမြစ်များ

THUHMINGHEI INHNINA 34:24

Rōngpu a inphut athōia ṭonghei hi anvahri pekna sik a amanthei hei: “Rengpa hnenga a’ntei jo lekha shunga aka-om hâksêrna kapōa ke’n Jerusalem leh amipui rakip chunga karâkna kapek sik kae.

EZRA 9:7

Kanpu kanpa heia inphut tûn katlunga, nami keini kaset hêr jo ung. Kanṭhena jâra kanrenghei, kanthempu hei miram renghei kut a leikatla jo hei, keini anleithasōt ung, anleichom ung, khana rehringa anleisur jo ung. Khana tuna kanka-om kapōa hin inzakna katluk set a kanleichen jo.

NEHEMIAH 1:9

Tâk-kha nangni’n kahnenga nanhei inhea khana kaṭong pek chei kha nantlo’nchu, nangni raleichung inchaina katlunga nanlei inchek ṭhen jo’num kei kamukna sik a kakadeisōt hmun a khan kaheiṭhōi nôk sik chei.’

SŌKSŌT 20:5

Lim inkhatbek hnenga inkun mak ruh, ajârchu kei Rōngpu nan-Pathen eng kha kae, Ke’n akaṭhamak-hei madimtor mak eng. Kei kahōt hei sōn leh pâr chunga khang 3 leh khang 4 katlunga karâkna kapek hei.

SŌKSŌT 34:7

Kei intepna kha khang lishing lishing katlunga kajuia kae. Akaṭhamak leh setnahei karangei mandam. Tâk-kha annu anpahei setna jâra karâkna pek sik kha antu-ansahei chunga khang 3 khang 4 katlunga mahngi mak ning.”

ISAIAH 14:21

Mi thatna kha inphut jo rasoh! Hiva rengpa sahei hi anpu anpahei set jâra kathi sik jo hei. Anmani inkhatbek inum raleichung vai rônmak jo hei ning khana khōpui um hlōmak jo hei ning.

ISAIAH 24:16

Raleichung ram kahla pena inphut, jât kadik he’n Israel manpâkna hla antasâk kha nithei sik. Tâk-kha kei sik a inhōrna heite om mak! Ke’n kaman hmangsō jo! Mikahōn he’n anhōn ṭhak, anmi hōnna kha inhrek chet-chet a kae.

JEREMIAH 29:12

Khava sōa nangni’n kei nanbek sik eng. Nangni kahong sik chei, kahnenga nander sik eng, khana ke’n kamasôn sik chei.

JEREMIAH 3:25

Inzaktak a katlu sik unga kha kan-inzakna khan amakhusi jo rasoh. Keini leh kanpu kanpa he’n Rōngpu kan-Pathen kadōia setna kanleitlo ṭhak jo; aṭongpek-hei kha juitet mak jo ung.”

JEREMIAH 31:29

Khava pha kha ajongtlung pha, mihe’n hing’hin timak jo hei ning, ‘Nu leh pa he’n vomhrui theithûr ansâk, tâk-kha ansa he’n anha kakim anmanhret.’

ṬAJAISUINA 1:3

Judah mihei inthōpui kaneimak sōk-hei kae, an-inna inphut anhnongsōt jo hei. Anram ti sik neiloa miram a ka-om jo hei. Antlânsōtna sik omloa, an-inre he’n ankakekhum jo hei.

ṬAJAISUINA 4:9

Rea akathihei kha hnungdet a akathihei kanek a kaṭha jôk hei, khava anhringna sik bu neilo jo hei, sâk loa jâm katia akathihei kanek a.

EZEKIEL 18:19

“Tâk-kha nang in nati, ‘Apa setna jâra heisa mo asapa kha inrengna achen mak sik?’ Khava ṭong masônna khachu sapa khan akadik leh akaṭha atlo jâra kae. Ama’n kadân ajui khana insing theitak a ajui hei, khava jâra ama akahring nger sik kae.

EZEKIEL 20:43

Khava sōa nangni taleitlo hmaimôkna ṭōn rakip khana heikhonga nanbibinga a’nbōk innim chei mo ti kha nanmandonsōt sik jo. Ṭhatmak nanta leitlo rakip jâra nangni nanbinga inter sik jo chei.

EZEKIEL 24:23

Nanlu vomak jo tin chei khana kekōk kasea lônmak tin chei khana ṭajai suimak tin chei khana ṭap mak jo tin chei.

EZEKIEL 33:10

Rōngpu’n kahnenga ṭong ajōng hri. Ama’n ati, “Akathithei mihring, Israelhei ṭonghri kha avea anhnenga manthei hei roh: ‘Eini setna tlona leh dikmak nitlona khan niphur kahrik jo. Eini inhmang jo me. Heikhonga mo aka-om tor sik me?’ anti.

EZEKIEL 36:31

Nangni’n ṭhatmak omchen leh dikmak tlona hei kha nanhong mandonsōt sik, nansetna leh nanṭhena hei jâra nanbinga inter sik chei.

EZEKIEL 4:17

Buhlom leh tui hmumak hei ning; anmalung katlasam sik, ansetna jâra inhmang sik hei.”

EZEKIEL 6:9

khana khan anmani rehring sura ka-om sik hei. Khana anmani’n kei anhong mandonsōt sik eng, khana ke’n karâkna leh hmaimôkna kapek hei kha anhong manhret sik, ajârchu anmani taksenna kaneimak malung khan andahlon enga kei kanek a limsyem jôk anmadu chet a kae. Anmani’n ṭhatmak leh insuk innemna ṭōn anleitlo jâra anbinga inter sik hei.

HOSEA 5:15

“Kami he’n ansetna jâra katluk a khōdeng theina aneia kei annihei jongmak kârseng ke’n kadahlon sik hei. Ankhōdeng theina shunga kei annihong jong khâk sik eng.”

ZECHARIAH 10:9

Ke’n anmani jât-hei kâra kachai kathek jo he’num, ram kahlatak a inphut anhei mandonsōt sik eng. Anmani leh ansahei kahring sik hei, khana inna inlesap sik hei.

MIJAHEI 14:18

‘Rōngpu kei hi kahnuk nabeimak, lungset kalen leh taksenthei changna khana setna leh dōina hei rangei mandamna kamalâr. Kha’num, annu anpahei setna jâra antu-ansa khang thum, khang manlihei chunga karâk loa om mak ning.’

DÂNRABU INHNINA 28:65

Khonna enum mōngna chenmak tin chei, nanram ti om mak ning; Rōngpu’n madu rangeina, inhōrna kase, tlâksamna vâng amakhu sik chei.

DÂNRABU INHNINA 30:1

“Tûn ke’n vângṭhat leh hâksêr kadeina sik a kapek jo chei. Hivaseng hi nanhnenga asōk pha Rōngpu nan-Pathen in inchek-chaia adana chei jât-hei kâra nan-om pha, ke’n kadei sik a kapek chei hi nanhei mandonsōt sik.

DÂNRABU INHNINA 5:9

Lim heikhat hmaikunga inkun mak ruh khana kamuk mak ruh, ajârchu kei Rōngpu nan-Pathen eng kae khana anikadōi inkhatbek thōk hnâm tor mak eng. Ani kahōt hei chunga leh ansōn khang 3 leh manlihei chunga karâkna kahei masōk a kae.

DÂNRABU INHNINA 8:20

Rōngpu kha aṭong nanjuimak inchu, nantajōn sik ram a jât-hei asuk manhmang sik hei kapōa, nangni asuk manhmang sik cheia kae.