LEVI-DÂN 26:36 - LEKHARABU INTHENG (BSI)

³⁶ “Miram a ka-om nangni ṭit kasip a kada sik chei, thli tasêm thingbō rasa bek khan katlân sik chei. Re shunga re tahnong kapōa katlân sik chei, nan-inrepui he’n nanhnenga an-om mak pha’m katlu inpai sik chei.

LEVI-DÂN 26:36 ပူးပေါင်းရင်းမြစ်များ

A’NPHUTNA 35:5

Jacob leh asa he’n ansesōt pha, khava hnenga khōpuihei hneng Pathen in ṭitna kalentak aleimannei hei, khava jâra anmani’n leihnong mak hei.

A’NPHUTNA 4:12

Nang in anse-hleina mankek sik a natlo’num kara mannei pek mak che ning; raleichunga hin inn kaneimak inkhat a kalôn lele sik jo che.”

THUHMINGHEI INHNINA 14:14

Khava sōa anmani’n Gerar kimvea khōpuihei ansuk manhmang tor jo hei, ajârchu khana ka-om mihe’n Rōngpu kha ṭit-inpirna annei joa kae. Remihei khan khōpui rakip kha anvōkkhōi jo hei khana neinâk katamtak anchomsōt joa kae.

JOB LEKHARABU 13:25

Kei hi maṭhit sik a a’ntluk che mo? Kei chu heite changmak eng, thingbō kapōhrep eng kae; nang in sapôt kachâr inkhat hi buhluna sik a natlo jo.

HLAHEI 53:5

Tâk-kha anta leiratō phung hêrmak ṭit-inpirna kha anratō sik jo, ajârchu Pathen in ami kadōihei ru leh râng akathek kachek sik. Pathen in anmani kha ahlon sōt jo hei, achang jâra Israel he’n pui katluk a antator sik hei kae.

HLAHEI 53:6

Ziona inphut Israelhei hneng torna kha ajōngna sik heituk-hrep mo kader. Pathen khan nei leh haona avea amanpung pek hei pha Israel mipuihei kha heituk a akahōi sik jo hei mo!

HLAHEI 89:43

Are hmangchâk-hei kha hnemna kase naman chang pek jo; khana re shunga mi’n ama kha namantor jo hei.

ṬONGCHÎK-HEI 28:1

Mikadik mak chu tûte’n anhnongmak inum katlânsōt a kae, tâk malung intheng mi chu shabakkai kapōa kahrânga kangam sik.

ISAIAH 30:17

Nan-inrepuihei remi inkhat rōk nanhmu pha mi lishing inkhat katlân sik chei, khana nankhenga mantlânsōtna sik a remi 5 rōk kha katluk set a kae. Tlâng chunga pōnlek sung tei loa nanremi inkhatbek om mak hei ning.

ISAIAH 7:2

Judah rengpa hneng Syria remihei Israel ramria heikatlung jo hei ti ṭong atlung pha, ama leh amipuihei seng kha thlipui in thingkung akanok kapōhrep a anṭit a le’nnok jo hei.

ISAIAH 7:4

Insing theitak a, kadaia a-omna sik, khana ṭit leh inperloa khana lungdongloa a-omna sik manthei roh. Hmei omloa hmeikhu kasōk thingbong kapō kha tei loa Reng Rezin leh Syriahei khana Reng Peka hnuknat kha ṭit sik om mak.

JEREMIAH 37:10

Nang in Babylon remihei nator heia, a’ntôn rōk hei kha rephōra anjea an-om inum, khahei kha kaṭhōisōt nôk sik heia kha khōpui hi anlaro mankâng manvâm sik.”

JEREMIAH 46:16

Nanremihei kha inpaihei khana katlu hei. Inkhat in inkhat hneng inti hei, ‘Inrang roh! Inna nimihei hneng se jo rih ani kadōihei chemjâma inphut inphesōt jo rih!’

ṬAJAISUINA 1:3

Judah mihei inthōpui kaneimak sōk-hei kae, an-inna inphut anhnongsōt jo hei. Anram ti sik neiloa miram a ka-om jo hei. Antlânsōtna sik omloa, an-inre he’n ankakekhum jo hei.

ṬAJAISUINA 1:6

Jerusalem lûrje kha akathlengsa ṭong kachang jo. Amanu hlamkakeihei kha vonṭâm jâra akatlasam shakhi ka-ang jo hei, Sha kahnong heia inphut antlânsōtna khan anratha akatlang jo ka-ang hei.

ṬAJAISUINA 4:19

Chungvâna marhmu ajōng suk inrang kakhea, anmani’n keini anhnong jo ung. hmebunga anhnong suk ung; manhret manloa nêrdi ramhânga anphak unga kae.

EZEKIEL 21:12

Inrengtak a ông roh, mihringsa; hiva chemjâm hi kamihei sik mantluk jo khana Israel hlamkakeihei thatna sik a kae. Anmani thatsō sik jo hei kae kami ankhenga leh inṭhōia. Inreng pum a nan-ôp kaben ruh!

EZEKIEL 21:15

Hivahin kamihei malung ngarna amanhmang khana amanpai manthlûk hei. Ke’n anmani khōpuihei kha khō inphe leh mikathat sik a a’ntluk jo chemjâm inkhat vânga kamaṭhit hei.

EZEKIEL 21:7

Heisa mo a’nkōi che tia ander che pha, hiva ṭong hi kathei jâra kae ti roh. Khavakha asōk pha, anmalung kha ṭitna’n kasip sik jo, ankut he’m kahngōisō sik jo hei, anmalung ngarna kha katlasam sik jo, anmarkhup innok sik jo. Khava pha kha hong katlung jo, hinahin ka-om jo.” Chunghnung Rōngpu’n ahri jo.

HOSEA 8:3

akaṭha khachu anhlonsōt a kae. Khava jâra anka-en kada he’n ankahnunga anhnong sik hei.

LEVI-DÂN 26:17

Nangni kadōia kahnget sik chei, nangni torna sik a, nanka-en kada he’n nanchunga vai anrôn sik; khang hrep a kaṭi sik chei khachu tûte’n anhnongmak chei inum inpera katlân sik chei.

DÂNRABU INHNINA 1:44

Khava sōa khava tlâng chunga aka-om Amor he’n nangni kadōia khōijâm hei kapōa jōng kakōn hei. Hormah katlunga anhnong cheia Edom tlângrama khan re antor jo chei.

JOSHUA 5:1

Jordan tlaitlâk tinga Amor reng rakip, Mediterranean Tuipui panga Canaan reng rakip in Jordan kha Israel mipui he’n anrakansō mak kârseng Rōngpu’n amanchâr pek hei ti kha anleithei jo. Israelhei jâra anmani leikaṭi hei khana an-in ngamna le’nhmang jo.

JOSHUA 7:5

Ai mihe’n khōpui sōngkot a inphut suktlâk ṭhahrep katlunga anhei hnongsōt hei khana tlâng thōiting anhong tlânna kâra mi 36 anleithat jo hei. Khanachu Israelhei kha an-in ngamna kha inhmang jo khana kaṭi jo hei.

SAMUEL INKHATNA 17:24

Israel he’n Goliath kha anhmu pha, anṭit a katlân jo hei.