LEVI-DÂN 26:25 - LEKHARABU INTHENG (BSI)

²⁵ Ni-intepna kha nanvōk khōi jâra nanchunga re kamasō sik, nan-inhrungna sik a nankhōpui heia nan inkhôm inchu, akadam theimak hrise nankâra kahei tir sik, nan-inrepuihei hneng rumhrat tak a amanhlut sik chei.

LEVI-DÂN 26:25 ပူးပေါင်းရင်းမြစ်များ

SAMUEL INHNINA 24:15

Khava jâra Rōngpu’n jîngkâra inphut akani tepna kârseng Israelhei chunga hrise katlung jo. Ram shung rakir inkhat a inphut lang khat ting katlunga Israelhei 70,000 kathi jo hei.

RENGHEI INKHATNA 8:33

“Nami Israel he’n nang kadōia anset jâra, an-inrepui he’n antor hei pha, khana anmalung insir heia hiva Bek-inna hin anhonga rangei mandam ander che pha,

RENGHEI INKHATNA 8:37

“Ram shunga hin vonṭâm atlâk a, natse atlâk a, thli kalum in sâng leh be akâng manchâra, khâikhu rup he’n ansâk manhmanga, namipuihei an-inrepui he’n anbuhlu heia, khana hrise atlâk a, ankâra natna achōr jo pha,

RENGHEI INHNINA 17:3

Assyria Rengkalen Shalmaneser in achunga re aleisō; ama’n Shalmaneser hnenga kahlut, akumtina ramsêrṭhei apek a kae.

THUHMINGHEI INHNINA 24:24

Syria remihei kha katlôm hei, tâk Rōngpu’n akatamdet Judea remihei kha aleimantor hei, ajârchu anpu sōnhei Pathen Rōngpu kha mipui he’n anleidahlon joa kae. Hing’hin Reng Joas kha karâkna inpek jo.

HLAHEI 94:1

Rōngpu, mi karâkna kapek tor Pathen inkhat che kae; nahnuknat kha malâr roh!

SŌKSŌT 5:3

Moses leh Aaron khan anma-sôna, “Hebrewhei Pathen khet kha kanhnenga inlâra kae. Rōngpu kan-Pathen hnenga inthoina katōk sik a nêrdi ramhânga ni 3 hlam a keini sena sik ahnōm pek roh. Keini’n kha kantlomak inchu keini hi nat a a-emak leh rea athat manram sik ung kae,” anti.

ISAIAH 1:20

Tâk-kha kaṭong nanjuimak inchu akathi sik a da jo chei kae, Rōngpu ke’n kahri kae.

ISAIAH 65:12

Kabek chei pha amasôn mak chei khana ṭong kahri pha nanrangei mak jâra nangni re leh sha shunga nanthi sik kha nangnihei mahâm kha kae. Nangni’n kei ṭong juimak sik leh ṭōnse tlo sik jôk kha nankadei.

JEREMIAH 19:7

Hiva hmun a hin Judah leh Jerusalema mihei lungdo kha hui mathlung mak ning. An-indōipui hei kamantor sik hei, khana rehmun a kamanthat sik hei. Ankathi kalōnghei kha ramshahei leh vahei tasâk sik a kapek sik hei.

JEREMIAH 24:10

Anmani kha anpu anpahei leh anmani hnenga kaleipek hei ram a khan mi inkhatbek a’m ahring makna sik a anchunga re, natset khana vonṭâm kamasōpek sik hei.”

JEREMIAH 50:28

Babylona inphut rekatlânhei Jerusalema kahong hei, khana Rōngpu ni-Pathen in a-Bek-inna Babylonhei taleitlo kha heikhonga mo phu ahlō ti kha anmani’n anhria kae.)

JEREMIAH 51:11

Rōngpu’n Babylon sukset sik a a’ntluk jâra, Media renghei akachok jo hei. Abek-inn anmanset jâra anchunga phu ahlō sik kha, khava jo kha kae. Re kabuhlu ṭōnkarônpa khan ṭong apek, “Nanthe katât man ngei ruh! Nanpho hei mantluk ruh!

JEREMIAH 9:16

Ke’n anpu anpahei leh anmani’n anta leithei phungmak jât-hei kâra khan kachai kathek sik hei, khana ankhenga kaman hmangpet mak hei hma seng ankadōi sik a remi kahei tir sik hei.”

ṬAJAISUINA 2:21

Hlamdunga upa naipang kathi ka-om jo hei, Retherhei leh nuhngâk-hei inrepuihei chemjâm vâng kathi jo hei. Nahnuknat ning khan anmani kha lungsetna kasea nathat hei.

EZEKIEL 14:17

“Achangmak leh ram shunga khan ke’n re kahei rôn manhlut sik khana inhmang theina re hmangchâk, mihring leh shahei inramna sik a kahei tir sik,

EZEKIEL 20:37

“Ke’n nangni ka’ntepna ratha thōia kada sik chei khana kaṭongkam kamanjui sik chei.

EZEKIEL 29:8

Tûnchu, Chunghnung Rōngpu ke’n kamanthei che hi kae, khachu ke’n nang chemjâm vânga nakabuhlu sik a remi rup kajongsōt sik hei

EZEKIEL 33:2

Ama’n ati, “Akathithei mihring, ram inkhat a ke’n re kamasō pha, heimo akasōk kha manthei hei roh. Khang khava ram he’n ankâra mi inkhat repa kahngâk a ankadeia kae.

EZEKIEL 5:17

Ke’n vonṭâm leh ramshahei kha nasahei kathat sik a kajōngtir sik hei, khana nat leh sat, innâk-inse, khana re hei nang kathat sik a kajōngtir sik hei. Rōngpu ke’n kahri jo kae.”

EZEKIEL 6:3

Israel tlânghei kha Rōngpu ṭong anrangeina sik manthei hei roh, Chunghnung Rōngpu ke’n tlâng, hmebung, kavakōk phaicham, khana phaichamhei hnenga ṭong kahri hi anrangeina sik a: Mipui he’n limsyem antakamukna hmunhei kasuk inhmang sik a chemjâm inkhat kajōngtir sik.

HOSEA 11:6

Ankhōpuihei re kahlutsō sik, khōpui kot-hei ansukkhōi sik. Khava re khan kamihei asukmanram sik hei, ajârchu anbinga kaṭhapen tia antamandon kha antloa kae.

LEVI-DÂN 26:6

“Nanrama mōngna kapek sik chei, khana heite ṭitna neiloa kaje tor sik chei. Akakhôk ranhei kha ram shunga man om mak jo hei ning, khana re sōk nôk mak jo ning.

AMOS 4:10

“Egypt a kalei tir kapōa nankâra hrise kamasō jo. Nansa retherhei re shunga kathat hei khana nanshakor kalosōtpek chei. Nanhnâr hei kha nanrephōra mi kathi marim kase kha kamanhnam chei. Kha’num kahnenga hong inledek mak chei.

HABAKKUK 3:5

Ahmating natna kha atirsōt akahnungting thina’n amanjui.

MIJAHEI 14:12

Hrise kajōngtir sik kamanram sik hei, tâk nang chu anmani kanek a akatamdet leh ratha kaneidet jât inkhatpa a kasyem sik che!”

MIJAHEI 16:49

Korah dōina chunga akathihei tei loa, khana akathi mija kha 14,700 hei kae.

MIJAHEI 31:3

Khava jâra Moses’n mipuihei hneng ati, “Media he’n Rōngpu hneng anta leitlo jâra khan nanva hlō heia nankarâkna sik hei, re katuk sik a intluk ruh,

LUKE 21:11

Lingnu inhnaktak a innok sik, sâk kakhôk sik, natse hmun rakip a kasōk sik, ṭit ka-omtatak leh hme inlak bōirōk a hong kasōk sik.

DÂNRABU INHNINA 28:21

Nanomna sik ram a nangni inkhatbek hringmakna sik a hrise inkhat bâna inkhat ajōngtir sik.

DÂNRABU INHNINA 32:25

Re’n hlamlena thina amansōk sik; ṭit-inpirna’n innshung akatlir sik. Khangdông nuhmei-pase kathi sik hei; naite leh kater he’m ṭhenmak ning.

DÂNRABU INHNINA 32:35

Rōngpu’n phu ahlō sik hei, khana akarâk sik hei; anpûrna sik pha kha lakahong sik; an-inhmangna sik kani kha hong kahnai jo.

DÂNRABU INHNINA 32:41

akavâr jap kachemjâm kakatât sik akadik antlo mo tia ka-en sik hei. Kakadōi hei chunga phu kahlō sik hei ani kahōt hei kakarâk sik hei.

ṬONGKATANHEI 15:11

Khava jâra Judah mi 3,000 Etama ka-om tlâng karea kase heia Samson hneng anvahri, “Philistihei hi eini chunga vaikarônhei kae ti hi manhret mak che mo? Eini sik a heipen mo natlo jo?” Ama’n amasôn heia, “Anmani tatlona eng dungjuia ke’num katlo hei kae.”