LEVI-DÂN 26:16 - LEKHARABU INTHENG (BSI)

¹⁶ karâkna kapek sik chei. Nanchunga inreng khōdeng theina kamathlung sik, damthei lo hrise leh hritlun khan nanhmit amancho sik khana nahringkhō aradûk reng sik jo chei. Hmuchi nanvor sik tâk akaṭha heite sōk mak ning, ajârchu nan-inrepuihei khan antor sik chei khana nanta manhmông hei kha anmani’n ansâk sik.

LEVI-DÂN 26:16 ပူးပေါင်းရင်းမြစ်များ

RENGHEI INKHATNA 8:37

“Ram shunga hin vonṭâm atlâk a, natse atlâk a, thli kalum in sâng leh be akâng manchâra, khâikhu rup he’n ansâk manhmanga, namipuihei an-inrepui he’n anbuhlu heia, khana hrise atlâk a, ankâra natna achōr jo pha,

JOB LEKHARABU 18:11

Ankimvea ṭit-inpirna in ahngâk hei; ankethon rakip a ajui hei.

JOB LEKHARABU 20:25

Antak a thesang in akathi hlon sik hei; tak intônna bia khan thisen bet-bet katia katla sik, anmalung kha ṭit-inpir in akachûm sik.

JOB LEKHARABU 31:8

kahmuchi bechi karahei inhmanghei rasoh, kamankek senghei kha’m mihe’n sâk hei rasoh.

HLAHEI 109:6

Kei inrepui chunga ṭong tanna sik a ṭongkatan kaṭhamak ajing kadeisōt roh, khana ama khet inrepui inkhat khan maher rasoh.

HLAHEI 73:19

Anmani khavatak a khan suk manhmang jo hei kae; anmani kha ṭit ka-om tak inchaina kha ansor jo.

HLAHEI 78:33

Khava jâra anmani kanihei kha kaphuk masa inkhat kapōhrep a, anhringkhō kha sōkphutrōia khōdeng mantheina vâng aleimanchai pek hei.

SŌKSŌT 15:26

Ama’n ahri, “Nangni’n kaṭong nanjuia ke’n kadik kati kha pui katluk a ṭōn vânga nantlosōt inchu, Egypt mihei chunga hrise kaleimasō inkhatbek vâng khan nangni karâkmak chei ning. Kei nan-indampa, Rōngpu eng kha kae.”

ṬONGCHÎK-HEI 3:33

Rōngpu’n mikaṭhamak innshung ahâksêr hei, tâk mikadik innshunga mahâmṭhat apek hei.

ISAIAH 10:4

Nangni rehmun a anthat sik chei, achangmak leh rehringa ankei sik chei. Kha achang jo’num Rōngpu hnuk natna kha labâng dekmak ning; karâkna pekna sik a akut akalâng hi sik.

ISAIAH 62:8

Rōngpu’n intepna marittak inkhat anei jo, Khana ama rathahrat vâng atlosōt sik jo: “Nasâng hei kha na’nrepui he’n sâk nôk mak jo hei ning, Khana ramlak mihe’n naju kha in nôk mak jo hei ning.

ISAIAH 7:2

Judah rengpa hneng Syria remihei Israel ramria heikatlung jo hei ti ṭong atlung pha, ama leh amipuihei seng kha thlipui in thingkung akanok kapōhrep a anṭit a le’nnok jo hei.

JEREMIAH 12:13

Kami he’n gehu anvor, tâk-kha kahar rōk anlōk. ṭōn inhnaktak a antlo, tâk-kha heite hmumak hei. Kahnuk anat rei jâra, anhmuchi inramak a kae.”

JEREMIAH 15:3

Rōngpu ke’n ṭit ka-om ṭōnse inlak 4 hi anchunga mathlung sik a kamantluk jo: anmani rehmun a antha sik hei; ankalōng uihe’n ankei radâk sik hei; vahe’n ansâk sik hei, ramsha he’n a’nhleibanghei kha ansâk sik hei.

JEREMIAH 15:8

Nanram shunga renghmei katamchet jo hei tuipui panga nêrdi ja kanek a. Ke’n nanrether hei ankhangdông lai kathat hei, annuhei inrimna kamande hei. Ke’n thōk hlana leh ṭit-inpirna vânga khan anchunga sōkphutrōia kajem hei.

JEREMIAH 20:4

Rōngpu khet in ahri, “Ke’n nang nabi binga leh naṭhōnhei ṭit-inpirna kamanchang sik che, khana nang in mi rakip an-indōipui he’n chemjâm vâng antathatsō hei kha nahmu sik. Judah mi rakip Babylonhei ratha neina thōia kada sik hei; ama’n ṭhahrep athat sik hei, ṭhahrep rehringa aramting aṭhōi sik hei kae.

JEREMIAH 5:17

Anmani’n nanhmuchi leh nanbu ansâksō pet sik; nansanu nansapa hei anthatpek sik chei. Nanke, nankemōng, nanserup khana nanvomhrui leh nantheichang kunghei ansuk manhmang sik hei. Rekur nanta taksen hei kha anremi he’n ansuk manhmang sik hei.

EZEKIEL 24:23

Nanlu vomak jo tin chei khana kekōk kasea lônmak tin chei khana ṭajai suimak tin chei khana ṭap mak jo tin chei.

EZEKIEL 33:10

Rōngpu’n kahnenga ṭong ajōng hri. Ama’n ati, “Akathithei mihring, Israelhei ṭonghri kha avea anhnenga manthei hei roh: ‘Eini setna tlona leh dikmak nitlona khan niphur kahrik jo. Eini inhmang jo me. Heikhonga mo aka-om tor sik me?’ anti.

AMOS 5:11

Sarahei nanmanrim hei, ansâng hei nankasut hei. Khava jâra a’nnejap hlung inna om mak tin chei, khana vomhrui thei kaṭha nantaling rahōn heia inphut vomhrui ju inmak tin chei.

MICAH 6:15

Sachi bechi nanvor sik tâk akara khômmak tin chei. Olive thei nan-ep sik, tâk ahei tik a’m hmangtor mak tin chei. Ju nansyem sik, tâk ahei tik a’m inmak tin chei.

HAGGAI 1:6

Nangni’n sâng hingja nanvor, tâk apâr ajingte rōk nankhôm. Sâk sik a bu nannei, tâk nanvon khopna sik katluk a neimak chei. In sik a vomhrui ju nannei, tâk inruina sik katlunga neimak chei! Pōn nannei, tâk nanlumna sik katluk a neimak chei. Khanna ṭōnkatlo he’n anhringna sik a hlotor mak hei.

ZECHARIAH 14:12

Jerusalem chunga re katlo jât rakip hei chunga Rōngpu’n ṭit ka-om tak natse amasō pek sik hei. Anhring chunga antak ravōi kaṭopsō sik hei; khana anhmit leh anmalei kaṭop pek sik hei.

MALACHI 2:3

Nansahei karâkna kapek sik hei khana nanta heitōk ranhringhei ek kha nanhmaia kakano pek sik chei, khana ek hmebunga khan nangni ṭhōisōt sik chei kae.

DÂNRABU INHNINA 28:51

Nanran leh hmuchi ansâksō sik, nangni chu vonṭâma kathi sik chei. Nangni sik a hmuchi, vomhrui ju, olive thai, se leh kemōng dahlon mak hei ning; kathi sik jo chei.

DÂNRABU INHNINA 32:25

Re’n hlamlena thina amansōk sik; ṭit-inpirna’n innshung akatlir sik. Khangdông nuhmei-pase kathi sik hei; naite leh kater he’m ṭhenmak ning.

HEBREWHEI 10:31

Akahring ṭhak Pathen kut chunga nitlâk sik hi ṭit ka-om tak inkhat kae!

ṬONGKATANHEI 6:11

Khava sōa Rōngpu ngeva kha Ophrah khōa kahong khana Abiezer phungṭhena Joas tamankek sasōkung thōia le’n ong. Asapa Gideon in vomhrui epna hmun a, Midi he’n anheihmu makna sik a marûk a gehu avōk a leika-om.

SAMUEL INKHATNA 2:33

Achang innum, nasōn inkhat chu kahringa kada sik, ama’n thempu inkhat a arazen sik eng. Tâk ama ahmit hong kacho sik khana a’nhōrna rakip inhmangpet sik, khana nang sōn alak-hei kha innâk-insea kathisō pet sik hei.