LEVI-DÂN 26:13 - LEKHARABU INTHENG (BSI)

¹³ Nan-Pathen Rōngpu ke’n nangni sōk nanchang injôn makna sik Egypt a inphut kaheiṭhōisōt chei kae. Nangni nankasuk inhnem hei ratha kha kavōk-khōi pek jo chei khana nanlu nanman tanga kamanse jo chei.”

LEVI-DÂN 26:13 ပူးပေါင်းရင်းမြစ်များ

HLAHEI 116:16

O, Rōngpu, kei nasōk eng kae; kanu tatlo kapōa, ke’n nang karazen che. Nang in thina inphut nahuksōt eng.

SŌKSŌT 14:8

Rōngpu’n rengpa malung kha amanngarpek, torna leh inṭhōia aleikasesōt jo hei Israelhei kha ahei hnong jo hei

SŌKSŌT 20:2

“Egypt ram a nansōk changna a inphut nanhei kaṭhōisōt kei Rōngpu, nan-Pathen eng kae.

SŌKSŌT 6:7

Ke’n nangni hi kei khet mi sik a kasyem sik chei, khana kei nan-Pathen kachang sik eng. Nangni Egypt a nansōk changna inphut kamasōsōt chei pha kei hi Rōngpu nan-Pathen kachangna nanmanhret sik eng.

ISAIAH 51:23

Khavakha nangni kasuk inrim hei, hlamdunga anmanje cheia, khana akabōk chei kapōa nanchunga anikachōn hei hnenga kapek sik jo hei.”

ISAIAH 9:3

Rōngpu, nang in inpâkna kalentak napek jo hei. Nang in inpâk theia nasyem jo hei. Mihe’n anhlei anlōksō pha, achangmak leh annei chom kha ansem leh a’npâk hei kapōa naṭōn tloa khan inpâk jo hei.

JEREMIAH 2:20

Chunghnung Rōngpu’n ahri, “Israel, nang in phat kasôttak karatha neina chunga heihnōm mak jo che. kaṭong hi juihnōm mak che khana akamuk hnōm mak che. Tlâng inshâng chung rakip a thingkung ka-êm thōi rakip a, vonchoina pathenhei kha nakamuk joa kae.

JEREMIAH 28:2

khachu Chunghnung Rōngpu, Israel Pathen in ati: “Babylon rengpa ratha hratna kavōk-khōi jo.

JEREMIAH 28:4

Ke’n Judah rengpa, Jehoiakim sapa Jehoiachin leh inṭhōia Babylona rehringa antakei Judah mihei seng kha kaheiṭhōi male sik hei. Ôk, ke’n Babylon rengpa rathahrat kasuk khōipek sik. Rōngpu ke’n kahri jo kae.”

EZEKIEL 30:18

Ke’n Egypt ratha neina kavōk mathlâk pha khana an-inlensakna ratha kha kamanchaisō pha, Tahpanhe chunga inthim in ahlō sik. Sumtuk in Egypt kha amakhu sik, khana akhōpui rakip rehringa anṭhōi sik jo hei.

EZEKIEL 34:27

Thingkung he’n kara annei sik, hleipuk he’n hmuchi anpek sik, khana mi rakip anram et a kahōia ka-om sik hei. Kamihei thirhrui kavōktan pha anmani sōk changna inphut kamasō hei pha, anmani’n kei hi Rōngpu eng kae tia anmanhret sik eng.

HOSEA 11:4

Ke’n lungset leh marit a kahnenga kakei manhlut hei, Ke’n kakadom heia kakabeng leh kasuktō hei; Kei inkun enga kavei mankhop hei.

LEVI-DÂN 25:38

Hivahi nan-Pathen Rōngpu ṭongpek kae, Canaan ram pekna sik a leh nan-Pathen changna sik a Egypt a inphut nanhei kaṭhōisōt kha kae.

LEVI-DÂN 25:42

Israel mihei hi Rōngpu sōk-hei kae, ama’n Egypt ram a inphut aheiṭhōisōt hei kae, sōk a jōrmak sik hei kae.

LEVI-DÂN 25:55

Israel mi inkhat kha sōk changthang theimak ning, ajârchu Israel mihei hi Rōngpu sōk-hei kae. Egypt ram a inphut aheiṭhōisōt hei kae; ama an-Pathen Rōngpu kha kae.

NAHUM 1:13

Tûnchu nanchunga Assyriahei ratha neina kha kamanbâng sik jo, khana nankhopna hrui kha kakeitan sik jo.”