LEVI-DÂN 26:11 - LEKHARABU INTHENG (BSI)

¹¹ Kei a’ntheng pōn-inna khan nankâra ka-om sik eng, nanhnenga inphut kei inhe mak ning.

LEVI-DÂN 26:11 ပူးပေါင်းရင်းမြစ်များ

SAMUEL INHNINA 7:7

Israel mipuihei leh kalônlena rakip a ke’n kakadeisōt hlamkakeihei hneng heisa mo cedar thing vânga bek-inn antasakpek mak eng tia derphung tet mak hei eng.’

RENGHEI INKHATNA 6:13

Nang in nasyemsōt Bek-inn shunga kamihei kâra ka-om sik eng, khana ke’n dahlon hêrmak hei ning.”

RENGHEI INKHATNA 8:13

Tûnchu ke’n bek-inn kalentak kasak pek jo che, ahei tik a na-omna sik hmun kha.”

RENGHEI INKHATNA 8:27

“Tâk, Eh Pathen, nang raleichunga hin aka-om tor khet che mo? Marvân rakip innum akentor mak che kae, khan chu hiva Bek-inn kasak a hin heikhonga mo akatluk tor sik?

HLAHEI 106:40

Khava jâra Rōngpu kha amihei chunga ahnuk kana jo; khana amater jo hei.

HLAHEI 76:2

Jerusalema omna inn anei; Zion Tlânga ama ka-om.

HLAHEI 78:59

Pathen in khahei kha ahmu pha ahnuk kana jo, khava jâra amihei kha pui katluk a ahlon sōt jo hei.

SŌKSŌT 25:8

Kei ankâra ka-om theina sik mipui he’n kei sik a a’ntheng Pōn-inn inkhat antasyem nger sik kae

SŌKSŌT 29:45

Kei kamipui Israelhei kâra ka-om sik eng, khana an-Pathen kachang sik eng.

SŌKSŌT 29:46

Anmani kâra ka-om theina sik a Egypt ram a inphut ankaṭhōisōt an-Rōngpu an-Pathen kei hi anmanhret sik jo eng. Kei an-Rōngpu an-Pathen eng kae.

JEREMIAH 14:21

Naṭongtep kha mandonsōt roh, donloa adamak roh; nang len in-ongna kalûrtak hmun, Jerusalem chunga hmesetna heirôn mak roh. Keini leh ni’ntepna kha makhōimak roh.

ṬAJAISUINA 2:7

Rōngpu’n amaichâm kha ahlon sōt jo, khana a-Bek-inn adahlon jo; Abanghei kha inrepuihei tasuk manset sik a kahnōm jo. Pha khat a inpâk a kanlei kamukna kha inrepui he’n retorna ka-ông jo hei.

JOEL 2:27

Khava pha, Israel, kei nankâra ka-om eng tina leh, khana Rōngpu kei hi nan-Pathen eng kae, alak heite om mak, tina hi nanhong manhret sik jo. Kamihei ahei tik a hmumasia om mak jo hei ning.

LEVI-DÂN 20:23

Khava hmun a aka-om hei chôndân kha juimak ruh; ram khan nangni nanhlut theina sik a jât-hlop hei kha kahnong sōt hei kae. Anṭhatmakna omchen rakip khan kamater hei kae.

LEVI-DÂN 26:15

Kei dânhei leh kaṭong pek nanjui hnōm mak inchu khana ke’n nanhnenga intepna kaleisyem kha nanvōk khōi inchu,

LEVI-DÂN 26:43

Ahma kakeia ram kha amihei mandahlon sik kae, pui katluk a châm a’nhngatna sik a, khana kadân leh kaṭong pek hei anhlonsōt jâra karâkna kha antachen sik kae.

LEVI-DÂN 26:44

Kha’num, ankadōihei ram a an-omlai khan pui katluk a dahlonna leh suk manhmangna chu tlomak ning. Khanga enchu anmani leh kalei intepna khana kei anmani Pathen Rōngpu ka-ena kha amanbâng sik joa kae.

ZECHARIAH 11:8

Kei ani kahōt kemōng kakhem ahlop 3 hei kha detor mak jo hei eng, khana thla khat shunga khan inthloppui makna sik katlo jo.

EPHESIANHEI 2:22

Pathen in Rathla a a-omna hmun inkhat a ahlop-hei leh nankhenga, ama leh inchunna shunga nangni’m a’nsak jo inn chei kha kae.

DÂNRABU INHNINA 32:19

“Hivahei hi Rōngpu’n ahmu pha ahnuk leikana khana asapa leh asanuhei kha ahlon sōt hei.

JOSHUA 22:19

Tûna chu, nanram kha kamukna sik a rahōi asōk mak inchu, Rōngpu Pōn-inn matungna, aram a hin hong jo ruh. Kankâra inphut ram ṭhahrep vakadei ruh. Tâk Rōngpu kadōia dekna neimak ruh khana ni-Rōngpu maichâm a-om reireia maichâm inkhat syem nôk a keini dōina kha tlomak ruh.

JOSHUA 22:31

Eleazar sapa Phinehas thempu’n anhnenga ati, “Tûnchu Rōngpu’n a’nṭhōipui chei ti kanmanhret jo. Nangni ama dōimak jo chei, khana Israel mipuihei Rōngpu’n akarâk sik heia inphut nanhûk jo.”

ṬONGPHÔNG 21:3

Khana len in-ongna inphut rasa inhnaktak a jōng kaṭong ke’n katheia hing’hin ahri: “Tûnchu Pathen inn kha mihring leh ka-omsap jo! Ama’n anmani a-ompui sik hei, khana anmani ami kachang sik hei. Pathen khet in a-ompui sik hei, khana ama an-Pathen kachang sik.

ṬONGPHÔNG 7:15

Khava jâra anmani Pathen len in-ongna hmaikunga akangir heia sûn leh jân bek-inna anrajena ka-om hei. Len in-ongna chunga a’n-ongpa khan anmani a-ompui heia akahuk sik hei kae.