LEVI-DÂN 26:1 - LEKHARABU INTHENG (BSI)

¹ Rōngpu’n ati, “Lim syem mak ruh, milim, hlung kacho, kamuk sik a hlunga lim mazet mak hei ruh. Kei nan-Pathen Rōngpu eng kha kae.

LEVI-DÂN 26:1 ပူးပေါင်းရင်းမြစ်များ

RENGHEI INHNINA 17:10

Anmani’n hmebung rakip leh thingkung daihlim rakip a hlung kachohei khana Asherah pathennu limsyem anmatunga kae,

RENGHEI INHNINA 17:16

Anmani’n Rōngpu an-Pathen dân rakip ansukkhōi khana kamuk sik sum-êng sehratche 2 ansyem; khana Asherah pathennu limsyem um ansyem, ârsihei ankamuk, khana Baal pathen anrazen.

RENGHEI INHNINA 17:8

ami he’n hmating re anheinam pha Rōngpu’n ahnong sōt pek mihei omchen kha anjuia, Israel renghei sedân chôndân kha anhmanga kae.

HLAHEI 78:58

Lim kamukna hmun ansyem jâra khan ahnuk anhong mannat, khana anlimsyem vâng khan ahnuk anmanthak hêr joa kae.

HLAHEI 97:7

Limsyem inmuk rakip inzakna apek hei; pathen rakip in Rōngpu hmaikunga inkun hei.

SŌKSŌT 20:2

“Egypt ram a nansōk changna a inphut nanhei kaṭhōisōt kei Rōngpu, nan-Pathen eng kae.

SŌKSŌT 20:23

Kei tei loa kamuksa sik a dangka a-emak leh sana vânga nanbinga pathen lim syem mak ruh.

SŌKSŌT 23:24

An-pathenhei hma inkun mak ruh emak leh kamuk mak ruh, khana anbek chônngai kha tlopek mak hei ruh. An-pathenhei kha suk manhmang hei ruh khana anhlung chopui intheng hei kha suk thleksō pet hei ruh.

SŌKSŌT 34:17

“Nangni’n thîr vânga pathen syem mak ruh khana kamuk mak ruh.

ISAIAH 2:20

Khava kani ajongtlung pha, sana leh dangka vânga antasyem limhei kha anhlonsōt sik jo hei, khahei kha matîr leh bâk-hei hnenga hlonsōt pek kachang sik hei.

LEVI-DÂN 19:4

“Kei dahlona limsyem kamuk mak ruh; thir leh hlunga pathen syem mak ruh khana kamuk mak ruh. Kei nan-Pathen Rōngpu eng kha kae.

LEVI-DÂN 25:55

Israel mi inkhat kha sōk changthang theimak ning, ajârchu Israel mihei hi Rōngpu sōk-hei kae. Egypt ram a inphut aheiṭhōisōt hei kae; ama an-Pathen Rōngpu kha kae.

LEVI-DÂN 7:33

thisen leh athai katōksōt thempu hnenga pek sik kae.

MIJAHEI 33:52

aram a ka-om mi rakip hei kha nantahnong sōt pet sik hei kae. Anhlung leh anthir limhei, khana ankamukna hmun rakip hei kha sukset hei ruh.

ṬŌNTLOHEI 17:29

Eini hi Pathen sa nichang jâra, ama ara-âng hi mihring kutthem leh tlotheina vâng hlung, dangka khana sana vânga insyem lim kha apō sik tia nimandon mak sik kae.

DÂNRABU INHNINA 27:15

“‘Tu inkhat in hlung leh thing khana thir vânga lim asyema marûk a akamuk inchu Rōngpu hâksêrna kha achunga tlung rasoh. Rōngpu’n limsyem ahōt a kae.’ “Khana mipui he’n ‘Amen!’ tia anmasôn sik.

DÂNRABU INHNINA 5:6

‘Sōk nanlei changna Egypt ram a inphut nankahuksōt, kei hi Rōngpu nan-Pathen eng kha kae.

ṬONGPHÔNG 22:15

Achang ravâng khōpui vângting khan chu, mikahōn inthla, mikaṭhamak, dôi kachoi, mikajông, mikathat, limsyem inmuk, ṭōntlo leh ṭonghria malei kasei ka-om hei.

ṬONGKATANHEI 18:30

Dan mihe’n limhei kha kamuk sik a anmatung jo hei, khana Moses tupa, Gershom sapa, Jonathan in Dan phung sik a thempua inṭang jo, khana mipuihei kha miram surmi anchang mak hma seng ama sōn he’n anmani thempu le’nṭang heia kae.