LEVI-DÂN 25:9 - LEKHARABU INTHENG (BSI)

⁹ Khava sōa thla 7 tlukna ni 10 ning, Pekmalena Kani kae, pengkun katum inkhat ram pumpuia tir ruh.

LEVI-DÂN 25:9 ပူးပေါင်းရင်းမြစ်များ

HLAHEI 89:15

Hla leh inṭhōia nang inmuk hei kha heituk a akahōi hei mo, nalungsetna vâr shunga aka-om hei kha!

HLAHEI 89:16

Nang jâra anmani sûn nilun inpâk hei, khana naṭhatna jâra anchoi ka-ân chea kae.

ISAIAH 27:13

Khava kani ahong tlung pha, Egypt ram a leh Assyria ram a Israel sahei rekahringa antakei hei seng bekmalena sik a Pengkun inkhat intum sik. Anmani kahong sik heia kha, ahmebung intheng Jerusalema Rōngpu kha ankamuk sik.

LEVI-DÂN 16:20

Aaron in Hmun Inthengpen, Rōngpu omna Pōn-inn shung, maichâmhei seng manthengna atorsōa, Azazel sik a kadei jo ke kahring kha Rōngpu hneng atōk sik jo.

LEVI-DÂN 16:29

Chôndânhei hi akahong sik pha rakip a nit sik hei kae. Thla 7 tlukna ni 10 ning Israelhei leh anhnenga aka-om khōhme he’n bu antahngōia ṭōn antatlo mak sik kae.

LEVI-DÂN 16:30

Khava ning khan beklanga an-inthengna sik a, ansetna rakip a mantheng sōtna rōi antatlo sik kae.

LEVI-DÂN 25:8

Kum 7 kha ve 7 tei ruh, kum 49 kae.

LEVI-DÂN 27:17

Pekmalena Kum sōlima atōk inchu aman kha katluk a pek sik kae.

LEVI-DÂN 27:24

Pekmalena kum ahong tlung pha akapu marō leh asōnhei hneng pek male sik kae.

MIJAHEI 10:10

Khana inpâkna rōi heia, Thlather Reveihei leh beklanga rehōi ralak-heia, romanvâm inthoina leh inlôikhômna inthoina nantōk pha pengkunhei hi nantatum ri sik kae. Khan chu ke’n ka’nthōpui sik chei kae. Kei nan-Rōngpu nan-Pathen eng kae.”

MIJAHEI 36:4

Pekmalena Kum a, ale’njōrsōt karōi rakip kha akapuhei hneng pek male sik pha khan, Zelophehad sanuhei karōi khachu anpuisehei phunga ahei tik a besapek kachang sik a kha eini phung sik a chu inhmang jo.”

ROMANHEI 10:18

Tâk-kha ke’n kader: ṭong hi antathei mak mo kae? Anmani’n antheikhet jo ajârchu Ṭong intheng in ahri: “Anṭonghri karesō raleichung pumpuia kase sō jo; anṭong rahme raleichung inchaina katlung sō jo.”

ROMANHEI 15:19

ṭōn-inlak leh det-hla vânga, khana Pathen Rathla hratna vânga, aleitloa kae. Khava jâra Jerusalema inphut Illiricum katlunga kasena senga Christa chungchânga ṭong pui katluk a kaleiphông jo.

THESSALONIANHEI INKHATNA 1:8

Ajârchu nangnia inphut a Rōngpu ṭong kha Macedonia leh Achaia rōk a a’nthang changloa, Pathen nantaksenna kha hmun rakip a katlung jo. Khava jâra, hiva kakhea hrisa sik heite om mak.

JOSHUA 6:4

Thempu 7 he’n pengkun inkhat et anchoia, Intepna Bôm hma a kase sik hei. Ni 7 tluk ning thempu he’n pengkun anheitum pha, nang leh naremi he’n khōpui kimvea ve 7 a’njôk sik chei kae.