LEVI-DÂN 25:23 - LEKHARABU INTHENG (BSI)

²³ Nanram jōrsōt thang theimak tin chei, ajârchu nanta changmak; Pathen ta kae, nangni khōhme ângphunga nantahmang sik a ahnōm pek chei kha kae.

LEVI-DÂN 25:23 ပူးပေါင်းရင်းမြစ်များ

PETER INKHATNA 2:11

Kaṭhōn marit hei, hiva vânhnōia hin khōhme leh rekatlânhei hnenga kapōa kahei ngek chei. Ahei tik arathla kadōiṭhak taksa tamadu leh rangei heia khan inpek mak ruh.

HLAHEI 39:12

Rōngpu, kaderna rangei roh; khana kapengna athei pek roh; nahnenga kaṭap pha kakabôm sik ahongpek roh. Kapu kapahei kapōa, pha bongkhat sik a khōhme hrep eng kae.

EZEKIEL 48:14

Rōngpu hneng a’ntōksōt kha ram rakip a akaṭhapen kae, khavakha jōrna, khana hmun khat leh thlengna leh thōnna intlo theimak ning. Hivahi a’ntheng kae, Rōngpu ta kae.

HLAHEI 24:1

Vânhnōi leh ashunga ka-om rakip Rōngpu ta kae; ralei leh achunga aka-om rakip ama tahei kae.

THUHMINGHEI INKHATNA 29:15

O Rōngpu, nang in namanhret ung, ti chu kanpu sōnhei tatlo kapōa, rehring sur leh khōhmea kanhringkhō leikathleng jo. Kanhringkhō hi kani daihlim aseri kapō kha kae, thina kha keini’n pesōt tor mak ung.

DÂNRABU INHNINA 32:43

“Eh jât-hei, Rōngpu mihei kha nantamanpâk sik hei kae, anmani kathat rakip hei kha akarâk hei. Ama kadōihei chunga phu ahlō khana amihei setna chu arangei mandam hei.”

SŌKSŌT 19:5

Tûn, nangni’n kaṭong pek hei nanjuia ka’ntepna kaṭha nannit inchu, nangni kamitak kha kachang sik chei.

JOEL 3:2

Jât rakip kamantûp sik hei Ṭong tanna Phaichama kaheiṭhōi sik hei. Kamihei chunga anleitlona rakip jâra khana khan anṭong katan sik. Anmani’n Israelhei kha mihlop-hei ram a anchai kathek hei, khana, Israel karam kha insemṭhen heia kae.

JOEL 2:18

Khana Rōngpu’n aram kha angeitō nôk a; amihei chunga lungsetna anei hei.

HOSEA 9:3

Israel mihei kha Rōngpu ram a khan om mak hei ning tâk Egypt ram a inle nôk sik heia kha Assyria ram a inthenglo thlai kha ansâk sik.

HLAHEI 85:1

Rōngpu, naram kha lungset a naleirôn Israel kha mikahao naman chang nôk.

THUHMINGHEI INHNINA 7:20

ke’n kapek chei ram khana inphut kalosōt sik chei kae, khana hiva Bek-inn, kei kamukna sik a kaman thengsōt hmun hi kadahlon sik kae. Hmun rakip a mihe’n khavakha anhnōise sik khana hnōisetak a antlo sik jo.

LEVI-DÂN 25:10

Hing’hin kum 50 tlukna kha ahlop a ṭhen una ram shunga ka-om mi rakip hneng ning leh hnōma masō anchangna kha phông ruh. Hiva kum shunga hin neinâk ale’njōr rakip akapu marō a-emak leh asōnhei hneng pek male sik, tu a-enum sōk a ale’njōr mi kha a-innshung hneng tir male sik kae.

ISAIAH 8:8

Anmani tuikalen in nidâr katlunga achûma heirakip amakhusō kapōa, Judah ram shunga heikahlut sik hei.” Pathen in a-ompui me! Ama mathla zâr thōia ram hi aka-unsia kae.

HLAHEI 119:19

Raleichunga pha bongkhat sik a ka-om eng; keia inphut naṭongpek kha athuppek mak roh.

RENGHEI INKHATNA 21:3

Naboth in amasôn, “Kapu kapa heia inphut hiva rahōn hi kachen kae. Nang pek sik hi Rōngpu’n hnōm mak a kae.”

A’NPHUTNA 47:9

Jacob in, “Kei khōhme hringkhō hi kum 130 katluk jo. Khava kumhei kha kapa-kapuhei khōhme hringkhō kaseihei kha leh in-ang loa, katôi khana kei hringkhō hi intak eng,” ati.

A’NPHUTNA 23:4

“Kei hinahin nankâra khōhme inkhat a ka-om eng; kanuhmei hrena sik ram ahlek kahnenga ajōrpek ruh.”

SŌKSŌT 2:22

amanu’n sapa inkhat aleinei pek. Moses khan abinga inbek a “Kei hiva ram a hin khōhme eng kae, khava jâra arahming hi Gershom tia kaphō sik,” ati.

LEVI-DÂN 25:24

Ram nanjōr pha, akapu marōpa’n rachôk malena ratha anei kha nantamanhret sik kae.

HLAHEI 39:13

Kei kasesōt a ka’nhmang thang mak hma hin hōina bongkhat bek kachen theina sik kabing rōk a amasō roh.