LEVI-DÂN 23:40 - LEKHARABU INTHENG (BSI)

⁴⁰ Khava ning khan kara kaṭhapen nanthei kunga inphut ṭhōt ruh, kahno bâk leh thing bâk inbur choi ruh, khana Rōngpu nan-Pathen kajana bekna revei kha phut ruh.

LEVI-DÂN 23:40 ပူးပေါင်းရင်းမြစ်များ

HLAHEI 137:2

Kansira huisum kung heia khan kanserângdâr hei kha kanmakhei hei.

HLAHEI 92:12

Mikadik-hei khachu kahno kung kapōa kakhang sik hei; Lebanona cedar thingkunghei kapōa kakhang sik hei.

ISAIAH 35:10

Anmani Jerusalema inpâktak a katlung sik hei, Inpâk pum a hla ansak a ka-ông sik hei. Anmani ahei tik a kahōi sik jo hei, ahei tik chenna malung inrengna leh Khōdeng theina inphut masōsōt akachang jo hei kae.

ISAIAH 44:4

Anmani kha tui lōngna hmun a kahar kapōa tuitlânna huisum kapōa kakhang sik hei.

ISAIAH 66:10

Jerusalem leh inṭhōia inpâksap ruh; amanu sik jâra inpâk ruh, nangni hiva khōpui inlungset hei seng! Tûn ama leh inpâksap ruh, amanu sik jâra ṭajai kasui hei seng!

LEVI-DÂN 23:39

Nansâng nankhôm pha, hiva revei hi ni 7 hmang ruh, thla 7 tlukna ni 15 ning phut ruh. Ahma inkei ning kha ahlop mônga châm inhngatna sik kae.

LEVI-DÂN 23:41

Ni 7 hmang ruh. Hiva dân hi nansōn he’n akahong sik pha rakip a antahmang sik kae.

MATTHEW 21:8

Mipui katamtak in hlamlena khan anpōnhei anpha, khana ahlek he’n thing bâk-hei anvathlâk a hlamlen chunga khan anpha.

JOHN 12:13

Khava jâra anmani’n kahno bō anchoia intōpui sik a kase heia, “Hosanna! Pathen manpâk rih! Rōngpu rahminga akajōng! Israel Rengpa kha amahâm kaṭha!” tia an-ôna kae.

JOHN 16:22

Khang’khan nangni’m kati sik cheia kae: tûn nangni inrim chei, tâk ke’n nangni ka’nhmupui nôk sik chei, khana nanmalung shunga inpâkna kasip sik, nangnia inphut tûte’n antalosōt tor mak sik jo inpâkna kae.

ROMANHEI 5:11

Tâk-kha khaseng rōk kha changmak; tûn eini Pathen ṭhōna ani kasyem ni-Rōngpu Jesu Christa a Pathen ṭōntlo jâra khan eini inpâk a katlai jo me.

DÂNRABU INHNINA 12:12

Khana khan ama hmaikunga, nansahei leh nansōk-hei khana nankhōpuia ka-om Levihei leh inpâk ruh; Levihei chu ram chen neimak hei ning, manhret ruh.

DÂNRABU INHNINA 12:7

Khana khan nangni mahâmṭhat nankapek, Rōngpu nan-Pathen hmaikunga, nangni leh nan-innshung in nanṭōn tlona kara akaṭha kha nantasâk a nanta hōipui sik kae.

PHILIPPIANHEI 3:3

Ajârchu, anmani changmak a eini jôk in vuntan kadiktak kha nichen kae, ajârchu Pathen kha ama Rathla vâng nikamuk a khana nihringkhō shunga Christa leh inchunna khan inpâk a ka-om mea kae. Eini’n vâng pônga ṭōn intlona chunga nitaksen changmak.

PHILIPPIANHEI 4:4

Rōngpu leh nan-inchunna shunga khan ahei tik a a’npâkṭhak chei chang rasoh. Avea kahri nôk, inpâk ruh.

PETER INKHATNA 1:8

Nangni’m ama nanhmu mak ravâng nanlungset, khana tûn ama nanhmu mak ravâng nantaksena kae, khava jâra hritheilo leoa kalen leh kalûrtak a inpâk chei,

ṬONGPHÔNG 7:9

Hivasōa ke’n ka-ena, tûte tatei tor mak sik, mipui katamtak kahmu hei! Anmani kha jât rakip, phung rakip, mi rakip, ṭong rakip a inphut pōn bang ansia kemōngte len in-ongna hmaikunga kahno bō anchoia kangir hei.