1 Aaron leh asapahei hneng hri sik kha Rōngpu’n Moses hneng ṭong apek,
Hivahi Moses’n Aaron leh asahei hneng, Israel mi rakip hneng aleihri kha kae.
“Kei rahming nantamanset mak sik kae, khava jâra Israel mipuihei a’ntheng inthoina kahnenga anta heitōk kha kajatak a hmang ruh. Kei Rōngpu eng kae.
Mi inkhat in Rōngpu hneng a’ntheng rahōi kasōk apek mak inchu, khava katlen malena inthoina sik a nōrna kase kemōngche a-emak leh keche inkhat Rōngpu hneng aheikei sik kae. Aman kha sedân dungjuia intep pek sik.
“Khava chunga, Israel he’n aralak ahlopdet a, kei anta heitōk eng kha nangni ta sik kae. Ke’n khahei kha aheitik a nang leh nasapahei khana nasanuhei sik a kapek jo chei kae. Nang innshung mi beklanga a’ntheng rakip in khahei kha ansâk thei sik.