LEVI-DÂN 20:26 - LEKHARABU INTHENG (BSI)

²⁶ A’ntheng sik chei khana keita rōk akachang sik chei kae, ajârchu kei Rōngpu eng, a’ntheng eng kae. Nangni keita rōk nanchangna sik jât-hlop heia inphut kaṭhensōt chei kae.

LEVI-DÂN 20:26 ပူးပေါင်းရင်းမြစ်များ

NEHEMIAH 10:29

Pathen in asōkpa Moses hneng aleipek Pathen Dân dungjuia kahring sik ung khana khavakha kavōk-khōi inchu hâksêrna kanchen sik tia intepna inkhat thōia kanhlam kakeihei kha kanjui jo hei; khachu Rōngpu kan-Pathen in ṭong apek ung rakip kha kanjui sik; khana adân rakip leh arangei rakip kanjui sik tina kae.

HLAHEI 99:5

Ni-Rōngpu Pathen kha choi ka-ân ruh; alen in-ongna hmaikunga kamuk ruh! A’ntheng kha ama kae!

HLAHEI 99:9

Ni-Rōngpu Pathen kha choi ka-ân ruh; khana ahmebung inthenga khan kamuk ruh! Ni-Rōngpu Pathen kha a’ntheng kae.

SŌKSŌT 33:16

Nang in nasepui mak ung inchu heikhong mo namipui leh kei chunga namalung katlâi ti mi inkhat in amanhret thei sik? Kankâra na-om hin raleichunga mi ralak-heia inphut ahlop a aṭhen sik ung kae.”

ISAIAH 30:11

Kanhlam akhâr pek mak ruh, sesōt ruh. Nangni Israel Pathen intheng chungchânga rangei hnōm mak ung.”

ISAIAH 6:3

Anmani inkhat leh inkhat inbek hei: “A’ntheng, A’ntheng, A’ntheng! Chunghnung Rōngpu kha a’ntheng kae! Ama lûrna’n vânhnōi ralei kasip sō,” anti.

LEVI-DÂN 11:44

Kei nan-Rōngpu, nan-Pathen eng kae, khana nanbinga a’nsuk intheng sik chei kae, ajârchu kei a’ntheng eng kae.

LEVI-DÂN 19:2

Israel mihei hneng hri sik kha amanthei, “Intheng ruh, ajârchu nan-Pathen Rōngpu kei intheng eng.

LEVI-DÂN 20:24

Tâk-kha hiva haona leh thai ṭhatna ram hi nanta kachang sik a a’ntep eng kae, kapek sik chei kae. Kei nan-Pathen Rōngpu eng kha kae, ke’n nangni jât-hlop heia inphut kaṭhensōt chei kae.

LEVI-DÂN 20:7

Nangni inthenga om ruh, ajârchu kei nan-Pathen Rōngpu eng kha kae.

LEVI-DÂN 20:8

Kadânhei jui ruh, kei Rōngpu eng kha kae, khana Ke’n kaman theng chei kae.”

DÂNRABU INHNINA 14:2

Nangni chu Rōngpu nan-Pathen ta chei kae; raleichunga mi rakip hei kâra inphut ama mi kachang sik a akadeisōt jo chei kae.

DÂNRABU INHNINA 7:6

Hihei hi tlo hei ruh ajârchu nangni Rōngpu nan-Pathen ta chei kae. Raleichunga mihring hiseng kâra ama’n ami sik a ahlopdet a akadeisōt jo chei kae.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

JOSHUA 24:19

Joshua khan mipuihei hneng ati, “Tâk-kha nangni’n Rōngpu kha razentor mak tin chei. Ama chu a’ntheng Pathen kae khana nansetna arangei mandam mak ning. Akadōi inkhatbek desôttor mak ning,

ṬONGPHÔNG 3:7

“Philadelphia bekrup ngeva hneng hi mazet roh: “Hivahi a’ntheng leh akadik inkhat a inphut ṭong kae. David shokir kachoi, amahlâng kha tûte’n khâr theimak, akhâr kha tûte’n mahlâng theimak.

ṬONGPHÔNG 4:8

Khava ranhring 4 hei kha inkhat et in mathla 6 sâm annei, ashung avâng hmit he’n akatōmbit heia kae. Sûn leh jân bânglo jena hla ansak: “A’ntheng, a’ntheng, a’ntheng, Rōngpu Pathen Akahratpen kha kae, aleika-om, aka-om, alaka-om sik kha kae.”