LEVI-DÂN 17:10 - LEKHARABU INTHENG (BSI)

¹⁰ Israel inkhat a-emak leh ankâra ka-om khōhme inkhat in hmeravōi kha thisen a-ompuma asâk inchu Rōngpu’n ama adōi sik khana ami inkhat a inteimak jo ning.

LEVI-DÂN 17:10 ပူးပေါင်းရင်းမြစ်များ

A’NPHUTNA 9:4

Nantasâk mak sik chu, thisen kha ataksa hme leh inṭhōia sathei mak tin chei. Ke’n kakhârna ajârchu hringna hi thisena aka-om kae.

SAMUEL INHNINA 23:17

khana ati, “Rōngpu, hivahi intor hêrmak ning! Hivahi mi 3 hringkhō kaphe ngam hei thisen ka-in kapō kachang sik jo!” Khava jâra in sik kha hnōm mak jo. Khavakha remi inthang mi 3 hei invakna ṭōntlo kae.

HLAHEI 34:16

Tâk-kha ṭhatmak katlohei khachu adōi hei, anthi leh inranga mahngi anchangna sik a kae.

SŌKSŌT 30:33

Tu achang inum hinghiva kapō kasyem, thempu a-emak leh thempu changlo mi inkhat chunga akahmang hei kha kami inkhat a inlomak ning.’ ”

JEREMIAH 21:10

Ke’n hiva khōpui hi hukmak sik, tâk-kha suk manhmang sik a intluk jo eng. Hivahi Babylon rengpa hneng kapek sōt sik jo, khana ama’n aro manvâm pet sik jo. Rōngpu, ke’n kahri jo.”

JEREMIAH 44:11

“Khava jâra Chunghnung Rōngpu, Israel Pathen ke’n kadōi sik chei khana Judah ram akhenga kasuk manhmang sik kae.

EZEKIEL 14:8

Ke’n kadōi sik. Ke’n ama kha mihei tekhing sik a kasyem sik. Nangni’n kei Rōngpu kae tia nanmanhretna sik eng, ke’n kami rup-hei kâra inphut ama kha kalosōt sik kae.

EZEKIEL 15:7

Khana karâkna kapek sik hei. Hmei inkhat chu anrakan jo, tâk hmei in alakângsō sik hei. Ke’n anmani kakarâk hei pha, nangni’n kei hi Rōngpu eng kae tia nanmanhret sik jo eng.

EZEKIEL 33:25

“Chunghnung Rōngpu kei ṭonghri hi manthei hei roh: Nangni’n hme kha thisen ashunga a-ompuma nansâk. Nangni’n limsyem nankamuk. Mi nanthat. Ram hi heikhonga mo nanram manchang sik a nantamandon?

EZEKIEL 44:7

Anmani’n ram hlop mi, vuntanlo hei anmanhlut heia kabek-inn anmanbōk, kahnenga ranthai leh thisen inthoina anitōk kâra kaṭong kajuimak hei khan Bek-inna kahlut hei. Khava jâra kami he’n kei intepna kha mater ka-om ṭōn rakip antloa anvōkkhōi jo.

LEVI-DÂN 17:11

Akahring rakip hringkhō hi thisena ka-om, khava jâra mihei setna losōtna sik a thisen rakip hi maichâm chunga bun mathlâk sik kae tia Rōngpu’n ṭong apek kae. Hringna kachang thisen hin setna alosōt a kae.

LEVI-DÂN 19:26

“Thi alaka-om hme inkhatbek sâk mak ruh. Dôi hei inkhatbek inchu mak ruh.

LEVI-DÂN 26:17

Nangni kadōia kahnget sik chei, nangni torna sik a, nanka-en kada he’n nanchunga vai anrôn sik; khang hrep a kaṭi sik chei khachu tûte’n anhnongmak chei inum inpera katlân sik chei.

LEVI-DÂN 3:17

Israel inkhatbek inum athai a-emak leh thisen sâk theimak ning; hivahi Israel mi rakip in ahei tik a hmuntina an-omna antajui sik kae.

AMOS 9:4

Anmani anka-en kada he’n khum sik a anṭhōi hei inum, ṭong kapek heia kamanthatpet sik hei. Anmani kha inthōpui loa thatpet sik a kamandon jo.”

ṬŌNTLOHEI 15:20

Khava kanek a, anhnenga chithi mazet jôk me sona bek chônngaia akabōk bu leh thlai ansâk makna sik, ajârchu khahei kha limsyem hnenga tōknahei kae; jông leh kîk a inphut anbinga an-inkhâmna sik; khana karâk-hlon ranhring leh thisen ansâk makna sik a manthei hei rih.

ṬŌNTLOHEI 15:29

Lim inthoi insânna thlai sâk mak ruh: thisen sâk mak ruh, karâk-hlon ran sâk mak ruh, khana jông leh kîk a inphut nanbinga inting ruh. Hivahei senga inphut nan-inhrungthei inchu akaṭha katlo kha kachang sik chei. Maritna chibei kanhei pek et chei.”

DÂNRABU INHNINA 12:16

Tâk anthisen chu thlaisâk a nanta hmangmak sik kae; tui kapōa raleia nanta maser sik kae.

DÂNRABU INHNINA 12:23

Thisen alaka-om hmeravōi rōk chu sâk mak ruh, ajârchu hringna hi thisena ka-om, hringna kha hme leh inṭhōia nantasâk mak sik kae.

DÂNRABU INHNINA 15:23

Tâk anthisen khachu sâkthlaia hmangmak ruh; khava kanek a tui kapōa raleichunga sun mathla ruh.

HEBREWHEI 10:29

Kha achang inchu, Pathen Sapa kahnōise hei sik hei mo kachang sik? Khava anset manthengna kapek Pathen intepna thisen kha mankabeitek a akalo hei sik? maritna Rathla manzakna kapek hei sik? Khahei kha heituk-hrep akakhe karâkna mo anrahōi akachang sik mandon ruh!

SAMUEL INKHATNA 14:32

khana ankadōi heia inphut antachomsōt hei, kemōng leh ranhei anlo heia khava hmun a anthat jo hei khana hme kha thisen ala-ompum a anleisâk jo.

SAMUEL INKHATNA 14:33

Saul hneng anleihri pek, “Enroh, mipui he’n hme thisen ompuma ansâk a Rōngpu dōina setna antlo jo.” Saul in ka-ônga, “Nangni jât kajōr chei kae!” Kahnenga hin hlung kalentak heimakhōn ruh,” ati.