LEVI-DÂN 10:11 - LEKHARABU INTHENG (BSI)

¹¹ Moses hnenga kahei pek chei dân seng kha Israel mipuihei namanthei nger sik hei kae.”

LEVI-DÂN 10:11 ပူးပေါင်းရင်းမြစ်များ

THUHMINGHEI INHNINA 15:3

Pha kasôttak Israel in akadik Pathen kasea, an-inthei sik thempu kasea, khana dân kasea leika-om jo hei.

THUHMINGHEI INHNINA 17:9

Anmani’n Rōngpu Dân Rabuk anchoia Judah khōpui rakip antlâk a kase hei, mipui anmanthei hei.

THUHMINGHEI INHNINA 30:22

Levihei khan Rōngpu kamukna kha kasing tak a hlam ansât jâra Hezekiah khan aleimanpâk hei. Anpu sōnhei Pathen Rōngpu manpâkna inthoina antōkna shunga ni 7 kha athleng jo pha

NEHEMIAH 8:2

Ezra khan pase, nuhmei, naipang ṭong kalothei sik a katluk a akalen jo mipuihei intûpna hmun a khan Ezra’n ahei choi pek jo hei.

NEHEMIAH 8:8

Mipuihei khan anmanhret theina sik a anmani’n Pathen Dân kha anbeia anmalesōt a anhri manchên pek heia kae.

JEREMIAH 18:18

Khava pha mihei khan anhri, “Eini’n, Jeremiah chunga heimo inkhat mantluk rih! Ani’nthei sik thempu, ani-inse sik mikasing, khana Pathen ṭong thangkōi kahrile sik ahei tik a ninei ṭhak sik hei kae. Ama chunga masetna pek rih khana aṭong rangei pek mak jo rih.”

JEREMIAH 2:8

Thempu he’n, ‘Rōngpu khon mo aka-om?’ tia inder mak hei. Kathempu khet he’n amanhret mak jo hei. Vaikarôn he’n kei kadōia inṭang hei; Sânkathem he’n Baal rahminga ṭong ansân akahnem mak limsyem ankamuk hei.

MALACHI 2:7

Pathen kadik a manhretna kha mi manthei sik hi thempuhei ṭōn kae. Mipui he’n kei lungdo anmanhretna sik a anhnenga akase sik hei kae, ajârchu anmani kha Chunghnung Rōngpu ṭongkarônhei kae.

MATTHEW 28:20

khana kaṭong pek chei rakip hi anjuina sik manthei hei ruh. Khana pha a’nchaina katlunga ahei tik a ke’n ka’nṭhōipui ṭhak sik chei.”

ṬŌNTLOHEI 20:27

Ajârchu Pathen ṭōnmantluk rakip kha thup leh ṭhen neiloa kaphôngsōt pek jo chei.

DÂNRABU INHNINA 17:10

Anmani’n ṭong mathlakna annei sik, anmani mantheina che kha natlo sik kae.

DÂNRABU INHNINA 17:11

Anmani ṭongkam kha hnōm ruh khana anmansena heirakip kha jui ruh.

DÂNRABU INHNINA 24:8

“Ṭit ka-om tak vunnatna nannei pha, thempuhei mantheina chei kha tlona sik intluk ruh; ke’n anhnenga kamanthei hei kha jui ruh.

DÂNRABU INHNINA 33:10

Nadân juina sik a namihei anmanthei sik hei; Nang maichâma inthoina antōk sik.

THESSALONIANHEI INKHATNA 4:2

Ajârchu Rōngpu Jesu ratha neina inphut kantahei manse chei hi nangni’n nanmanhret.