LEVI-DÂN 1:5 - LEKHARABU INTHENG (BSI)

⁵ Khana khan sehratche kha athat sik, Aaron innshunga thempu he’n thisen kha Rōngpu hneng antōk sik khava sōa Pōn-inn hlutna hnenga aka-om maichâm asir manlia ankathek sik.

LEVI-DÂN 1:5 ပူးပေါင်းရင်းမြစ်များ

THUHMINGHEI INHNINA 35:11

Kemōngte leh kehei kha anthatsōa, Levihei khan anvun anhlip hei, khana thempuhei khan thisen kha maichâm chunga ankathing thlōn hei.

SŌKSŌT 29:11

Se kha ka-omna hmun intheng Pōn-inn hlutna hma khan that roh.

SŌKSŌT 29:16

That roh, athisen kha maichâm rakir manlia kathek roh.

SŌKSŌT 40:6

Pōn-inn hmatak a khan romanvâm inthoina maichâm kha da roh.

ISAIAH 52:15

Tâk-kha tûnchu jât katamtak in achunga inlak ansak sik, khana renghei kha inhmak heia ṭongmak hei ning. Antamanhret phâk hêrmak kha anhmu sik khana anhong manhret sik jo.”

EZEKIEL 36:25

Nanchunga tui intheng kakathing thlōn sik chei khana nanlim rakip leh bukna nankape rakip a inphut kasuk mantheng sik jo chei.

EZEKIEL 43:18

Chunghnung Rōngpu’n kahnenga ahri, “Akathithei mihring, heimo kahri hi rangei roh. Maichâm kha ansyem pha, khava chunga ro-inthoina natloa inthoina ranthi achunga nakathinga tōksōtna nanei sik kae.

LEVI-DÂN 1:11

Maichâm sak intongting ran kha athat sik khana thempu he’n thisen kha maichâm rakir manlia ankathek sik.

LEVI-DÂN 1:15

Thempu khan maichâm chunga atōk sik, arîng amaher thlek sik, alu kha maichâm chunga aro sik. Athi kha maichâm sira amanjung sik.

LEVI-DÂN 16:15

Khava sōa, mipuihei set-inthoina sik ke kha athat sik, athi kha Hmun Inthengpena ahei choi sik, sehrat thisena atlo kapōa, Intepna Bôm singna chunga leh ahmating akathing sik hei.

LEVI-DÂN 17:11

Akahring rakip hringkhō hi thisena ka-om, khava jâra mihei setna losōtna sik a thisen rakip hi maichâm chunga bun mathlâk sik kae tia Rōngpu’n ṭong apek kae. Hringna kachang thisen hin setna alosōt a kae.

LEVI-DÂN 3:13

ke luchunga akut ada sik khana Pōn-inn hmaikunga athat sik kae. Rōikaver thempu he’n thisen kha maichâm kha asir manlia ankathek sik

LEVI-DÂN 3:2

Ranhei chunga akut ada sik khana Rōngpu omna Pōn-inn hlutna hnenga athat sik. Aaron innshunga thempu he’n thisen kha maichâm asir manlia ankathek sik

LEVI-DÂN 3:8

alu chunga akut ada sik Pōn-inn hmaikunga athat sik. Thempu he’n thisen kha maichâm asir manlia ankathek sik

LEVI-DÂN 4:29

Alu chunga akut ada sik khana romanvâm inthoina ran thatna hmun a maichâm sak intonga khan athat sik kae.

LEVI-DÂN 4:33

Alu chunga akut ada a ro-inthoina ran thatna maichâm sak ting sira khan athat sik kae.

LEVI-DÂN 4:7

Khava sōa Pōn-inn shunga bero inthoina maichâm rakir manlia araki kasonghei kha, thisen akano sik hei kae. A’nhlei thisen khachu Pōn-inn hlutna hma romanvâm inthoina maichâm matungna kunga abun sik kae.

MICAH 6:6

Marvân Pathen, kamukna sik a kahong pha ke’n Rōngpu hneng heimo kahei choi sik? Sehrat rala kaṭhapen kha romanvâm inthoina sik kahei choi sik mo?

MIJAHEI 18:17

Tâk-kha sehrat, kemōng, leh ke a’nte hma-inkeihei khachu rachôk male sik changmak; khahei khachu keita mông jo hei kae, inthoina ro manvâm sik hei kae. Anthi hei kha maichâma kathek thlōn una anthai hei kha kei tlaina marim inkhat a thlai inthoina ro hei ruh.

HEBREWHEI 10:11

Jehudi thempu rakip in ani tina razenna antloṭhak khana inthoina angaia ave-avea antōk a kae; tâk hiva inthoinahei hin setnahei kha hlonsōt tor mak.

HEBREWHEI 12:24

Intepna ther kasyem Jesu hneng leh Abel thisen kanek a akaṭhachet intepna athisen inthek khumna khan kahong jo chei.

PETER INKHATNA 1:2

Ṭong kajui sik leh athisen vâng sukmantheng sik cheia alungdotak a nangni akadei jo chei kae khana arathla vâng mi intheng amanchang jo chei kae. Maritna leh lung mōngna kha pui katluk a nanta chang rasoh.

SAMUEL INKHATNA 1:25

Sehratche kha anthatsōa, naipang kha Eli hnenga anṭhōi manhlut jo.