LEVI-DÂN 1:3 - LEKHARABU INTHENG (BSI)

³ Romanvâm inthoina kha aserup a inkhat atōk sik achang inchu, nōrna kase sehratche aheikei sik kae. Rōngpu’n arahlâng pekna sik Rōngpu Pōn-inn hlutna kot kunga atōk sik kae.

LEVI-DÂN 1:3 ပူးပေါင်းရင်းမြစ်များ

A’NPHUTNA 22:13

Abraham in asîr-apang a-en pha akahnungting kemōngche inkhat thingbura araki intok a ka-om ahmu jo. Abraham kasea kemōngche kha avasura asapa kahlanga ro-inthoina sik a atōk jo.

A’NPHUTNA 22:2

Pathen in, “Inkhat rōk nanei, na-lungset tak nasapa Isaac kha ṭhōi ina Moriah ram a se ruh. Tlâng inkhat kamanhmu sik che, ama kha ro-in-thoina tlo inna kahnenga heitōk roh,” ati.

A’NPHUTNA 22:8

Abraham in amasôn, “Pathen in inkhat apek sik me.” Khana an-inhnia khanga leikase hei.

A’NPHUTNA 8:20

Noah’n Rōngpu hneng maichâm inkhat aleisyem. Ama’n inthoina a’ntheng sha leh vahei kakip a inkha-khat ahei choisōt a maichâma apum a aro mankhut hei.

THUHMINGHEI INHNINA 29:32

Anmani’n sehratche 70, kemōng 100, kemōngte 200 Rōngpu sik aro-inthoina sik anheikei hei;

THUHMINGHEI INHNINA 35:12

Khava sōa Moses Dân dungjuia tōkna sik a, inthoina ranhei kha anmani’n innshung innshunga mipuihei kha insem jo hei.

HLAHEI 110:3

Na’nrepuihei leh nan-intuk ning khan, namihei ratha kahroktak a inṭang sik hei. Jîngkâr hmatak a radaitui kapōa naretherhei kha nahnenga, natlâng inthenga khan kahong sik hei.

HLAHEI 40:8

Ka-Pathen, nalungdo tlo sik kha heituk-hrep kamadu jo mo! Naman theina eng kha kalungria ka’nvona kae,” kalei ti.

SŌKSŌT 12:5

Nangni’n kemōng a-emak leh ke kum khat katluk ache, heite nōrna kase inkhat et nankadei thei.

SŌKSŌT 24:5

Khava sōa ama’n retherhei atir heia anmani’n Rōngpu hneng inthoina anro jo khana inlôikhômna inthoina sik sehrat ṭhahrep anleitōk jo.

SŌKSŌT 29:18

Kemōngche kha apum a maichâm chunga thlai inthoina ro roh. Hiva inthoina hmui marim hin kei amantlai eng kae.

SŌKSŌT 29:4

“Aaron leh asahei kha ka-omna Pōn-inn hlutna kot hma heiṭhōi heiroh, beklanga tui insina sik hripek hei roh.

SŌKSŌT 29:42

Hiva ro manhmuina inthoina hi ka-omna Pōn-inn honghlutna khan ka-ângkunga ahei tik a nantatōk sik kae. Khava khan kamipuihei ka’nhmupui sik hei khana nahnenga ṭong kahri sik kae.

SŌKSŌT 32:6

Ajînga jîngkâr hmatak ran ṭhahrep inthoina ro manhmui sik leh inlôikhôm inthoina sik anhongṭhōi jo hei. Mipuihei kha ansâk an-ina jông leh kikna anleihmang jo.

SŌKSŌT 35:21

khana tu achang inum khanga a’ndon rakip in Rōngpu omna Pōn-inn sakna sik a tōkna Rōngpu hnenga anheichoi. Anmani’n heirakip kamukna hmang sik kasōk khana thempuhei invonna sik anheichoi.

SŌKSŌT 35:29

Rōngpu’n Moses hneng tlosōt sik a ṭong aleipek dungjuia Israel mipui seng in ṭōn tlona sik a antapek hnōmhnōm anheitōk a kae.

SŌKSŌT 35:5

Rōngpu hneng tōkna nei ruh. Mi rakip khanga akatōk hnōm in sana, dangka, sum-êng,

SŌKSŌT 36:3

Anmani’n ama hnenga inphut Israel he’n Pōn-inn intheng sakna sik a tōkna anta heichoi rakip kha anleirahlâng. Tâk Israel mipui he’n jîngkâr katai intanlo jena anneitōk hei kha Moses hneng anhongrôn.

SŌKSŌT 38:1

Romanvâm inthoina sik a maichâm inkhat acacia thing vâng aleisyem. Adung avai in-anghrep, metre 2.2 kasei khana metre 2.2 inpek, metre 1.3 inshâng.

ISAIAH 1:11

Ama’n ahri, “Nang in hiva inthoinahei seng kei hneng natōk hi kamadu sik hei tia namandon mo? Nang in nakemōng leh ran kaṭhahei thai inthoina naro hei kanek a katluk a kanei. Kei sehratche, kemōng leh kehei thisen kha kaning ache jo.

EZEKIEL 20:40

Sova ram a son, kei tlâng intheng, Israel tlâng inshâng chunga nangni Israel mi rakip in nantakamuk sik eng kae. Kei nanchunga katlai sik eng, akaṭhapen nantōkna hei kha leh a’ntheng nankutchoi hei, nan-inthoina kahnenga nata heichoi sik a kamadu sik.

EZEKIEL 40:39

Hiva ashung hlutna innden shunga hin dokhâng 4 ka-om, innden asir inhnia dokhâng 2 et anda. Hiva dokhânghei chunga hin inthoina tōk sik ranhei kha antha heia kae; pumro inthoina sik, set-inthoina, khana pekmalena inthoina achanga.

LEVI-DÂN 1:10

Mi inkhat in akemōng leh ake hei kâra inkhat atōk sik inchu nōrna kase ache akachang sik kae.

LEVI-DÂN 14:10

Ni ret ning nōrna kase kemōng achere 2, kum khat katluk kemōng arala inkhat aheikei sik kae; olive thai leh manhei jo jâmdi kilograme 3, khana olive thai litre inkhat ṭhen thuma inkhat ahei choi sik hei kae.

LEVI-DÂN 16:7

Khava sōa keche 2 hei kha Rōngpu omna Pōn-inn hlutna kot a akei sik hei.

LEVI-DÂN 17:8

Israel inkhat a-emak leh ankâra ka-om khōhme inkhat in ro-inthoina khana aralak inthoina inkhat

LEVI-DÂN 17:9

Rōngpu hneng tōkna anei kha Pōn-inn hlutna tei loa hmun ralak a akatlosōt kha Pathen mi inkhat a inteimak ning.

LEVI-DÂN 23:12

Hmuchi inthoina nantōk ning, ro-inthoina kha kemōngte kum khat katluk nōrna kase inkhat tōksa ruh.

LEVI-DÂN 23:18

Buhlom leh inṭhōia mipui in kum khat katluk kemōngte 7, sehratche inkhat, kemōngche 2 ankhenga nōrna kase antatōk sik hei kae. Khahei kha Rōngpu hneng romanvâm inthoina tōk sik hei kae, inṭhōia hmuchi leh vomhrui ju inthoina tōksa sik kae. Hiva inthoina marim kha Rōngpu tlaina kae.

LEVI-DÂN 3:1

Mi inkhat in aserup a inphut inlôikhômna tōkna anei pha sehrat ache achangmak leh apui nōrna kase akae sik kae.

LEVI-DÂN 4:15

mipui hlamkakeihei khan selu chunga ankut antada sik kae, khana khan antathat sik kae.

LEVI-DÂN 4:23

aset tlo kha amanhret sōtak leh, keche nōrna kase inkhat a’nthôina sik aheikei sik kae.

LEVI-DÂN 4:3

Thempu Kalen khan setna atlo joa mipui themmô amanrôn jo’nchu, ama’n sehrat chete nōrna kase inkhat atōk a, aset inthengna sik Rōngpu hneng a’nṭhōi sik kae.

LEVI-DÂN 4:32

Mi inkhat in kemōng inkhat set-inthoina sik aheikei inchu, nōrna kase arala akachang sik kae.

LEVI-DÂN 5:15

Mi inkhat in Rōngpu hneng a’ntheng rahōi kasōk apek mak inchu, khava katlen malena inthoina sik a nōrna kase kemōngche a-emak leh keche inkhat Rōngpu hneng aheikei sik kae. Aman kha sedân dungjuia intep pek sik.

LEVI-DÂN 5:18

Ama’n kemōng mo, ke ache mo nōrna kase inkhat thempu hneng katlen male sik set-inthoina akei sik kae. Khava man chu sedân dungjuia intep sik. Thempu khan manhret phâkloa mipa set leitlona inthoina kha atōk sik, khan ama rangei mandam kachang sik.

LEVI-DÂN 6:2

Tu achang inum mi inkhat in Rōngpu kadōia asukṭhe inchu inthoina inkhat asyem sik kae, khahei khachu asap Israel inkhat in neinâk aleida kha akapek male mak, mi neinâk le’nrûk, mikahōn,

LEVI-DÂN 6:8

Rōngpu’n Moses hneng ṭong apek,

LEVI-DÂN 7:16

Mi inkhat in a’ntepna inkhat pui mathlukna a-emak leh arachamtak a inlôikhômna inthoina atlosōt inchu, khava inthoining khan akhenga sâk sō sik changmak, ajîng kania asâk theia kae.

LEVI-DÂN 8:18

Abâna, romanvâm inthoina sik akemōng che inkhat avakei, Aaron leh asa he’n kemōng luchunga khan ankut anda.

LEVI-DÂN 9:2

Ama’n Aaron hneng ati, “Sehrat chere inkhat leh kemōng chere inkhat nōrna kase heikei roh khana Rōngpu hneng tōk hei roh, sehrat chere khan set-inthoina sik, kemōng chere khan ro-inthoina sik kae.

ZECHARIAH 13:7

Akahratpen Rōngpu’n ahri, “Thōi roh, chemjâm, khana kei sik a ṭōnkatlo kemōng kakhempa so vabuhlu roh! Ama so that roh, khana kemōnghei inchai kathek sik jo hei. Ke’n kamihei kabuhlu sik jo hei

MALACHI 1:14

Ankemōng rup kâra akaṭha inkhat kapek sik che tia ṭong intepna annei pha, akahnem mak ranhring inthoina kanei, anikahōn mi khan hâksêr chen rasoh! Ajârchu kei rengkalen eng kae khana jât rakip a mihe’n anṭit enga kae.”

MIJAHEI 15:3

Sehratche, kemōngche, a-emak leh keche inkhat romanvâm inthoina a-emak leh intepna huitlungna sik inthoina a-emak leh bing rachama tōksōtna a-emak leh beklanga angaia tōksōtna heia tōkthei hei kae. Hiva thlai inthoina marim hi Rōngpu tlaina kae.

MIJAHEI 15:8

Sehratche inkhat ro-inthoina a-emak leh intepna huitlungna inthoina a-emak leh inlôikhômna inthoina atōk pha

MIJAHEI 19:2

hiva dânhei hi Israelhei hneng pekna sik ṭong aleipek hei. Sehrat kasen arala nōrna kase ṭōnna ala’n hmangmak Moses leh Aaron hneng anta hongkeia,

MIJAHEI 23:19

Pathen hi, malei kasei mihring kapō changmak. Ama hi malung kathleng lele mihring inkhat changmak. A’ntepna jo rakip kha, ama’n atlo; Ama’n ahri kha intlosōt a kae.

MIJAHEI 23:27

Balak in ati, “Kei leh se rih, ke’n hmunhlop a kaṭhōi sik che. Khava hmun a khan Pathen in kei sik a anmani amanhâkser khakhat sik che.”

MIJAHEI 23:3

Khava sōa Balaam in Balak hneng ati, “Rōngpu’n a’nhmupui sik eng mo, a’nhmupui mak sik eng mo, avaka-en sik a kase kâra nang ro-inthoina hnenga hin leingir roh. Ama’n amanhmu eng rakip kha kahri pek sik che.” Khava jâra ama abing rōk a bung bilik a kaketou jo,

MIJAHEI 23:30

Balak in amanthei kapōhrep a atlo jo, maichâm rakip a khan sehratche leh kemōngche inkha-khat atōk jo hei.

MIJAHEI 28:11

Thla rakip inphut ning Rōngpu hneng ro-inthoina tōksōt ruh: nōrna kase rōk sehrat chere 2, kemōngche 1, kum khat katluk jo hei kemōng chere 7.

MIJAHEI 28:19

Rōngpu hnenga thlai inthoina inkhat a ro-inthoina tōk ruh: sehrat chere 2, kemōngche 1, khan chu kum khat katluk jo kemōng chere 7, ankhenga nōrna kase akae sik hei kae.

MIJAHEI 28:31

Hihei seng hi leh ju inthoina kha ani kataia ro-inthôi tōksōtna leh hmuchi inthoina chunga tōksa hei ruh.

MIJAHEI 29:13

Hiva kanikhō hma-inkei ning Rōngpu malung tlaina thlai inthoina nei ruh: sehrat chere 13, kemōngche 2, khana kum 1 katluk kemōng chere 14, ankhenga nōrna kase rōk sik hei kae.

MIJAHEI 29:2

Rōngpu hneng romanvâm tōksōtna, ama tlaina marim kha tōk ruh: sehrat chere 1, kemōngche 1, khana kum 1 katluk kemōng chere 7, ankhenga nōrna kase rōk sik hei kae.

LUKE 1:35

Ngeva khan amasôn, “Rathla Intheng nachunga kajōng sik khana Pathen ratha hratna nachunga jōng inhnga sik a kae.

JOHN 1:36

Jesu ahnengting akahong kha aleihmu. “Pathen Kemōngte so, son ka-om!” atia kae.

JOHN 10:7

Khava jâra Jesu’n ahri nôk a, “Akadiktak kahri pek chei kae: kei kemōng kot eng kha kae.

JOHN 10:9

Kei kot eng kha kae. Tu achang inum keia kahlut mi kha hukmanhring kachang sik; khana kahlut kasōk sik heia kha kahar dôngna hmun anhmu sik.

CORINTHIANHEI INHNINA 8:12

Pek-hnōmna malung nannei inchu, nantanei mak chunga changloa, nantanei pekna chunga khan Pathen in arahlâng sik.

CORINTHIANHEI INHNINA 9:7

Mi rakip in antapek sik kha katlai senga anpekna sik mandon hei rasoh, rumhrat tak a maner pum a pek mak rasoh; ajârchu, malung katlai senga kapek mi kha, Pathen in alungset kae.

EPHESIANHEI 2:18

Christa jâra Jehudi leh Jât-hlop, nikhenga Rathla inkhat rōk a Pa ângshunga kahong tor jo me.

EPHESIANHEI 5:27

ahmai kunga bekrup kha ahme ṭhatna rakip leh, a’nthengseng, innimna kase, intônna bi kase leh a’nvōi mak, pui katlukmak ti omlo kha tōksōt theina sik ama’n atloa kae.

DÂNRABU INHNINA 12:27

Khava khan Rōngpu maichâma romanvâm inthoina sik tōk ruh. Maichâm chunga thisen nantabun leh ahme nantasâk inthoinahei kha’m tōk hei ruh.

DÂNRABU INHNINA 15:21

Tâk ran kha nōrna heikhat anei inchu, ake inkhôi, ahmit kacho khana alak nōrna kakhôk anei inchu, Rōngpu nan-Pathen hneng inthoina nanta hmangmak sik kae.

DÂNRABU INHNINA 17:1

“Nōrna kanei sehrat a-emak leh kemōng kha Rōngpu nan-Pathen hneng inthoina neimak ruh; hivahi Rōngpu’n amater.

HEBREWHEI 7:26

Khava jâra nirangei anikapek inthluktor Thempu Kalen kha Jesu hi kae. Ama a’ntheng kae. Ama’n setna leh sukṭhena heite neimak; ama mikase heia inphut ahlop a dasōt a ka-om khana marvânhei chunga keitou kachang jo.

HEBREWHEI 9:14

Hivahi adik inchu, Christa thisen rarap khan chu heituk akakhe chet a ṭōn achai sik jo mo! Kumsôt Pathen Rathla a inphut Christa kha pui katluk tōkna kachanga Pathen hneng abinga inpek sōt jo. Akahring Pathen kha nirazen theina sik, athisen khan eini mandon ṭhen theina kha hnemna kase bekdâna inphut amantheng pek sik me.