JUDE 1:3 - LEKHARABU INTHENG (BSI)

³ Kaṭhōn marit hei, eini nikhenga in-anghrep a nichen jo hukmanhringna chungchânga, vōi khat rōk a ahei tik a sik a Pathen in amihei apek jo hei khava taksenna sik a hin re nantuk manjônna sik mazet sik chei hi arangei ti kamandon pha, tûn nanmathokna katorchena kaheimazet chei kae.

JUDE 1:3 ပူးပေါင်းရင်းမြစ်များ

NEHEMIAH 13:25

Pasehei kha kalei rasei hei, kalei hâksêr hei, kalei vōk hei khana ansam kalei phoipek hei. Khan chu anmani leh ansa he’n ahei tik chenna ram hlop jōr anlo makna sik Pathen rahminga intepna kamannei hei.

ISAIAH 45:17

Tâk Israel chu Rōngpu’n ahuk a kae, khana aretorna kha are-rea sik kae; amihei kha ahei tik a themmôna chenmak hei ning.’”

ISAIAH 45:22

“Tûn kahnenga he’nle una inhuksōt ruh, raleichung pumpuia mi rakip hei! Hinahin Pathen inkhat rōk kha kei eng kae.

JEREMIAH 9:3

Ankhenga maleisei hrina sik a ahei tik a intluk hei; akadik kanek a malung intheng mak in anrama vai arôn. Rōngpu’n ati, “Kami he’n akaṭhamak inkhat antlosō leh inkhat antlo nôk, kei hi an-Pathen inkhat a alo mak hei.”

ṬŌNTLOHEI 17:3

ahri manchên pek hei khana Messiah khan inrimna athōk a thina inphut athōisōt sik ṭong kha malârna aleinei pek hei. “Nanhnenga kaphôngsōt hiva Jesu hi Messiah kha kae,” tia Paul in aleihri.

ṬŌNTLOHEI 18:28

Ajârchu mi makhe athemna vâng Jesu’n Messiah achangna kha ṭong inthenga inphut malârna apek a tlângpui inkhena shunga Jehudihei kha aleitor heia kae.

ṬŌNTLOHEI 20:27

Ajârchu Pathen ṭōnmantluk rakip kha thup leh ṭhen neiloa kaphôngsōt pek jo chei.

ṬŌNTLOHEI 28:28

Khana Paul in ṭongchaina aneia: “Nangni’n tuna nantamanhret sik khachu, Pathen huk manhringna ṭong hi Jât-hlop hei hneng intirsōt jo. Anmani’n chu anrangei sik!”

ṬŌNTLOHEI 4:12

Ama inphut rōk hukmanhringna nihmu sik; ajârchu vânhnōi pumpuia ani kahuksōt tor Pathen tapek hichu ama teilo alak him-him om mak.”

ṬŌNTLOHEI 6:7

Khang’khan Pathen ṭong kha abân bâna inzer chet-chet jo. Jerusalema’m sonle kha kapungsa chet-chet jo hei, khana thempu katamtak inum khava taksenna kha anleirahlâng jo.

ṬŌNTLOHEI 9:13

Ananias in amasôn, “Rōngpu, hiva mipa chungchâng leh Jerusalema namipuihei chunga ṭit ka-om tak aṭōnse tlohei chungchânga mi katamtak in anhri pek jo eng.

ṬŌNTLOHEI 9:22

Tâk-kha Saul ṭonghrile kha ratha leikahrat chet jo, khana Jesu hi Messiah kae tia manchênna aleipekna kha amanhnōm heia Damascus a ka-om Jehudi he’n leimasôn tor mak jo hei.

CORINTHIANHEI INKHATNA 15:3

Apui karônpen khachu, ke’n kaleichen kha nangni kapeksôn chei kae; ti chu ṭong inthenga a’nzet dungjuia, eini set jâra Christa kha kathi jo,

GALATIANHEI 2:5

nangni’n hringna ṭong kaṭha akadik kha nan-inda theina sik, keini’n anmani kha pha bongkhat rōk um leihnōm pek mak hei unga kae.

GALATIANHEI 3:28

Khava jâra sōk leh akapu, nuhmei leh pase, Jehudi leh Jât-hlop ṭhenna sik heite om mak jo; nankhenga Jesu Christa leh inchunna shunga pumkhat rōk kachang jo chei.

GALATIANHEI 6:11

Tûnchu enruh hiva chithi hi ke’n kakutkhet vâng heituk inhrea kaheimazet chei mo!

EPHESIANHEI 1:1

Pathen lungdo dungjuia Jesu Christa sonle inkhat Paul a inphut, Ephesus a ka-om anhringkhōa Jesu Christa leh inchunna shunga taksenthei kachang hei, Pathen mihei hnenga kaheimazet kae:

DÂNRABU INHNINA 21:9

Khan chu, Rōngpu’n amadu kha nantloa, mikathipa themmôna kha nanchunga tlamak jo ning.

DÂNRABU INHNINA 9:10

Khava sōa nangni’n tlâng chunga nan-intûp ning hmei kâra inphut ṭong aleihri ṭong kha akut khet a hlungpek inhnia amazet a Rōngpu’n kei aleipek eng.

PHILIPPIANHEI 1:1

Christa Jesu sōk Paul leh Timothya inphut, Christa Jesu leh a’nchun hei, bekrup hlamkakeihei leh bekrup inthōpui hei leh inṭhōia Philippia ka-om Pathen mi rakip hei hnenga:

PHILIPPIANHEI 1:27

Tûn, apui karônpen khachu, kei nanka-en kahong tor inum, kahong tor mak inum, mandonna inkhat rōk leh maduna inkhat rōk a ṭong kaṭha taksen jâra inpunkhôma, nanre thōkna ṭongjai kha katheina sik khan chu nanhringkhō kha ṭong kaṭha tamadu dungjuia nanchôn sik kha kae.

COLOSSIANHEI 1:2

Colossaea Pathen mihei Christa leh inchunna shunga taksen ka-om sōpuihei hneng kantahei mazet kae: Ni-Pa Pathen in maritna leh lung mōngna pek chei rasoh.

THESSALONIANHEI INKHATNA 2:2

Thessalonica khōa nanhnenga kanhong mak hma Philippia khōa ṭōn kanleitlolai khan hnōisetak a inzakna antapek ung kha nangni’n nanmanhret. Khava hmun a khan kankadōi khang hrep atam ravâng, ama hnenga inphut akajōng Ṭong kaṭha nanhnenga hrina sik a kan-Pathen in mathokna apek ung.

TIMOTHY INKHATNA 1:18

Kasa, Timothy, hiva ṭongpek hi nang kangense che kae, hivahi hmalaia sânkathem in nang chunga aleihrisōt dungjuia kae. Nang kaṭhatak a re natukna sik khava ṭonghei kha nare hmangchâk manchang hei roh,

TIMOTHY INKHATNA 6:12

Nator chenna taksenna resik a khan tlân roh, nabinga sik kumsôt hringna kha chen roh, ajârchu sâkhi katamtak hei hmaikunga nataksenna kha kaṭha nahrisōt pha, Pathen in khava hringkhō kachen sik a abek che kae.

TIMOTHY INHNINA 1:13

Nang tajui sik manhmuna, ṭong kadik kamanthei che kha matu manchak roh, khana Christa Jesua ni’nchunna shunga nita kachang jo lungsetna leh taksenna khan omṭhak roh.

TITUS 1:4

Taksenna chen kaneipui kasapa kadiktak, Titus hneng kaheimazet kae. Pa Pathen leh ani kahuk inhring Christa khan malung mōngna leh maritna pek che rasoh.

HEBREWHEI 13:22

Kasōpuihei, hinna mathokna ṭong hi dehrattak a nanta rangei sik a kangek chei; ajârchu hiva chithi kaheimazet chei hi akaseitak changmak.

HEBREWHEI 6:9

Tâk-kha, ṭhōn marit hei, keini’n hinga kanhri’num, nangni chu inngamna kannei chei. Ti chu akaṭhachet mahâmṭhatna, hukmanhringna kha nannei ti kanmanhret.

PETER INKHATNA 5:12

Hiva chithi katôitek hi, ke’n taksen ka-om tak inkhat a kalo ni-Christian changpui, sōpui Silas inthōpuina vâng kaheimazet chei kae. Ke’n kamathok hnōm chei khana kei hringkhō thuhming hi kapek hnōm chei, ti chu hivahi Pathen maritna kadik kha kae. Hiva shunga hin ngir inhnet ruh.

PETER INHNINA 1:1

Jesu Christa sonle leh sōk inkhat kachang, Simon Peter in– Ni-Pathen leh Huk inhringpa Jesu Christa dikna vâng keini kapōa mankatam taksenna inkhat apek jo hei hneng kaheimazet kae.

PETER INHNINA 2:21

Anmani’n akadik hlam kha anmanhret sōa ṭongpek inthenga inphut an-inhesōt nôk sik kanek a antamanhret hêrmak sik kha akaṭha jôk kae.

JUDE 1:1

Jesu Christa sōk, James naipa Jude a inphut Jesu Christa takahuk hei leh– Pa Pathen lungsetna shunga aka-om, Pathen tabek hei hneng kaheimazet kae:

JUDE 1:17

Tâk-kha kaṭhōnhei, ni-Rōngpu Jesu Christa sonle he’n hma anta leihripek chei kha mandonsōt ruh.

JUDE 1:20

Tâk-kha kaṭhōnhei, nangni chu taksenna intheng chunga khan nanbinga insyemsōt ruh. Rathla intheng ratha hratna vâng derṭhak ruh.

ṬONGPHÔNG 12:11

Nisōpuihei talei phôngsōt kemōngte thisen leh dikna khan ama kha aleitor jo; khana anmani anhringkhō phesōtna leh thina sik katlunga le’ntluk hei.

ṬONGPHÔNG 2:10

Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.