JOSHUA 8:31 - LEKHARABU INTHENG (BSI)

³¹ Ama’n Rōngpu sōk Moses’n Israel hnenga mansena aleipek dungjuia khavakha aleisyem, Moses Dân shunga ahri kapōa: “thir hmangchâk vânga a’nkheng mak hlung vânga a’nsyem maichâm,” kae. Achunga khan romanvâm inthoina Rōngpu hneng anleitōk, khana anmani inlôikhômna inthoina kha’m antōksa.

JOSHUA 8:31 ပူးပေါင်းရင်းမြစ်များ

RENGHEI INHNINA 14:6

Kha’num, Moses dân a Rōngpu mantheina dungjuia ansahei chu leithat mak hei: “Ansahei ṭhena jâra anpahei that sik changmak, khana anpahei ṭhena jâra nasahei that sik hei changmak ning; mi inkhat hi ama khet ṭhena jâra that sik kae,” ati.

RENGHEI INHNINA 22:8

Rengpa ṭongpek kha Shaphan in Hilkiah hneng amathlung jo, khana Hilkiah khan Dân lekharabu kha Bek-inna ahmu jo tia ahnenga ahri pek. Hilkiah in Shaphan hneng lekharabu kha apek, khana Shaphan in dânrabu kha ateia kae.

THUHMINGHEI INHNINA 25:4

Achang inum ansahei chu leithat mak hei, tâk-kha Moses Dân a Rōngpu ṭongpek kha ajuia kae khachu: “Ansahei ṭhena jâra annu leh anpa that mak sik hei kae, khana annu leh anpa ṭhena jâra ansa that mak sik hei kae; mihei hi ama ama set tlona rōk jâra that sik hei kae.”

THUHMINGHEI INHNINA 35:12

Khava sōa Moses Dân dungjuia tōkna sik a, inthoina ranhei kha anmani’n innshung innshunga mipuihei kha insem jo hei.

EZRA 6:18

Moses lekharabu a’nzet dungjuia Jerusalema Bek-inna ṭōn katlo sik thempuhei leh Levihei kha inlôikhômna ansyempek heia kae.

NEHEMIAH 13:1

Moses Dân kha rasa kasōk a mipui hneng antei pha, Ammonhei leh Moab he’n Pathen mihei intûpna kâra area tlâk theimak hei ning tina ṭongrup kha anhmusōt jo.

SŌKSŌT 18:12

Khava sōa Jethro’n Pathen hnenga ro-inthoina leh alak inthoina ahei choi jo; khana kamukna ṭōn inkhat kapōa inthoina thlai intheng kasa sik a Aaron leh Israel hlamkakeihei ama leh inṭhōia leikase hei.

SŌKSŌT 24:5

Khava sōa ama’n retherhei atir heia anmani’n Rōngpu hneng inthoina anro jo khana inlôikhômna inthoina sik sehrat ṭhahrep anleitōk jo.

MATTHEW 12:26

Achang jâra Seitan rengram shunga rup khat leh inkhat an-indōi jo’nchu, khan chu arup-rup a inṭhendek jo tina kae khana katlu bei sik jo tina kae!

DÂNRABU INHNINA 27:2

Jordan tuidung nanrakan a, Rōngpu nan-Pathen in apek chei ram a nanhlut ning, hlung kalen ajing nantaphun sik a mannejet ruh,

DÂNRABU INHNINA 27:8

A’nnejet hlung chunga Pathen dân rakip kha inchêna mazet ruh.”

JOSHUA 1:8

Nankamukna phatina Dânrabu teiṭhakna sik a intluk ruh. Sûn leh jân tei ruh, ashunga a’nzet rakip ajuina sik a tlo ruh. Kha achang inchu nangni kahao sik chei khana chung kasōk sik chei.