JOSHUA 8:29 - LEKHARABU INTHENG (BSI)

²⁹ Ai rengpa kha thinglera amakheia khōhlei katlung ada. Kani ahongtlâk pha Joshua’n akalōng kha keimathlâkna sik ṭong aleipek hei, khōpui sōngkot hlutna anleihlōn mathlâk a kae. Khava chunga hlung katamtak anbuk khum, khavakha tuning katlung laka-om.

JOSHUA 8:29 ပူးပေါင်းရင်းမြစ်များ

SAMUEL INHNINA 18:17

Anmani’n Absolom kalōng kha ankadoma ramhâng shunga khur kōk inthûk inkhat a anhlon manhlut a, hlung anbuk khum jo. Israel rakip hei kha an-inna inle jo hei.

ESTHER 7:10

Khava jâra khan Mordecai sik a aleido mi makheina ber a khan Haman kha anleimakhei hlon jo. Khava sōa rengpa hnuknat kha leikadai jo.

HLAHEI 107:40

Ama’n ankasuk inrim hei hneng ahnōm makna kha amalâr, khana nêrdiram thōia hlam kasea amanlôn heia kae.

HLAHEI 110:5

Rōngpu kha nachangting ka-om; ahnuk ahong nat pha leh, renghei kha ator sik hei.

JOHN 19:31

Khava sōa mi antathat hei kha anke vōk mathlekna sik, thingrake hei chunga inphut ankalōng lo mathlâkna sik, Jehudi hlamkakei he’n Pilate hneng anhongder. Ajârchu khava ning kha Misyem ning kae khana akahong Châmhngat kani ning kha ahlop mônga kani intheng achang jâra Thingrake chunga an-inkhei thang sik kha leimadu mak hei.

ṬŌNTLOHEI 12:23

Herod khan Pathen kajana leh lulenna apek mak jâra, khavatak a Rōngpu ngeva’n avōk mathlûk a khang’khan rahlung in asâk a kathi jo.

JOSHUA 10:30

Rōngpu’um Israelhei kha hiva khōpui leh areng chunga torna apek hei. Tûte inkhat ṭhenmak hei, khana aka-om mi rakip anthatsō hei. Jericho reng hnenga ale’ntlo kapōa rengpa chunga antloa kae.

JOSHUA 10:33

Gezar a Reng Horam in Lachish inthōpui sik a kahong, tâk Joshua’n ama leh aremihei ator heia inkhatbek kahringa damak hei.

JOSHUA 12:9

Israel mipui he’n athōia khōpui renghei hi anleitor hei: Jericho, Ai (Bethel hnenga),

JOSHUA 7:26

Achunga hlung katamtak anbuk a tuning katlung khanga laka-om. Khava jâra khava hmun kha Inrengna Phaicham antia kae. Khava sōa chu Rōngpu kha ahnuk namak jo.

JOSHUA 8:23

Inkhatbek sōksōt mak jo hei, khan hringsōt mak jo hei, Ai rengpa tei loa. Ama chu ansura Joshua hneng anheikei.