JOSHUA 8:1 - LEKHARABU INTHENG (BSI)

¹ Rōngpu’n Joshua hneng ati, “Remi rakip ṭhōi hei roh khana Ai a vase ruh. Ṭitmak roh khana malung mathla mak roh. Ai reng chunga torna kapek sik che; Ai mi, akhōpui leh aram nangta sik hei kae.

JOSHUA 8:1 ပူးပေါင်းရင်းမြစ်များ

HLAHEI 27:1

Rōngpu hi kavâr leh kakahuk inhring kae; ke’n tûte ṭitmak ning. Thinathei rakip a inphut Rōngpu’n asan eng, kei heitik che’num ṭimak ning.

HLAHEI 44:3

Namihei khan chemjâm vâng ram kha anta leihlō changmak; anratha hrat vâng anta leihlō changmak; nalungsetna hei malârna, na-ompuina hei manchênna, nang ratha hratna leh natlo torna vâng khan kae.

HLAHEI 46:11

Chunghnung Rōngpu’n a-ompui me; Jacob Pathen kha ni’nthupna kae!

ISAIAH 12:2

Pathen kha kakahuk inhring kae; Ke’n ama kataksen sik khana kei ṭimak ning. Rōngpu’n kei ratha leh hratna apek eng; Ama kakahuk inhring kae.

ISAIAH 43:2

Nang in tui inthûk napetan pha, ke’n ka-ompui sik che; nang inrimna khan tor mak tin. Nang in hmeishunga narakan pha, akâng mak tin; akahong sik enmansinna inhnak-hei khan manset tor mak tin.

JEREMIAH 46:27

“Kamihei ṭitmak ruh, Israel mihei inpir mak ruh. Nangni khuma nan-omna ram a inphut, khava ram kahlatak a inphut ke’n nangni kahuk sik chei. Nangni inna hong inle sik chei khana kamōng tak a ka-om sik chei. Nangni inhuktak a ka-om sik chei, tûte inkhat in maṭhitmak chei ning.

JEREMIAH 49:3

Heshbon mihei, pengsōt ruh! Ai kha sukset kachang jo! Rabbah nupuihei, ṭajai sui ruh! Bora pōnse insi una inhngaisui ruh. Inhmak una tlân ruh! Nan-pathen Molech kha athempuhei leh arengsa hei leh rehringa ankei sik hei.

DANIEL 2:21

Ama’n phat leh khōsûr khōsat ṭong anei tor; renghei um asyem hei khana syem nôk mak hei; sing leh themna kapek hi ama kae.

DANIEL 4:25

Nang hi mihringhei kâra inphut hnongsōt sik che kae khan ramshahei leh kalengsap sik chei. Kum 7 sehratche inkhat kapōa phi nasâk sik, ramhânga karek sik che, khana nachunga radaitui katla sik. Chunghnung Pathen in mihring rengram rakip chunga vai arôn, khavakha ama’n akadeisōt mi inkhat hneng apektor ti kha kahnōm sik jo che.

DANIEL 4:35

Ama’n ralei mihei heite kaemak kapōa a-en hei; marvâna ngevahei leh raleia mihringhei ama ratha neina thōia ka-om hei. Tûte inkhat in ama lungtup chunga inrepui tor mak hei. a-emak leh ama ṭōntlo chunga ṭongder nei tor mak hei.

MATTHEW 8:26

Jesu’n amasôn hei, “Heisa mo hingtuk a nantaṭit. Heituk a taksenna katlôm chei mo!” Khava sōa ama kathōia, thli leh tui in-nông kha adaina sik a arakôk jo, khan chu kadairip jo.

DÂNRABU INHNINA 31:8

Rōngpu khet in aṭhōi sik che khana a-ompui sik che. Ama’n masō mak che ning, dahlon mak che ning, achang jâra malung mathlak mak roh khana ṭitmak roh.”

DÂNRABU INHNINA 7:18

Anmani ṭitmak hei ruh; Rōngpu nan-Pathen in Egypt reng leh amihei seng hnenga aleitlo kha mandonsōt ruh.

DÂNRABU INHNINA 7:21

Khava jâra anmani ṭitmak hei ruh. Rōngpu nan-Pathen khan a-ompui chei; ama chu Pathen kalen leh ṭit nger sik inkhat kha kae.

JOSHUA 1:9

Na-inrinna sik leh inngamna sik a kaṭong pek che kha mandonsōt roh! Ṭitmak roh khana malung mathla mak roh, ajârchu Rōngpu na-Pathen ke’n nasena chen a ka’nṭhōipui sik che.”

JOSHUA 10:7

Khava jâra Joshua leh aremi seng Gilgal a inphut kasesōt jo hei.

JOSHUA 10:8

Rōngpu’n Joshua hneng ati, “Anmani ṭitmak hei roh. Retorna kha kapeksa jo che kae. Nangni kadōia tûte inkhat ngir tor mak hei ning.”

JOSHUA 2:24

khana anti, “Rōngpu’n ram pumpui so apek jo me tia inngamna kannei. Sonna ka-om mi rakip in eini anṭit hêr jo me.”

JOSHUA 6:2

Rōngpu’n Joshua hneng ati, “Jericho hi areng leh aremi kahrânghei leh inṭhōia nakut chunga kapek jo che.

JOSHUA 7:9

Canaanhei leh ram shunga aka-om rakip in hiva chungchânga anthei sik jo. Anmani’n ankekhum sik jo ung khana anthatsō sik jo ung! Khan chu nang kajana heikhong inmo aka-om sik jo?”