JOSHUA 7:6 - LEKHARABU INTHENG (BSI)

⁶ Joshua leh Israel hlamkakeihei kha anmalung nat a anpōn ankeihler jo, Rōngpu Intepna Bôm hmaikunga inbok jo hei, anmalung inrengna malârna anlu chunga ravut ankanoa khōhlei katlung khan leika-om hei.

JOSHUA 7:6 ပူးပေါင်းရင်းမြစ်များ

A’NPHUTNA 37:29

Reuben in tuikhura khan ahong inle pha Joseph aleiom mak kha avahmu jo, malung nat a apōn leh ader aleikei hler joa kae.

A’NPHUTNA 37:34

Jacob in malung nat a apōn akei hlera borapōn alei insi. Pha kasôttak asapa sik a ṭajai aleisuia kae.

SAMUEL INHNINA 1:11

David amalung a’nreng jâra apōn akeihler khana ami he’num khanga anleitlo.

SAMUEL INHNINA 1:12

Saul, Jonathan, khana Rōngpu mi Israelhei sik a malung inrima, ṭajai ansuia thlai anhngōi jo, ajârchu rehmun a mi katamtak anthat jo hei.

SAMUEL INHNINA 1:2

Ajîng kania Saul rekur a inphut rether inkhat hong katlung. Amalung inrim malârna apōnhei akei hlera alua ravut ada. David hneng kasea kajatak a raleia inkun jo.

SAMUEL INHNINA 12:16

Naite kha ahringna sik David in Pathen hneng ader. Heite inkhat sâk sik hnōm mak jo, ajân katai a-inn den shunga kahlut a raleia kajea kae.

SAMUEL INHNINA 13:19

Amanu’n alua ravut inthek khuma, azakkō inse akei hlera, khan chu akut vânga ahmai amakhusia, ṭappuma kasesōt jo.

SAMUEL INHNINA 13:31

Rengpa kha kangirsōt jo, malung inrimtak a apōnhei kha akeihler jo, raleia inlet-hlon jo. Khava hmun a asōk he’m anpōn ankeihler jo.

RENGHEI INHNINA 22:11

Lekha intei kha rengpa’n athei pha amalung inrima apōn akei hlera kae,

THUHMINGHEI INHNINA 34:19

Lekha intei kha rengpa’n athei pha, malung inrenga apōn akeihler jo,

EZRA 10:1

Ezra’n Bek-inn hma a inkuna akamuk pha, setna rakip hei hi aphônga aṭaplai Israel rup katamtak–nuhmei, pase, khana naipanghei ahnenga hong intûp heia inhnaktak a hong kaṭap hei.

NEHEMIAH 9:1

Khava thla mama a ni 24 tluk ning Israel mipuihei kha anset jâra malung inrim malârna buhngōina sik a le’ntûp hei. Anmani kha ram hlop mihei seng leh inṭhendek jo hei. Anmani’n inrimna malârna inkhat a borapōn ansia anlua ravut anleiphi. Khava sōa anmani kangir heia anmani leh anpu anpa he’n anta leitlo setnahei kha anhrisōt manphut jo.

ESTHER 4:1

Ṭōn a’ntlo senghei kha Mordecai in amanhret jo pha, athang tômna apōn akeihler jo. Khava sōa borapōn asia alu kha ravut akanoa, khōpui kalen shunga kalôna, inhnaktak a leh inrengtak a,

ESTHER 4:3

Ramṭhen rakip a, reng ṭong masōna akathei jo hmun rakip a, Jehudihei kha ka-ông heia kaṭap jo hei. Anmani bu anhngōia, kaṭap hei, ṭajai ansuia ka-om hei khana akatam lang in borapōn ansia ravut kâra kaje jo hei.

JOB LEKHARABU 1:20

Khava sōa Job kha kangirsōt a inreng reia apōnsi akeihler. Alu avo mankek a raleia ahmai amakhup a katlua ka-om jo.

JOB LEKHARABU 2:12

Anmani’n kahlajap a Job kha anheihmu, tâk ahme kha manhret tor mak jo hei. Anhei manhret pha, anmani ṭajai ansuia kaṭap jo hei, inrim heia anpōnsi ankeihler hei khana thli chunga leh anlu chunga vaiphin ankathek thlōna kae.

JOB LEKHARABU 42:6

Khava jâra kaṭong leihri hei seng chunga inzak jo eng ravut leh vaiphin shunga kamalung kathleng jo.

ṬAJAISUINA 2:10

Jerusalema upahe’n raleia sip katia in-ong hei, Anlua vaiphin khana antaksa kha bora pôn ansi. Nuhngâk he’n raleia anhmai andima ka-om hei.

MIJAHEI 14:6

Khana repa hei kâra Nun sapa Joshua leh Jephunneh sapa Caleb he’n, malung inrengtak a anpōn ankeihler jo

MIJAHEI 16:22

Tâk Moses leh Aaron in raleia anhmai andima anti, “Eh Pathen, nang chu hringkhō rakip sōkna che kae. Mi inkhat in aset pha, vaipui chunga nahnuk akana sik mo?”

MIJAHEI 16:45

“Hiva miheia inphut nakahnung ting intet ina ngir roh, hiva hmun a hin kasuk manhmang sik jo hei kae!” Anmani 2 inbok heia anhmai raleia andim jo,

ṬŌNTLOHEI 14:14

Khava tlo sik a an-intlukna ṭong kha Barnabas leh Paul in anthei pha, anpōnhei ankeihlera, mipuihei kâra katlân inhlut heia, leika-ông hei,

JOSHUA 7:7

Khana Joshua’n ati, “Chunghnung Rōngpu! Heisa mo Jordan re namankea nahei thōi ung? Keini Amorhei hneng pek sōtna sik a mo? Keini suk manhmangna sik a mo? Jordan rekhat ting khanga heisa mo aka-om mak ung?

ṬONGPHÔNG 18:19

Khana anlu chunga vaiphin ankathek a, kaṭap heia ṭajai ansuia anti, “Hiva khōpui kalen sik hin heituk-hrep a malung natna ka-om, heituk-hrep a ṭit ka-om jo mo nu! Hiva khōpuia inphut tui-ôngpui chunga rakōng katôr rakip in amanu nei jâra antahao kae! Khana pung khat rōk shunga anei rakip inhmang joa kae!”

ṬONGKATANHEI 11:35

Ama’n asanu ahmu pha inrengtak a apōnsi akei hlera ati, “O-ah, kasanu! Kamalung namakhōi jo. Heisa mo kamalung kōina hi nangkhet akachang sik jo che? Ke’n Rōngpu hneng intepna kanei jo, ke’n keimale tor mak jo eng!” ati jo!”

ṬONGKATANHEI 20:26

Khan chu Israel mi rakip Bethel a kase heia ṭajai ansui nôk jo. Khana khan Rōngpu ângkunga khōhlei katlunga bu anngōia kae. Inlôikhômna inthoina leh apum a ro-inthoina, akhenga Rōngpu ângkunga antōk a kae.

ṬONGKATANHEI 21:2

Israel mipuihei kha Bethel a kahong heia Rōngpu hma khōhlei katlung leika-om hei: kare inshângtak a malung kana tak a ṭajai ansuia ka-om hei:

SAMUEL INKHATNA 4:12

Benjamin phunga mi inkhat rehmun a inphut Shiloa katlâna khava ning bât khan katlung jo. Amalung inrengna kha malârna, apōn ader akei hlera alu chunga vaiphin ada a kae.