JOSHUA 7:25 - LEKHARABU INTHENG (BSI)

²⁵ Khana Joshua’n ati, “Heisa mo hiva inrengna hi kanchunga nahei rôn sōt? Tûn Rōngpu’n nachunga inrengna amathlung jo!” Khava sōa mipui in Achan kha hlung vâng andengthat jo; a’nshung mihe’m andenghlon heia anei ahao rakip leh anro mankâng jo hei.

JOSHUA 7:25 ပူးပေါင်းရင်းမြစ်များ

A’NPHUTNA 34:30

Jacob in Simeon leh Levi hneng, “Nangni’n kachunga inrengna nanheichoi jo; tûnchu Canaan mihei, Periz mihei leh hiva ram a ka-om mi rakip in anmater sik jo eng. Kei chu mi katamtak neimak eng; anmani seng an-inchunna kachunga re anheitlo’nchu ni-innshung pumpui anthat manrampet sik me,” ati.

A’NPHUTNA 38:24

Thla 3 sō vena mi inkhat in Judah hneng, “Nahmōinu Tamar kha noti ṭōn atlo jo, tûnhin nai avona kae,” ati. Judah’n, “Ama kha ṭhōisōt inna hmeia rohlon roh,” ati.

THUHMINGHEI INKHATNA 2:7

Carmi sapa Achan, Zerah sōn leh pârhei kâra inkhat in Pathen hnenga bekna hmangchâk inkhat amarûk jâra Israel mihei chunga inrengna ahei rôna kae.

ṬONGCHÎK-HEI 1:19

Inru hin phat rakip a inrupa hringkhō amanhmang. Hing’hin, innâk-inse katlo rakip hei hringkhōa kasōk ria kae.

ṬONGCHÎK-HEI 15:27

Malung intheng loa sêr inhlei namadu’n chu, na-innshung khōdeng theina sik hrep kae. Marûk sêrpek sâk mak roh kahringsôt sik che.

LEVI-DÂN 20:14

Mi inkhat in asanu leh anu akop a a-ompui he’nchu, inzak ka-om tak antlosōt jâra ankhenga hmeia rohlon sik hei kae; Khang khava omchen kha nankâra hnōm mak sik kae.

LEVI-DÂN 20:2

Israel mipuihei hripek sik a amanthei, “Nangni tu inkhat a-emak leh nankâra ka-om khōhme inkhat in asahei Molech pathen kamukna akapek sōt kha nangni nankhenga hlung vânga denghlon a that sik kae.

LEVI-DÂN 21:9

Thempu inkhat sanu kha noti achang inchu, ama’n apa rahming amanset, ama kha rohlon sik kae.

LEVI-DÂN 24:14

“Mipa kha rephōr vângting ṭhōisōt ruh. Ama’n hâksêrna ahri kha akathei rakip in aṭhe tia malârna, mipa luchunga ankut anda sik khana mipui in hlung vâng antadeng hlon sik kae.

GALATIANHEI 5:12

Nangni inchok inhângna nankatlo hei khan heirakip kha anbinga intlo hei rasoh tia kamandon!

DÂNRABU INHNINA 13:10

Anthina sik a denghlon hei ruh! Sōk nanlei changna Egypt a inphut nankahuksōt Rōngpu nan-Pathena inphut ṭhōisōtna sik a antlo sik.

DÂNRABU INHNINA 13:11

Khava sōa Israel mipui rakip in heimo akasōk kha anthei sik; anmani kaṭi sik hei, tu inkhat in khava kapō ṭhatmak kha tlohêr mak jo hei ning.

DÂNRABU INHNINA 17:5

khava mi kha khōpui vângting ṭhōisōt a hlung vânga denghlon ruh.

DÂNRABU INHNINA 21:21

Khava sōa khōpuia ka-om mihei khan hlung vânga andenghlon sik, khang’khan khava ṭhatmak kha nadasōt sik a kae. Israel mi rakip in akasōk omchen kha antheia anṭit sik.

THESSALONIANHEI INHNINA 1:6

Pathen in akadik kha atlosōt sik: ti chu nankhōdeng inthei hei kha ama’n khōdeng amanthei sik hei,

HEBREWHEI 12:15

Pathen maritna inphut hnung inle makna sik insing thei ruh. Tûte inkhat kahar kakha kapōa ahong kakeksōt a atûr khan bōina katamtak insō kha changmak rasoh.

JOSHUA 6:18

Tâk-kha nangni’n suk manhmang sik a ka-om neinâk inkhatbek nanta’nlo mak sik kae; kha nantlo’nchu Israel rephōr shunga inrengna leh insuksetna nantaheirôn sik kae.

JOSHUA 7:15

Khava sōa ke’n kakhing khana maset neinâk-hei leh a’nsur jo mi inkhat kha, an-innshung leh aneinâk seng ro mankâng sik kae, ajârchu Israel chunga inzak ka-om tak ahei rôn sōt khana kei intepna kha asuk khōia kae.”

SAMUEL INKHATNA 14:29

Jonathan in amasôn, “Heikhonga ṭit ka-om tak ṭōn mo kapa’n nimihei chunga atlo jo! Enruh khōihning ajingte kasâk jâra heituk a ratha kaneidet jo mo!