JOSHUA 7:12 - LEKHARABU INTHENG (BSI)

¹² Hiva jâra hin Israel he’n an-inrepuihei kadōia ngir tor mak hei. Anmani anhnenga inphut hong inle hei ajârchu anmani kalalen hi suk manhmang sik a themmô manchen jo hei kae! Nangni’n inlomak ruh tia ṭong a’npek chei neinâk kha nansuk manhmang mak inchu nangni ke’nchu ompui mak chei ning!

JOSHUA 7:12 ပူးပေါင်းရင်းမြစ်များ

HLAHEI 44:10

Kankadōi heia inphut namantlân jo ung khana kanneinâk hei kha antâ manchang sik a an-inlo jo.

HLAHEI 60:10

Kadiktak a nahlon sōt jo ung mo? Kanremihei hlam hma akeipek mak tin che mo?

ṬONGCHÎK-HEI 28:1

Mikadik mak chu tûte’n anhnongmak inum katlânsōt a kae, tâk malung intheng mi chu shabakkai kapōa kahrânga kangam sik.

ISAIAH 59:2

Nansetnahei jâra ama’n nanṭong athei mak kae. Nangni’n ama kamukna sik nanrei pha Pathena inphut nankaṭhensōt kha nansetna kha kae.

JEREMIAH 23:33

Rōngpu’n kahnenga ahri, “Jeremiah, kami inkhat in a-emak leh sânkathem inkhat in, a-emak leh thempu inkhat in nahnenga, ‘Rōngpu ṭong kha heimo?’ tia aderche’nchu, nang in hinga nahri sik kae, ‘Nang Rōngpu sik a phurhrik che kha kae, khana ahlon sōt sik jo che kae.’

JEREMIAH 6:8

Jerusalem mihei, hiva inrengna seng hi nanhnenga gîkna chang rasoh, kha achang ma’nchu ke’n nangni kadahlon sik chei kae; nankhōpui hi tûte om makna nêrdiram kamanchang sik jo kae.”

HOSEA 9:12

Tâk-kha, anmani’n naipang anvei manhring inum, ke’n kalosōt sik heia kha inkhatbek kahringa dahlon mak hei ning. Ke’n anmani kadahlon hei pha, ṭit ka-omtatak anchunga kasōk sik.”

HABAKKUK 1:13

Tâk-kha hiva mikaṭhamak mikahōnhei hi heikhong mo na-en hnâm tor hei? A’nthengmak enna sik a nahmit kha intheng hêr, khana mipui he’n akadik mak antlona kha en-hnâm tor mak che. Khava jâra, anmani kanek a akadik chet mipuihei kha ansuk manhmang hei pha heisa mo aka-om hnâm che?

MIJAHEI 14:39

Moses’n Rōngpu ṭonghri kha Israelhei ahri pek hei pha, malung inrima in-ôi jo hei.

MIJAHEI 14:42

Semak ruh. Rōngpu’n ompui mak jo chei, nan-inrepui he’n antor sik chei.

MIJAHEI 14:43

Nangni’n Amalek-hei leh Canaanhei re nantuk pha rehmun a kathi sik chei, Rōngpu’n ompui mak tin chei, ajârchu ama juihnōm mak chei.”

MIJAHEI 14:45

Khava sōa khava hmun a leika-om Amalek leh Canaanhei khan anheisō heia antor jo hei, khana Hormah katlunga anleihnong hei.

DÂNRABU INHNINA 7:26

Hiva limsyem heikhat nan-innshunga heichoi mak ruh, nantlo’nchu anchunga hâksêrna akatlung kapōa nanchunga katlung sik. Hiva limsyemhei hi nantahōt sik hei khana nanta mater sik hei kae, ajârchu anmani hei hi Rōngpu hâksêrna thōia aka-om hei kae.

JOSHUA 6:18

Tâk-kha nangni’n suk manhmang sik a ka-om neinâk inkhatbek nanta’nlo mak sik kae; kha nantlo’nchu Israel rephōr shunga inrengna leh insuksetna nantaheirôn sik kae.

ṬONGKATANHEI 16:20

Khan chu amanu ka-ông jo, “Samson! Philisti kahong jo hei!” Ama heikathōia amandon, “Ahei tik a kapōa, kei insangsōt sik eng khana kasesōt sik eng,” ati. Pathen in adahlon jo khachu leimanhret mak a kae.

ṬONGKATANHEI 2:14

Khava jâra Rōngpu kha Israel chunga ahnuk kana hêr jo khana rerûk katlohei amanbuhlu heia amanchom jo hei. Ankadōihei amankimve bit heia amanhrat chet jo hei, Israel inhrung tor mak jo.

ṬONGKATANHEI 2:4

Ngeva khan hiseng ahrisō pha Israelhei kha ông leh ṭap anphut jo,

SAMUEL INKHATNA 14:38

Khava sōa Saul in mipui hlamkakeihei hneng ati, “Hin hong ruh, tuning hei setna mo nilei tlona aka-om jo jongsōt ruh.