JOSHUA 7:1 - LEKHARABU INTHENG (BSI)

¹ Suk manhmang sik a ka-om neinâk inkhatbek Jerichoa inphut lomakna sik a Rōngpu’n Israel hnenga ṭong apek kha, Achan inti mi inkhat in ṭongpek kha juimak jo, khava jâra Rōngpu’n Israel chunga ahnuk kana hêr jo. Achan kha Carmi sapa khana Zabdi tupa kae, Zerah innshunga mi kae, Judah phungṭhen inkhat kae.

JOSHUA 7:1 ပူးပေါင်းရင်းမြစ်များ

A’NPHUTNA 34:27

Khava mi that sōa ansernu hmaimôk jâra phuhlōna anneia Jacob sapa alakseng he’n khōpui kha anvachoma kae.

SAMUEL INHNINA 24:1

Rōngpu kha avea Israel chunga ahnuk kana jo, khana David kha ankasu inrim sik a amathok nôk jo. Rōngpu’n ahnenga ati, “Se in a-Israel leh Judah mi aja tei hei roh.”

RENGHEI INHNINA 5:24

Elisha omna bung kha antlung pha Gehazi’n mârsha 2 kha aloa innshunga achoi manhlut jo. Hivasōa Naaman sōk-hei kha atir male jo hei.

THUHMINGHEI INKHATNA 21:7

Ṭōn tlosōtna chunga khan Pathen kha leitlai mak, khava jâra Israel chunga karâkna apek hei.

THUHMINGHEI INHNINA 24:18

Khang’khan mipuihei khan, anpu sōnhei Pathen Rōngpu Bek-inna kamukna kha anleibâng jo, limsyem leh Asherah pathennu limsyem kamukna anleiphut jo. Hiva setna ṭhena khan Judah leh Jerusalem chunga Rōngpu hnuk natna kha hong katlung jo.

EZRA 9:6

Ke’n kati, “Eh Pathen, na-âng shunga kalu chung manhnget sik inzak hêr eng. Kansetna hei kha kanlu atlumbit a inbuk jo hei; marvân inshâng kapōa inshâng jo.

JOB LEKHARABU 35:8

Nasetna inphut mi ralak-hei kha inrengna anchen khana akaṭha natlona khan a’nthōpui heia kae.

MI INTHEIPA 9:18

Singna hin re hmangchâk kanek a akaṭhachet atlo, achang ravâng mikaset inkhat in ṭōn kaṭha katamtak tlotor mak.

DANIEL 9:7

Rōngpu, nang chu ahei tik a akadik natlo, tâk keini’n ahei tik a kanbinga inzakna kanhei rôn sōt a kae. Nang in akahnai leh akahla ram shunga nachai kathek jo Israel rakip, Jerusalem leh Judea ram shunga aka-om keini rakip chunga hivahi akadik jo kae, ajârchu anmani nahnenga taksenthei changmak heia kae.

LEVI-DÂN 10:6

Khava sōa Moses’n Aaron leh asapahei Eliazar leh Ithamar hneng ahri, “Anralûm de malârna samkhui loa om mak ruh, nanpōn keihler mak ruh! Kha nantlo’nchu, akathi sik chei kae, khana Rōngpu kha mi rakip chunga ahnuk akana sik kae. Tâk-kha Rōngpu’n hmei ajōng tira arohlon hei chunga Israel mipui he’n ralûm dena ṭajai ansui thei sik.

JONAH 1:7

Rakōng katôrhei kha inbek heia, “Vâng in-en rih, tu taṭhea inphut mo hiva inhmangna hi ahei kasōk manhret sōtna sik tlo rih,” anti jo. Khanga antloa, Jonah rahming ankeisōt jo.

JOSHUA 22:16

Rōngpu a mipui ankhenga pumkhat anchangna anvahria, “Heisa mo hiva ṭhatmak hi Israelhei Pathen kadōia nantatlo? Hiva maichâm hi nansyemna hin Rōngpu nantadōi kae! Ama juimak jo chei!

JOSHUA 22:18

Tûn katlung ama jui sik lahnōm mak chei mo? Tuning nangni’n Rōngpu nandōi inchu, jînga Rōngpu’n Israel mi rakip chunga ahnuk kana sik jo.

JOSHUA 22:20

Zerah sapa Achan in neinâk suk manhmangna sik a ṭongpekna aleijui mak kha mandonsōt ruh; khava sik a Israel mipui rakip karâkna anchen a kae. Asetna jâra Achan rōk kha akathi changmak a kae.”