JOSHUA 6:5 - LEKHARABU INTHENG (BSI)

⁵ Khava sōa anmani’n pengkun kha antum mansei sik. Khavakha nantheilim leh, mipui in inhnaktak a aka-ông sik hei kae, khan chu khōpui banghei kha kachim sik jo hei. Khava sōa remi rakip khōpui shunga akahlut sik hei kae.”

JOSHUA 6:5 ပူးပေါင်းရင်းမြစ်များ

SŌKSŌT 19:19

Pengkun mahring kha inhnak chet-chet hnâm jo. Moses’n ṭong ahri, Pathen in khō inri vâng ahei masônna kae.

ISAIAH 25:12

Ama’n Moab-hei rekur kha abang katlunga asuksetpek sik hei, ravut amanchang sōpek sik hei.

ISAIAH 30:25

Nangni’n nan-indōipuihei rekur nanhlō pha anmihei nanthat ning hei, hmebung rakip leh tlâng rakip a inphut kavadung tui kalōng sik jo hei.

JEREMIAH 50:15

Khōpui kimvea hranhla ôn ruh! Tûnchu Babylon insira heikahlut jo. Akur rape bang kachim jo khana inset jo. Ke’n Babylonhei chunga phu kahlō kae. Khava jâra anchunga nanphu kha hlō ruh, anmani’n mihlop hnenga antatlo kapōhrep a anchunga tlo ruh.

HEBREWHEI 11:30

Taksen jâra Jericho khōpui akimvea Israel sahe’n ni 7 anvesō pha, kurpui bang kachima kae.

JOSHUA 6:16

Ve 7 tlukna, thempu he’n pengkun antum sik jo pha, mipuihei khan an-ôngna sik Joshua’n ṭong apek heia ati, “Rōngpu’n khōpui hi apek jo chei!

JOSHUA 6:20

Khan chu thempu he’n pengkun antum jo hei. Mipui he’n antheilim leh, kare inhnaktak a ka-ông jo hei, khana banghei kha kachim jo. Khava sōa remi rakip in hmebunga khōpui shunga kahlut hrek heia anhlō jo hei.

JOSHUA 6:4

Thempu 7 he’n pengkun inkhat et anchoia, Intepna Bôm hma a kase sik hei. Ni 7 tluk ning thempu he’n pengkun anheitum pha, nang leh naremi he’n khōpui kimvea ve 7 a’njôk sik chei kae.

JOSHUA 6:6

Joshua’n thempuhei kha abek heia anhnenga ati, “Intepna Bôm kha indom ruh, nangni mi 7 chei in pengkun matu unna ahmating se ruh.”

ṬONGKATANHEI 20:37

Hiva mihei hi inranga Gibeah ting katlân inhlut hei; khōpui shunga inchek heia khana aka-om rakip anleithat jo hei.

SAMUEL INKHATNA 17:20

David kha ajînga jîngkâr hmatak kathōia, kemōnghei ka-ensui sik a mi inkhat adahlona, thlai kha aloa, Jesse’n ahri pek kapōa kase jo. Ama kha, Israel he’n re khō-ông antloa, re injôkna hmun a ansesōt laitak, rephōra khan vakatlung jo.

SAMUEL INKHATNA 17:52

Israel leh Judah mihei khan ka-ông heia anhnong hei, Gath leh Ekron sōngkot katlunga anjui hei. Philistihei kha Shaaraim jōnna hlamdung heia intôn heia katlu hei, Gath leh Ekron tlungna akâr heia.

SAMUEL INKHATNA 4:5

Intepna Bôm kha aheitlung jo pha, Israelhei kha inpâk a ka-ông heia ralei kapha le’nnok a kae.