JOSHUA 6:2 - LEKHARABU INTHENG (BSI)

² Rōngpu’n Joshua hneng ati, “Jericho hi areng leh aremi kahrânghei leh inṭhōia nakut chunga kapek jo che.

JOSHUA 6:2 ပူးပေါင်းရင်းမြစ်များ

SAMUEL INHNINA 5:19

David in Rōngpu hneng ader, “Philistihei hi kabuhlu sik hei mo? Torna napek sik eng mo?” Rōngpu’n amasôn, “Ôk, buhlu hei roh! Torna kapek sik che!”

NEHEMIAH 9:24

Anmani’n Canaan ram kha anleilo; khana aka-om mipuihei kha nang in naleitor heia kae. Canaan mihei leh renghei chunga anmani antamadu ratha neina kha napek hei.

DANIEL 2:21

Ama’n phat leh khōsûr khōsat ṭong anei tor; renghei um asyem hei khana syem nôk mak hei; sing leh themna kapek hi ama kae.

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

DANIEL 4:17

Hivahi insing theitak a akajōng ngeva ṭong mathlâk kae. Khava jâra Chunghnung Pathen in mihringhei rengram chunga ratha anei khana ama’n akadei, mi katlasamtak hnenga achang inum apektor ti hi mi rakip in manhret hei rasoh.’

DANIEL 4:35

Ama’n ralei mihei heite kaemak kapōa a-en hei; marvâna ngevahei leh raleia mihringhei ama ratha neina thōia ka-om hei. Tûte inkhat in ama lungtup chunga inrepui tor mak hei. a-emak leh ama ṭōntlo chunga ṭongder nei tor mak hei.

DANIEL 5:18

“Chunghnung Pathen in napa Nebuchadnezzar kha rengkalen inkhat aleimanchang khana lûrna leh lenna aleipek.

DÂNRABU INHNINA 7:24

Anrenghei kha nangni ratha neina thōia ada sik hei, khana mahngia ka-om sik jo hei. Tûte’n nangni kha’m tor mak tin chei; inkhat et nansuk manhmang sik hei.

JOSHUA 12:9

Israel mipui he’n athōia khōpui renghei hi anleitor hei: Jericho, Ai (Bethel hnenga),

JOSHUA 2:24

khana anti, “Rōngpu’n ram pumpui so apek jo me tia inngamna kannei. Sonna ka-om mi rakip in eini anṭit hêr jo me.”

JOSHUA 2:9

anhnenga avahri, “Hiva ram hi Rōngpu’n nanhnenga apek jo chei ti hi kamanhret. Ram shunga mi rakip in nangni anṭit hêr jo chei.

JOSHUA 20:1

Khava sōa Rōngpu’n Joshua amanthei,

JOSHUA 6:1

Jericho khōpui kha asōngkot ankam, Israel sahei kha sōk leh hlut antlo thei makna sik a anleihrunga kae.

JOSHUA 6:3

Nang leh naremi he’n khōpui akimvea ni khat a vōi khat sâm a’njôk cheia ni 6 nantave sik kae.

JOSHUA 8:1

Rōngpu’n Joshua hneng ati, “Remi rakip ṭhōi hei roh khana Ai a vase ruh. Ṭitmak roh khana malung mathla mak roh. Ai reng chunga torna kapek sik che; Ai mi, akhōpui leh aram nangta sik hei kae.

ṬONGKATANHEI 11:21

Tâk Rōngpu Israelhei Pathen khan Sihon leh aremihei chunga Israel amantor jo hei. Khava jâra khava ram aka-om Amorhei ramṭhen pumpui Israel he’n karōia anhlō jo.

ṬONGKATANHEI 11:24

Khavakha lo male nôk sik a a’ntluk che mo? Na-pathen Chemosh tapek che rakip kha nadathei sik. Tâk keini chu Rōngpu, kan-Pathen tapek ung rakip kha kantada sik kae.