JOSHUA 4:19 - LEKHARABU INTHENG (BSI)

¹⁹ Mipuihei khan thla hma inkeia ni 10 ning Jordan kha anleirakan khana Jericho nisōa Gigal a rephōr anleisyem.

JOSHUA 4:19 ပူးပေါင်းရင်းမြစ်များ

RENGHEI INHNINA 2:1

Rōngpu’n Elijah kha marvânting thlisip vânga aṭhōisōt sik kani kha kahong jo. Elijah khana Elisha kha Gal a inphut leikasōk hei

AMOS 4:4

Chunghnung Rōngpu’n ati, “Israel mihei, tlo-nger rih nanti’nchu, Bethel hmun inthenga se una setna vatlo ruh. Gilgal a se una nantor chenna setna vatlo ruh! Se ruh, ran heikei unna jîngkâr kataia inthoina heichoi ruh, ni 3 akaia nansemsôm heichoi ruh.

AMOS 5:5

Beersheba kamukna sik a semak ruh. Kei kajong sik Bethel a vase mak ruh, Bethel kha heite hnemmak ning. Gilgal a vase mak ruh, amihei kha rehring ṭhōina inhmang jo hei.”

MICAH 6:5

Kamihei, Moab Rengpa Balak in nanchunga heimo tlo sik a amantluk khana Beor sapa Balaam in ama heikhonga mo aleimasôn kha mandonsōt ruh. Acacia inphut Gilgal jōnna hlam a akasōk hei kha mandon ruh. Hiseng hi mandonsōt ruh khana nangni huksōtna sik katloseng kha nanmanhret sik jo.”

DÂNRABU INHNINA 1:3

Egypt andahlon kahnunga kum 40 tlukna a thla 11 tlukna kani hma-inkei ning Moses’n Israel mihei hneng ahri pek sik a Rōngpu’n ṭong apek rakip kha amanthei jo hei.

DÂNRABU INHNINA 11:30

(Hiva tlânghei hi Jordan Phaichama aka-om Canaanhei ram shunga, Jordan Tuidung tlaitlâk ting aka-om hei kae. Gilgal khōpui hnenga More thingkung intheng heia inphut hlarei loa, tlaitlâk ting ka-om hei.)

JOSHUA 10:43

Hivasōa, Joshua leh aremi he’n Gilgal a anrephōra he’nle jo hei.

JOSHUA 10:6

Gibeon mihe’n Gilgal a ka-om Joshua hneng ṭong anleipek jo: “Apu, keini adahlon mak roh! Inranga hong inna ava’nthōpui roh! Ahuk roh! Tlângrama Amor reng rakip inthō heia keini anbuhlu jo ung!”

JOSHUA 15:7

Inrengna Phaichama inphut Debir katlung, khana sak tinga Gilgal ting inhe, khavakha phaicham thlang intonga Adummim Rakanna inti kha leh inhnget hei. Khava sōa Enshemesh tuiripût a khanga kasea Enrogel a kasōk,

JOSHUA 24:11

Jordan nanleirakan khana Jerichoa kahong chei. Jericho mihe’n nanchunga re anleituk, khanga Amorhei, Periz hei, Canaanhei, Hit-hei, Girgash hei, Hivhei, khana Jebush he’n anleituk chei. Tâk ke’n ankhenga chunga torna kaleipek chei.

JOSHUA 4:18

khana thempuhei khan tuipang anhei phâklim leh tuidung kha vōi khat lōng aphut nôk jo khana apang kha ahongsei-er nôk jo.

JOSHUA 5:10

Israelhei kha Jericho hnenga phaichama Gilgal a rephōr anmatunglai, khava thla shunga ni 14 tluk ning khōhleia Rakan Kût anleihmang.

JOSHUA 5:9

Rōngpu’n Joshua hneng ati, “Tuning Egypt ram nansōk changna inzakna kha nangnia inphut kalosōtpek jo chei.” Khava jâra hiva hmun hi Gilgal anphō jo kae, rahming hi tûn katlung laka-om.

JOSHUA 9:6

Khava sōa anmani Gilgal rephōra vakase heia Joshua leh Israelhei hnenga anti, “Keini ram kahlatak a inphut akahong ung kae. Keini’n inhnōmna inkhat nantaneipui sik ung kanmadu.”

SAMUEL INKHATNA 10:8

Kei Gilgal a kasemak hma nang hma leikase sik che, khana khan ke’n ka’nhmupui sik che khana ro-inthoina leh inlôikhôm inthoina katlosōt sik. Kei kahong leh heimo tlo sik kamanthei mak che kârseng khana khan ni 7 aleihngâk roh.”

SAMUEL INKHATNA 15:33

Samuel in ati, “Nang chemjâm in nu katamtak sa neiloa ada hei kapōa, tûnchu nanu kha sa neilo akachang sik jo kae.” Khana ama’n Agag kha Gilgal a maichâm hmating atuk rachen jo.