JOSHUA 3:1 - LEKHARABU INTHENG (BSI)

¹ Abân jîngkâra Joshua leh Israel mi rakip in hmatak a kathōi heia, Acacia rephōr kha anleidahlon jo, Jordanna leikase hei, khana khan tuidung kha rakanna sik antlo lai seng khan le’nhnga hei.

JOSHUA 3:1 ပူးပေါင်းရင်းမြစ်များ

A’NPHUTNA 21:14

Abraham in ajînga jîngkâr hmatak kathōia buhlom leh shavun penga tui kha Hagar aleipek. Naipang kha amanu amanpōk a aleitirsōt jo. Amanu’n Abraham leh an-inṭhen kahnunga Beersheba ramhâng rajeia kalôn lelea ka-om jo.

A’NPHUTNA 22:3

Ajînga jîngkâr hmatak Abraham kathōia thing ṭhahrep atan a sha-kōrtung chunga aleimanrôna Isaac leh asōk 2 aleiṭhōi jo hei. Anmani Pathen in aleihri pekna hmun kajōna leikase hei.

HLAHEI 119:60

Naṭongpek kajui sik kha kei insum mak ning.

JEREMIAH 25:3

“Amon sapa Josiah’n vai arônna kum 13 tlukna inphut tuning katlunga kum 23 shung hi Rōngpu’n kahnenga ṭong ahei phôngpek ṭhak eng, aṭong hri kha ke’n nanhnenga manthei loa hong om mak eng.

JEREMIAH 26:5

kasōk sânkathem kahei tir ṭhak hei ṭonghri chunga nanmalung nantamanhlut a kei hi nantajui nger sik eng kae. Anmani ṭonghri kha juihêr mak hei cheia kae.

JEREMIAH 7:13

Nangni’n hiva setnahei hi nantlo jo, ke’n ave-avea nanhnenga kahri ravâng nangni’n rangei mak chei. Ke’n kabek chei pha, amasôn mak chei.

MICAH 6:5

Kamihei, Moab Rengpa Balak in nanchunga heimo tlo sik a amantluk khana Beor sapa Balaam in ama heikhonga mo aleimasôn kha mandonsōt ruh. Acacia inphut Gilgal jōnna hlam a akasōk hei kha mandon ruh. Hiseng hi mandonsōt ruh khana nangni huksōtna sik katloseng kha nanmanhret sik jo.”

MIJAHEI 25:1

Israel he’n Acacia Phaichama rephōr anmatunglai pase he’n khava hmun a ka-om Moab jōrhei ansetpui jo hei.

MARK 1:35

Abâna jîngkâr hmatak, khōvâr hma Jesu kathōia inn kha adahlon jo. Khōpuia inphut kasōksōt a adai hngerna hmun khat a derna aleinei.

JOSHUA 2:1

Khava sōa Joshua’n Acacia rephōra inphut mi 2 Canaan ram rirûk a ka-en inthlip sik a atir hei, akakhôk pena Jericho khōpui sik a. Khōpuia khan antlung pha, Rahab intinu notinu inna jân karek sik a leikase hei.

JOSHUA 6:12

Joshua kha abân kania jîngkâra hmatak leikathō, khana vōi 2 changna, thempuhei leh remi he’n hma kania a’ntlo kapōa khōpui kimvea le’njôk nôk hei: hmapena, akahrung remi hma-inkeihei; abâna, pengkun 7 katum thempu 7 hei; khava sōa, Rōngpu Intepna Bôm indom thempuhei; khana achaina, hnungtinga akahrung remihei. Hiva pha shung senga pengkun kha anheitum.

JOSHUA 6:15

Ni 7 ning chu khō ahong vâr pha anmani kathōi heia antatlo ri kapōa, ve 7 anvea kae, anmani’n ve 7 anvea an-injôkna kha khava ning rōk kha kae.

JOSHUA 7:16

Abân jîngkâr hmatak a Joshua’n Israel kha hmating aheiṭhōisōt jo hei, anphung anphunga, khana Judah phung kha akhing jo.

JOSHUA 8:10

Jîngkâr hmatak a Joshua kha kathōisōt a remi rup seng abek mantûp jo hei. Khana ama leh Israel hlamkakei he’n Ai ting inṭhōi jo hei.

ṬONGKATANHEI 20:19

Khava jâra abân jîngkâra se anphut a Gibeah khōpui hnenga rephōr ansyem jo.

SAMUEL INKHATNA 17:20

David kha ajînga jîngkâr hmatak kathōia, kemōnghei ka-ensui sik a mi inkhat adahlona, thlai kha aloa, Jesse’n ahri pek kapōa kase jo. Ama kha, Israel he’n re khō-ông antloa, re injôkna hmun a ansesōt laitak, rephōra khan vakatlung jo.