JOSHUA 24:20 - LEKHARABU INTHENG (BSI)

²⁰ ram hlop pathen razenna sik a ama nandahlon jo’nchu, nanchunga ahnget sik cheia kha akarâk sik chei. Hmalai khan nanchunga aleiṭhat hêr inum, tunchu asuk manhmang sik jo chei.”

JOSHUA 24:20 ပူးပေါင်းရင်းမြစ်များ

THUHMINGHEI INKHATNA 28:8

“Khava jâra, kamihei, tûnchu, ni-Pathen hmaikunga khana Israel rakip intûpna shunga, Rōngpu mihei, hiva ram kaṭha hi nanchen ṭhakna sik leh abânna khanghei hneng ahei tik a manhlōna sik hei Rōngpu ni-Pathen ṭong pek me rakip kha inrintak a nanjuina sik a kamanse chei kae.”

THUHMINGHEI INKHATNA 28:9

Khana Solomon hneng ama’n ati, “Kasapa, napa-Pathen hneng manhretna nanei sik leh malung hlop neiloa khana intluktak a narazen sik a kamanse che kae. Ama’n eini maduna leh mandonna amanhret a kae. Ahnenga nase’nchu arahlâng sik che; tâk-kha ahnenga inphut nasesōt inchu ahei tik a sik a adahlon sik che.

THUHMINGHEI INHNINA 15:2

khana ama’n Reng Asa hneng vakase. Ama abek a, “Reng Asa, Judah leh Benjamin mipuihei kaṭong hi rangei ruh! Nangni’n Rōngpu hneng nan-omlai seng, ama’n nangni a-ompui sik chei. Nangni’n ama nanjong inchu, amanhmu sik chei, tâk-kha nan-inhesōt inchu, ama’n adahlon sik chei.

EZRA 8:22

Rengkalen hnenga kanhlam hrona kankadōi heia inphut kankahrung sik ashakor remi der sik kha le’nzak eng, ajârchu ke’n ahnenga kaleihri pek khachu kan-Pathen in ama kataksen rakip chunga mahâmṭhat apek hei, khana ama inphut a’nhesōt hei chunga amalung tlaimak a karâkna apek hei kalei ti.

HLAHEI 89:31

kamansena hei kha hei ansakmak inchu, khana kaṭong pek hei kha anjuimak inchu,

ISAIAH 1:28

Tâk-kha tu achang inum ama kadōi leh setna katlo rakip, asuk mannōi sik hei; Ama kadahlon rakip athat sik hei kae.

ISAIAH 63:10

tâk-kha anmani’n an-indōipui khana ama rathla intheng kha amalung anmanchâm pek. Khava jâra Rōngpu kha ankadōi hong kachanga anchunga re ajōng tloa kae.

JEREMIAH 17:13

Rōngpu, nang chu Israelhei inhōrna che kae; nang kadahlon rakip hei kha inzakna anchen sik. Anmani vaiphin chunga rahming nimazet kapōa inhmang sik hei, ajârchu tuiripût insim Rōngpu nang kha andahlon jo che.

EZEKIEL 18:24

“Tâk-kha mikaṭha inkhat in anṭōn kaṭha tlo abânga, mikaṭhamak-hei tatlo, mater ka-om akaṭhamak rakip tlo aphut inchu, akahring ṭhak sik mo? Changmak! akaṭha aleitlo rakip kha inkhatbek mandonsōtna om mak ning. Ama taksenthei achangmak jâra khana asetna jâra akathi sik kae.

ṬŌNTLOHEI 7:42

Khava jâra Pathen kha anhnenga inphut inhesōt jo, sânkathem lekharabu hinga ale’nzet kapōa marvân ârsihei kha antakamuk sik a aleipek sōt jo hei: ‘Israel mipuihei! Nêrdiram a kum 40 ran nantathat a inthoina nantatōk kha kei hnenga nantatlo changmak.

DÂNRABU INHNINA 4:25

“Ram a khan pha kasôttak nan omsōa tu leh sa nanneisō hei kapha lim inkhat syema setna tlomak ruh. Hivahi Rōngpu hmit-hmua akaṭhamak kae, khava khan ahnuk amannat sik a kae.

DÂNRABU INHNINA 4:26

Ke’n marvân leh ralei sâkhi sik a kabek hei khachu, nangni’n kaṭong nanjuimak inchu ram a inphut inranga a’nhmang sik chei kae. Nanta hlō sik Jordan rekhat a ram a khan nangni akasôt om mak tin chei.

HEBREWHEI 10:38

Achang ravâng kami kadik-hei kha’n, antaksen sik, khana kahring sik hei; tâk ankâra kahnungting a’nle a-om inchu, kei achunga kamalung tlaimak ning.”

JOSHUA 24:21

Mipui he’n Joshua hneng anti, “Changmak! Keini’n Rōngpu kanrazen sik.”

SAMUEL INKHATNA 12:15

Tâk-kha Rōngpu ṭong nanrangei mak a aṭongpek nanjuimak a achang inchu, ama’n nangni leh nanreng chunga adōi sik chei.

SAMUEL INKHATNA 12:25

Tâk setna kha khanga nantlo’nchu, nangni leh nanreng suk manhmang sik chei kae.”