JOSHUA 24:19 - LEKHARABU INTHENG (BSI)

¹⁹ Joshua khan mipuihei hneng ati, “Tâk-kha nangni’n Rōngpu kha razentor mak tin chei. Ama chu a’ntheng Pathen kae khana nansetna arangei mandam mak ning. Akadōi inkhatbek desôttor mak ning,

JOSHUA 24:19 ပူးပေါင်းရင်းမြစ်များ

THUHMINGHEI INHNINA 36:16

Tâk-kha anmani’n Pathen ṭongkarônhei kha sem manlona annei heia anṭonghri donpek mak hei khana asânkathemhei kha anmanuisō pek hei, khana achaina amihei chunga Rōngpu hnuk natna kha inhnak hêr joa inkhatbek tlânsōt tor mak jo hei.

HLAHEI 99:3

Mi rakip in alenna leh alûrna rahming kha anchoi ka-ân sik. A’ntheng kha ama kae!

HLAHEI 99:5

Ni-Rōngpu Pathen kha choi ka-ân ruh; alen in-ongna hmaikunga kamuk ruh! A’ntheng kha ama kae!

HLAHEI 99:9

Ni-Rōngpu Pathen kha choi ka-ân ruh; khana ahmebung inthenga khan kamuk ruh! Ni-Rōngpu Pathen kha a’ntheng kae.

SŌKSŌT 20:5

Lim inkhatbek hnenga inkun mak ruh, ajârchu kei Rōngpu nan-Pathen eng kha kae, Ke’n akaṭhamak-hei madimtor mak eng. Kei kahōt hei sōn leh pâr chunga khang 3 leh khang 4 katlunga karâkna kapek hei.

SŌKSŌT 23:21

Ama kha malung kahluttak a rangei ruh khana aṭong jui ruh. Ama kha indōipui mak ruh, ajârchu ama kha kajōngtir jo kae, khana ama kadōihei kha rangei mandam mak hei ning.

SŌKSŌT 34:14

“Pathen ralak kamuk mak ruh, ajârchu Rōngpu ke’n ani kadōihei kha thōk hnâm tor mak eng.

SŌKSŌT 34:7

Kei intepna kha khang lishing lishing katlunga kajuia kae. Akaṭhamak leh setnahei karangei mandam. Tâk-kha annu anpahei setna jâra karâkna pek sik kha antu-ansahei chunga khang 3 khang 4 katlunga mahngi mak ning.”

ISAIAH 2:9

Mi rakip anhmai kamōk sik, khana inzak anratō sik. Rōngpu, anmani rangei mandam mak hei roh!

ISAIAH 27:11

Thing bâk-hei kha hong kachâra katlek jo hei, khana nuhmei he’n thing ti sik a anchom mantûp jo hei. Ajârchu mipui he’n heite manhret mak hei, ankasyem Pathen in lungset a rônmak hei ning khana maritna malârmak ning.

ISAIAH 30:11

Kanhlam akhâr pek mak ruh, sesōt ruh. Nangni Israel Pathen intheng chungchânga rangei hnōm mak ung.”

ISAIAH 30:15

Chunghnung Rōngpu, Israel Pathen intheng in, mihei hneng ahri, “Hong inle ruh khana kadai hngera kei ataksen ruh. Khan chu nangni nanratha kangar sik khana inhuk sik chei.” Tâk nangni khanga tlo sik kha hnōm mak chei!

ISAIAH 5:16

Tâk-kha Chunghnung Rōngpu’n akadik kha atloa alenna kha amalâr, khana amihei ṭong atanna a’nthengna kha amalâr.

LEVI-DÂN 10:3

Khava pha Moses’n Aaron hnenga ahri, “Rōngpu’n hiva chungchânga aleihri kha hinga kae, ‘Kei inzen seng in ka’nthengna hi antakaja sik kae; kamipuihei hneng kalûrna kamalâr sik kae.’ ” Tâk-kha Aaron chu kadai hngera leika-om.

LEVI-DÂN 11:44

Kei nan-Rōngpu, nan-Pathen eng kae, khana nanbinga a’nsuk intheng sik chei kae, ajârchu kei a’ntheng eng kae.

LEVI-DÂN 11:45

Kei nangni Pathen changtheina sik a Egypt a inphut nanhei kaṭhōisōt Rōngpu eng kha kae. Nangni a’ntheng nger sik chei kae, ajârchu kei a’ntheng eng kae.

LEVI-DÂN 19:2

Israel mihei hneng hri sik kha amanthei, “Intheng ruh, ajârchu nan-Pathen Rōngpu kei intheng eng.

LEVI-DÂN 20:26

A’ntheng sik chei khana keita rōk akachang sik chei kae, ajârchu kei Rōngpu eng, a’ntheng eng kae. Nangni keita rōk nanchangna sik jât-hlop heia inphut kaṭhensōt chei kae.

LEVI-DÂN 20:7

Nangni inthenga om ruh, ajârchu kei nan-Pathen Rōngpu eng kha kae.

NAHUM 1:2

Rōngpu Pathen in ama indōipuihei madimmak; ama kadōihei kha akarâk hei. Ahnuknat a antlona man apek male hei.

HABAKKUK 1:13

Tâk-kha hiva mikaṭhamak mikahōnhei hi heikhong mo na-en hnâm tor hei? A’nthengmak enna sik a nahmit kha intheng hêr, khana mipui he’n akadik mak antlona kha en-hnâm tor mak che. Khava jâra, anmani kanek a akadik chet mipuihei kha ansuk manhmang hei pha heisa mo aka-om hnâm che?

MATTHEW 6:24

“Tûte inkhat in akapu 2 sōk chang tor mak; inkhat a-enkada sik a kha inkhat alungset sik; inkhat arazen sik a kha inkhat donmak ning. Nangni’n Pathen leh karōi kha razensap tor mak chei.

JOSHUA 24:18

Hiva ram shunga hmating ni-injôk pha khana aleika-om Amorhei seng kha ahnong sōt hei. Khava jâra eini’num Rōngpu kha nikamuk sik kae; ama kha ni-Pathen kae.”

JOSHUA 24:23

Ama’n angek heia ati, “Khan chu, khava ram hlop pathenhei kha hlonsōt jo hei ruh khana Rōngpu, Israelhei Pathen ṭong juina sik a intep jo ruh.”

RUTH 1:15

Khava jâra Naomi’n ati, “Ruth, nanainu chu amihei leh apathen hnenga inle jo. Ama leh inṭhōia innhlam inle jo roh.”

SAMUEL INKHATNA 3:14

Khava jâra Eli innshunghei sukṭhena kha inthoina a-emak leh neinâk tōkna vânga hiva set kakhôktak karahei hi losōtthei changmak jo tia inchêntak a kaphông pek hei.”

SAMUEL INKHATNA 6:20

Khava jâra Beth Shemes a mihe’n anti, “Hiva a’ntheng Pathen, Rōngpu hmaikunga tu mo akangirtor sik? Einia inphut asesōtna sik tirsōt sik jo kae?”