JOSHUA 24:18 - LEKHARABU INTHENG (BSI)

¹⁸ Hiva ram shunga hmating ni-injôk pha khana aleika-om Amorhei seng kha ahnong sōt hei. Khava jâra eini’num Rōngpu kha nikamuk sik kae; ama kha ni-Pathen kae.”

JOSHUA 24:18 ပူးပေါင်းရင်းမြစ်များ

HLAHEI 116:16

O, Rōngpu, kei nasōk eng kae; kanu tatlo kapōa, ke’n nang karazen che. Nang in thina inphut nahuksōt eng.

SŌKSŌT 10:2

khan chu ke’n ṭōn-inlak kalei tlosōt lai khan heikhonga mo Egypt mihei kha akamo kamanchang hei ti kha nang in natu-nasahei hneng namanthei theina sik a katlo kae kei Rōngpu eng kae ti hi nankhenga nanhong manhret sik,” ati.

SŌKSŌT 15:2

Rōngpu kha kei kahrung ratha kahrat kha kae; kei ani kahuk kha ama kae. Ama ka-Pathen kae, ama kachoi ka-ân sik, kapa Pathen kae, alenna chungchânga hla kasak sik.

SŌKSŌT 23:31

Ke’n nanramri Agaba tui inkhōra inphut Mediterranean tuipui khana nêrdiram inphut Euphrates tuidung katlung kamanlensa pek sik chei. Ke’n ram shunga ka-om hei seng chunga ratha neina kapek sik chei khana nanhma nannam chenna nanhnongsōt sik hei.

MICAH 4:2

khana anmi he’n anti sik, “Israelhei Pathen Bek-inna, Rōngpu tlâng chunga vaketou rih. Ama’n amantlo hnōm me kha amanthei sik me; ama’n akadeisōt hlam a khan kase sik me. Ajârchu Rōngpu mantheina kha Jerusalema inphut kajōng, Ziona inphut amihei hneng ṭong ahri.”

ZECHARIAH 8:23

Khava pha khan chu jât-hlop mi sôm he’n Jehudi mi inkhat hneng kahong heia hing’hin anti sik, ‘Nangni jât hlam hrona inveisa rung, ajârchu Pathen in nangni a-ompui chei ti hi keini kanthei jo.’”

ṬŌNTLOHEI 7:45

Hnunga khan, anpahei hnenga inphut anta leirahlâng rabuk kha nipi leh nipu he’n Joshua leh inṭhōia hmating annama Pathen in ahnong sōt jât-hei ram anlo pha khavakha anlei inrôn ṭhak a kae. Khana David khang katlunga khava hmun a khan leika-om heia kae.

DÂNRABU INHNINA 10:21

Ama choi ka-ân ruh, ama nan-Pathen kae. Nangni sik a aleitlo ṭōn kalen leh ṭōn inlak-hei kha nanhmit khet in nanhmu jo.

DÂNRABU INHNINA 33:27

Pathen kha heitik a nankahrung kae; bângtik neiloa khan amatu ṭhak chei. Nangni’n hmalang nanjōn pha nankadōihei kha ahnong sōt hei, khana suk manram hei ruh tia amanthei chei.

JOSHUA 23:9

Nangni hmating nanhei injôk pha Rōngpu’n akalen akahrat jât-hei kha ahnong sōt jo hei khana tûte inkhat nankadōia nanhmai kunga ngir tor mak a kae.

JOSHUA 24:17

Rōngpu ni-Pathen khan nipahei leh eini Egypt a sōk changna inphut aheiṭhōisōt me, khana ama’n ṭōn-inlak aleitlo hei kha nihmusō jo. Eini’n jât rakip hei kâra nipetan tor hei, phatina inhuktak a ada me.

JOSHUA 24:19

Joshua khan mipuihei hneng ati, “Tâk-kha nangni’n Rōngpu kha razentor mak tin chei. Ama chu a’ntheng Pathen kae khana nansetna arangei mandam mak ning. Akadōi inkhatbek desôttor mak ning,