JOSHUA 24:14 - LEKHARABU INTHENG (BSI)

¹⁴ “Joshua’n ahrisa a, “Tûnchu, Rōngpu kha kaja ruh khana malung inthengtak a leh taksentak a ama razen ruh. Mesopotamia leh Egypt a nanpusōn he’n antakamuk pathenhei kha hlonsōt ruh, khana Rōngpu rōk kha razen ruh.

JOSHUA 24:14 ပူးပေါင်းရင်းမြစ်များ

A’NPHUTNA 17:1

Abram kum 99 atluk pha Rōngpu ahnenga inlâra, “Kei Akahratpen Pathen eng kae. Kaṭong jui roh khana akadik tlo ṭhak roh.

A’NPHUTNA 35:2

Khava jâra Jacob in a-innshung leh ahong inṭhōipui hei hneng, “Miram pathen nantanei hei kha hlonsōt ruh khana nantaksa insi intheng una pōn intheng si ruh.

RENGHEI INHNINA 20:3

“Mandon roh, Rōngpu, ke’n taksentak a naṭong kajuia nasepa katlo, khana namantlo hnōm eng kha ahei tik a tlo sik a intluk eng.” Khana ama kha rathla kasintek a kaṭap joa kae.

EZRA 9:11

nang in nasōk sânkathem heia inphut nahei pek ung ṭongpek-hei kha. Anmani’n anleimanthei ung, kantahlō sik ram kha akachok kae, ajârchu khava ram a aleika-om mihei kha ram rakir inkhat a inphut inkhat katlunga mater ka-om hei, omchen kabōk rōk vânga leikasip heia kae.

JOB LEKHARABU 1:1

Ram a Pathen inmuk leh ahnenga taksenthei kachang, pase arahming Job inti inkhat leika-om. Ama kha mikaṭha kae, akaṭhamak tlomakna sik insing theitak a leika-om.

JOB LEKHARABU 28:28

Pathen in mihringhei hneng ahri, “Singna sik, Rōngpu kajana nantanei sik kae. Manhret theina sik, ṭhatmak kha nantadahlon sik kae,” ati.

HLAHEI 111:10

Singna sik a hlam khachu Rōngpu kajana pek hi kae; aṭongpek kajui rakip hei chunga ama’n ṭong kadik a atan. Ama hi kumleikōa choi ka-ân sik kha kae!.

HLAHEI 119:1

Rōngpu, Dân dungjuia akahring hei anhringkhō nōrna kase mihei kha mikahōihei kae.

HLAHEI 119:80

Naṭongpek kha pui katluk a juirong hmaimôkna inphut aṭhensōt roh.

HLAHEI 130:4

Tâk-kha nang kaṭit a kan-om theina sik kansetna hei kha arangei mandam roh.

HLAHEI 81:10

Egypt ram a inphut nanhei kaṭhōisōt Rōngpu, nan-Pathen eng kae. Nanbei man-âng ruh ke’n kavei sik chei.

EZEKIEL 20:18

Khava kanek a, ankâra khangdônghei hneng gîkna kapek hei: nanpu-nanpahei dân syem juimak ruh; anmani chôndân juimak ruh a-emak leh anmani limsyem vânga nanbinga inbōkna syem mak ruh kati hei.

EZEKIEL 23:3

Anmani nuhngâk anchang lai, Egypt ram a ka-om hei, annuhngâk inthengna kha inhmang jo hei, noti hongkachang jo hei.

HOSEA 3:5

Tâk-kha Israel mihe’n Rōngpu an-Pathen hneng, anrengpa David sōn hnenga avea anhei inhena pha kha anlanei sik. Khava pha Rōngpu kha anṭit sik jo,

LEVI-DÂN 17:7

Israel mipui he’n ke-ṭai hnenga inthoina anranhei kha hleipuk heia antathat a Rōngpu ṭong kajuimak kha akae hêrmak sik hei kae. Israel mipui he’n hiva chôndânhei hi akahong sik pha rakip a antanit sik kae.

MICAH 6:8

Changmak, Rōngpu’n akaṭha kha ahri pek jo me. Ama’n einia inphut amadu khachu: akadik tlo sik, inlungsetna injônjet a malâr sik, khana insinsaktak a Pathen leh inṭhōi sik hi kae.

LUKE 8:15

Ralei thaiṭhatna akatla hmuchihei khachu aṭong kathei, akaṭha malung karôn, aṭong kajui khana an-inramak kârseng takkatlo hei kha kae.

ṬŌNTLOHEI 9:31

Khang’khan Judea, Galilee khana Samaria pumpuia bekrup-hei chunga mōngna leikaleng. Rōngpu kajana’n vai arôn leh inṭhōia Rathla Intheng inthōpuina jâra anratha leikahrat khana anja um leikapung jo.

CORINTHIANHEI INHNINA 1:12

Hiva raleichunga kanhringkhō, akarôn pena nangni leh ni’nmetna chunga hin Pathen tapek me malung ipna omlo leh inthengna vâng, Pathen maritna ratha neina vâng, mihring singna vâng changloa, nichunga vai arôn ti hi keini malung ṭhen theina hin amanchên jâra inlensakna kannei.

EPHESIANHEI 6:24

Ni-Rōngpu Jesu Christa inlungset senghei chunga Pathen maritna leh lungset akachimmak khan inthōpui chei rasoh.

DÂNRABU INHNINA 10:12

“Tûnchu, Israel mipuihei, Rōngpu nan-Pathen in nangnia inphut angek mankhôk pen kha rangei jo ruh: Rōngpu kha kamuk ruh khana ama ṭongpek rakip kha tlo ruh. Nanmalung pumpuia ama lungset ruh khana razen ruh,

DÂNRABU INHNINA 18:13

Rōngpu hnenga pui katluk a taksenthei chang ruh.”

DÂNRABU INHNINA 6:13

Rōngpu nan-Pathen kha kaja ruh, ama rōk kha kamuk ruh, khana ama rahming rōk a intepna nei ruh.

PHILIPPIANHEI 1:10

khavakha nangni’n akaṭhapen kha nankadeisōt theina sik a kae. Kha achang inchu, Christa Kani ning khan nangni a’nthengmak rakip leh masetna inphut intheng seng sik jo chei.

JOSHUA 24:2

Joshua’n mipuihei hneng ati, “Hivahi Rōngpu Israel Pathen tati kha kae: ‘Tenlai nanpusōn he’n Euphrates Tuidung lang khat ting leika-om hei khana pathen ralak anleikamuk hei. Khava pusōnhei kâra inkhat kha Abraham leh Nahor hei pa, Terah kae.

JOSHUA 24:23

Ama’n angek heia ati, “Khan chu, khava ram hlop pathenhei kha hlonsōt jo hei ruh khana Rōngpu, Israelhei Pathen ṭong juina sik a intep jo ruh.”

SAMUEL INKHATNA 12:14

Rōngpu nan-Pathen kha nankaja a, nanrajena, aṭong narangeia, aṭongpek nanjuia, khana nangni leh nanreng in nanjui inchu, nanchunga heirakip inzen sik.

SAMUEL INKHATNA 12:24

Rōngpu ṭong jui ruh khana nanmalung pumpuia taksentak a ama razen ruh. Nangni sik a ṭōn kalen atlo hei kha mandonsōt ruh.

SAMUEL INKHATNA 7:3

Samuel in Israel mipuihei hneng ati, “Nangni’n Rōngpu hneng nanmalung pumpuia nanhong inle’nchu ram hlop hei pathenhei leh pathennu Astarte hei kha nantahlonsōt sik hei kae. Nantaksa pumpui Rōngpu hnenga a’npek sōt sik chei kae khana ama rōk nantakamuk sik kae, khana ama’n Philistihei ratha neina inphut ahuksōt sik chei.”