JOSHUA 23:7 - LEKHARABU INTHENG (BSI)

⁷ khana hiva mi nankâra aka-om hei leh a’nthlop mak sik chei, khana an-pathenhei rahming nantapan mak sik, khana intepna nannei pha rahminghei kha nanta hmangmak sik, pathenhei kha nantakamuk mak sik, khana anhma a’nkunmak sik chei kae.

JOSHUA 23:7 ပူးပေါင်းရင်းမြစ်များ

RENGHEI INHNINA 17:12

khana Rōngpu’n ṭongpekna, limsyem kamuk mak ruh ti kha leijui mak hei.

RENGHEI INHNINA 5:18

Tâk-kha Syria pathen Rimmon bek-inna kei rengpa leh inṭhōia kase pha khana kanva kamuk pha chu Rōngpu’n kei hi arangei mandam sik eng tia inhōr eng. Sôilo jen a Rōngpu’n arangei mandam sik eng!”

THUHMINGHEI INHNINA 7:19

Tâk-kha nang leh nami he’n dân leh ke’n kapek chei ṭongpek kha nanjui hêrmak inchu khana pathen ralak nankamuk jôk inchu,

HLAHEI 16:4

Pathen hlop kajōna akatlân hei khan anbinga inrimna katamtak anheirônsōt. Ke’n anmani inthoina heia invei mak ning; an-pathenhei kamuk pek mak hei ning.

SŌKSŌT 20:5

Lim inkhatbek hnenga inkun mak ruh, ajârchu kei Rōngpu nan-Pathen eng kha kae, Ke’n akaṭhamak-hei madimtor mak eng. Kei kahōt hei sōn leh pâr chunga khang 3 leh khang 4 katlunga karâkna kapek hei.

SŌKSŌT 23:13

“Rōngpu, ke’n kahri hei seng hi rangei ruh. Aralak pathenhei hneng derna neimak ruh; arahming bek um phamak ruh.

SŌKSŌT 23:33

Khava mihei kha nanram shunga man om mak hei ruh; nanman om he’nchu, anmani’n nangni kha kei kadōia setna anmantlo sik chei. An-pathenhei nankamuk inchu, khavakha nangni in-ôkna châng kaṭha maktak inkhat kachang sik.”

ṬONGCHÎK-HEI 4:14

Mikaṭhamak-hei sena hmun a semak roh. Mikaṭhamak-hei omchen kha juimak roh.

JEREMIAH 12:16

Anmani’n kamihei bekdân hi anmalung pumpuia anrahlânga, kamihei kha pha khat a Baal rahminga intepna sik a antamanthei hei kapōa, hinga an-intep inchu, ‘Rōngpu ahring jâra,’ khan chu anmani kha’m kamihei kâra ṭhen khat kachang sik hei khana hong kakhangtou sik hei.

JEREMIAH 5:7

Rōngpu’n ader, “Heijâra mo kamihei setna karangei mandam sik hei? Anmani’n kei anni dahlon jo khana akadik mak pathen ankamuk jo hei. Kamihei anvon khopmak kârseng kavei hei, tâk anmani’n kajông heia, khana noti hei leh anpha kha anhmang joa kae.

HOSEA 2:17

Ke’n ama Baal rahming manpanhêr nôk mak jo ning.

ZEPHANIAH 1:5

Innphu chunga akakea kani leh thla khana ârsihei kamukna akaneihei kha kamanhmang sik hei. Kei inmuk hei khana kei kajui sik a intepna kaneihei, tâk-kha Molech pathen rahminga intepna kaneihei kha’m kamanhmang sik hei.

MIJAHEI 32:38

Nebo, Baal Meon (rahming hi inthleng jo) khana Sibma rekurhei kha ansakther nôk jo. Antasakther khōpuihei kha rahming anphō jo hei.

MIJAHEI 33:55

Tâk-kha aram mihei kha nanhnongsōt mak he’nchu, nanhmit a innim kapō khana nansir nanpanga rahling aka-ang heia antamanrim sik chei kae, khana andōi sik chei.

CORINTHIANHEI INKHATNA 15:33

Hōnmathlâk a om mak ruh! Inloipui kaṭhamak in omchen kaṭha amanhmanga kae.

EPHESIANHEI 5:11

Khō inthim ta kachang, hnemna kase mihei ṭōntlohei kha leh heite sap changmak ruh. Khava kanek a chu khōvâra malârsō pet hei ruh. (

DÂNRABU INHNINA 10:20

Rōngpu nan-Pathen ṭong jui ruh khana ama rōk kha kamuk ruh. Ahnenga taksenthei chang ruh khana ama rahming rōk a intepna nei ruh.

DÂNRABU INHNINA 6:13

Rōngpu nan-Pathen kha kaja ruh, ama rōk kha kamuk ruh, khana ama rahming rōk a intepna nei ruh.

DÂNRABU INHNINA 6:14

Pathen ralak kamuk mak ruh, nanhneng vena ka-om mihei pathenhei kamuk mak ruh.

JOSHUA 23:12

Ṭong nanjuimak a nankâra alaka-om jât-hei leh nan-inmat a jōr nan-inloa achang inchu,

JOSHUA 23:8

Khava kanek a, tûn katlunga nantatlo kapōa, Rōngpu hneng taksenthei chang ruh.