JOSHUA 23:10 - LEKHARABU INTHENG (BSI)

¹⁰ Nangni mi inkhat in mi 1,000 nanhnongsōt tor hei, ajârchu Rōngpu nan-Pathen khan ale’ntepna kapōa, nangni sik re adōi pek chei.

JOSHUA 23:10 ပူးပေါင်းရင်းမြစ်များ

SAMUEL INHNINA 23:8

David remi rahming inthang hei khachu hihei hi kae: ahma kakeipen kha Takhemon ram a Josheb Basshebeth kae, ama hi “3” hei hlamkakei kae; ama’n akasei vânga mi 800 re adōi heia rehmun khat rōk a ankhenga aleithatpet hei.

THUHMINGHEI INKHATNA 5:20

Pathen hneng taksenna anneia, inthōpuina sik a andera kae, khana Pathen in anderna athei pek heia Hagrihei leh anmani inthōpui hei chunga retorna amannei heia kae.

THUHMINGHEI INKHATNA 5:22

Anmani’n an-inrepuihei katamtak anleithat hei, ajârchu re kha Pathen lungdo kae. Khana anmani kha rehringa anṭhōisōt mak hma seng khava ramṭhen a khan leika-om hei.

HLAHEI 35:1

Rōngpu, kakadōi hei kha dōi hei roh, Re anikatuk hei kha tuk hei roh!

HLAHEI 46:7

Chunghnung Rōngpu’n a-ompui me; Jacob Pathen kha ni’nthupna kae!

SŌKSŌT 14:14

Rōngpu’n nangnihei sik re atuk sik, nangni’n heite nantatlo sik rangei mak.”

ISAIAH 30:17

Nan-inrepuihei remi inkhat rōk nanhmu pha mi lishing inkhat katlân sik chei, khana nankhenga mantlânsōtna sik a remi 5 rōk kha katluk set a kae. Tlâng chunga pōnlek sung tei loa nanremi inkhatbek om mak hei ning.

LEVI-DÂN 26:7

Nan-inrepuihei kha nantor sik hei;

LEVI-DÂN 26:8

nangni mihring 5 rōk in mihring 100 nantor sik hei, 100 inchu mihring 1,000 nantor sik hei.

ZECHARIAH 12:8

Khava pha Rōngpu’n Jerusalema ka-om mihei kha ahuk sik jo hei, ankâra akatlasam pen kha’m David kapōa kahrat sik jo. David sōn leh pârhei khan Rōngpu ngevahei kapōa, Pathen kapōhrep a hlam ankei sik jo hei.

ROMANHEI 8:31

Hivaseng chunga hin eini’n heimo nihri ngam sik? Pathen kha nilanga a’nṭang inchu, tu mo anikadōi tor sik?

DÂNRABU INHNINA 20:3

‘Israel mihei rangei ruh! Tuning nangni re kakōn kase sik chei. Nan-inrepuihei kha ṭitmak ruh khana malung mathla mak ruh khana inpir mak ruh.

DÂNRABU INHNINA 20:4

Rōngpu nan-Pathen in a’nṭhōipui sik chei khana re amantor sik chei.’

DÂNRABU INHNINA 28:7

“Nan-inrepui he’n anbuhlu chei pha Rōngpu’n ator sik hei. Anmani’n ramkei inkhat a inphut anbuhlu sik chei, tâk nanhnenga inphut ramkei rakip a katlânsōt sik hei.

DÂNRABU INHNINA 3:22

Anmani kha ṭitmak hei ruh, ajârchu nangni sik a Rōngpu nan-Pathen in re atuk sik.’

DÂNRABU INHNINA 32:20

Ama’n ati, ‘Ke’n anmani inthōpui nôk mak jo hei ning.’ ‘khava sōa heimo kachang hei ti kha ka-en sik hei, sova ṭong inngeimak leh taksenthei kachangmak mihei so.

DÂNRABU INHNINA 32:30

Mi inkhat in 1,000 aleitor hei kha, mihlop mi 2 rōk in 10,000 ator jo hei, heijâra mo? Rōngpu an-Pathen in adahlon jo hei; anmani ratha kanei Pathen in amasō jo hei.

JOSHUA 10:42

Joshua’n hiva renghei rakip leh anramṭhen hi vōi khat tlâk a atorsō hei ajârchu Rōngpu Israelhei Pathen in Israel sik a re aleituk a kae.

JOSHUA 23:11

Rōngpu nan-Pathen lungsetna sik a intluk ruh.

JOSHUA 23:3

Nangni jâra Rōngpu nan-Pathen in hiva jât-hei seng hnenga heirakip atlo hi nangni’n nanhmu jo. Rōngpu nan-Pathen in nangni sik re atuk pek jo cheia kae.

ṬONGKATANHEI 15:15

Khava pha ama’n shakōrtung alakathibi makharu inkhat ahrut a khan vâng khan mi 1,000 avōkthat jo hei.

ṬONGKATANHEI 3:31

Abân hlamkakei kha Anath sapa Shamgar kae. Ama’num Israelhei aleihuk hei, sekhemna rahling sung ahmanga Philistihei 600 athat heia kae.

SAMUEL INKHATNA 14:6

Jonathan in retherpa hneng ati, “Sova khōvel Philistihei rephōr ting rakan jo rih. Rōngpu’n abôm sik me; ama’n atlo’nchu, retorna apek sik me kha heite inkhat in tingtor mak ning, hinahin eini nitlômtek inum heite khôkmak.”