JOSHUA 22:5 - LEKHARABU INTHENG (BSI)

⁵ Moses ṭong pek chei kha jui ngerna sik a intluk ruh: Rōngpu nan-Pathen lungset ruh, alungdo tlo ruh, aṭongpek-hei jui ruh, ahnenga taksenthei chang ruh, khana nanmalung nanrathla akhenga razen ruh.”

JOSHUA 22:5 ပူးပေါင်းရင်းမြစ်များ

HLAHEI 106:3

Akadik a katlo ṭhak, aṭongpek kajuihei kha akahōi hei kae.

HLAHEI 78:7

Hing’hin anmani’n antaksenna kha Pathen chunga anda sik, khana ama ṭōn leitlo hei kha mahngi mak jo hei ning; tâk aṭongpek-hei kha ahei tik a anjui sik jo.

SŌKSŌT 15:26

Ama’n ahri, “Nangni’n kaṭong nanjuia ke’n kadik kati kha pui katluk a ṭōn vânga nantlosōt inchu, Egypt mihei chunga hrise kaleimasō inkhatbek vâng khan nangni karâkmak chei ning. Kei nan-indampa, Rōngpu eng kha kae.”

SŌKSŌT 20:6

Tâk-kha kalungsetna hi kei inlungset leh kadân kajuihei khang lishing lishing hnenga katlung.

SŌKSŌT 23:13

“Rōngpu, ke’n kahri hei seng hi rangei ruh. Aralak pathenhei hneng derna neimak ruh; arahming bek um phamak ruh.

SŌKSŌT 23:25

Nangni’n Rōngpu nan-Pathen kei hi nankamuk eng inchu, sâk leh in vâng kapek sik chei khana nat leh sat rakip kalosōtpek sik chei.

ṬONGCHÎK-HEI 4:23

Heikhong mo namandon kha insing thei roh; ajârchu namalung mandonna khan nahringkhō kha asyem kae.

ISAIAH 55:2

Von khopna aka-emak sik a khan heisa mo sêr nanta mathlang? Vonṭâm ṭhakna sik a khan nanratha heisik a mo nanta mathlang? Kaṭong rangei ruh khana heimo kahri kha tlo ruh, khana thlai katui pen kha nanchen sik.

JEREMIAH 12:16

Anmani’n kamihei bekdân hi anmalung pumpuia anrahlânga, kamihei kha pha khat a Baal rahminga intepna sik a antamanthei hei kapōa, hinga an-intep inchu, ‘Rōngpu ahring jâra,’ khan chu anmani kha’m kamihei kâra ṭhen khat kachang sik hei khana hong kakhangtou sik hei.

MATTHEW 22:37

Jesu’n amasôn, “‘Nang in namalung rakip, naratha rakip, khana namandonna rakip vâng Rōngpu na-Pathen kha nalungset sik kae.’

MATTHEW 4:10

Khava sōa Jesu’n amasôn, “Seitan, Sesōt roh! Ṭong intheng in hinga ati, ‘Nang in Rōngpu na-Pathen rōk kha nakamuk a narazen sik kae!’”

MATTHEW 6:24

“Tûte inkhat in akapu 2 sōk chang tor mak; inkhat a-enkada sik a kha inkhat alungset sik; inkhat arazen sik a kha inkhat donmak ning. Nangni’n Pathen leh karōi kha razensap tor mak chei.

JOHN 12:26

Tu achang inum kei inzen hnōm mi khan kakahnung ajui nger sik kae, khava jâra kasōkpa kha kei omna hmun a khan aka-om sik kae. Kapa’n kei inzen mi kha akaja sik kae.

JOHN 14:15

“Nangni’n kei nanilungset a achang inchu, kaṭong pek chei jui ruh.

ṬŌNTLOHEI 11:23

Avatlung jo pha mipuihei chunga Pathen in mahâmṭhat abukna hei avahmu sōt a inpâk hêr jo, khava jâra anmalung pumpui vâng Rōngpu sik a hlamrinthei leh akadik anchangna sik a aleimathok hei.

ṬŌNTLOHEI 27:23

Ajârchu tûnjân khan kakapu leh kakamuk Pathen ngeva inkhat kahnenga kajōnga,

ROMANHEI 1:9

Asapa Ṭong kaṭha kahrilea kamalung pumpui vâng karazen Pathen, Pathen kha kaṭong hri kadik tina sâkhi kae. Kamandon ṭhakna chei hi Pathen in amanhret,

ROMANHEI 12:9

Lungsetna kha pui katluk a malung intheng chang rasoh. Akadik mak mater ruh, akaṭha kha matutlit ruh.

ROMANHEI 8:28

Ajârchu Pathen mantlukna dungjuia abek hei, ama inlungset mihei ṭhatna sik, heirakip a ṭōn atlo ti hi eini’n nimanhret.

DÂNRABU INHNINA 10:20

Rōngpu nan-Pathen ṭong jui ruh khana ama rōk kha kamuk ruh. Ahnenga taksenthei chang ruh khana ama rahming rōk a intepna nei ruh.

DÂNRABU INHNINA 11:1

“Rōngpu nan-Pathen kha lungset ruh khana pha rakip a ama dân rakip kha jui ruh.

DÂNRABU INHNINA 11:13

“Khan chu, tuninga kapek chei ṭongpek-hei hi jui ruh; Rōngpu nan-Pathen kha lungset ruh khana nanmalung pumpuia razen ruh.

DÂNRABU INHNINA 11:22

“Ke’n kapek chei dân rakip taksentak a jui ruh: Rōngpu nan-Pathen kha lungset ruh, aṭongpek rakip kha tlo ruh, ahnenga taksenthei chang ruh.

DÂNRABU INHNINA 13:4

Rōngpu kha jui ruh khana kaja ruh; aṭong jui ruh khana aṭongpek-hei kha nit ruh, ama kamuk ruh khana ahnenga taksenthei chang ruh.

DÂNRABU INHNINA 4:29

Khana khan Rōngpu nan-Pathen kha nanjong sik, nanmalung pumpuia nanjong inchu, ama kha nanhmu sik.

DÂNRABU INHNINA 4:4

tâk nangni Rōngpu nan-Pathen kajui rakip chu tuning katlung lakahring chei.

DÂNRABU INHNINA 4:6

Taksentak a jui hei ruh, hivahin nangni heituk a akasing chei mo ti kha jât-hlop hei hneng inlâr sik. Hiva dânhei hi anthei pha, anmani’n anti sik, ‘Heituk a singna leh manhretna mo hiva jât kalen he’n antanei hi!’

DÂNRABU INHNINA 4:9

Insing thei ruh! Nanhmit khet a nantahmu jo hei kha nanhring lai seng mahngi makna sik a tlo ruh. Nansa leh nantu hei manthei hei ruh.

DÂNRABU INHNINA 5:10

Tâk kei inlungset leh kadân kajuihei chunga chu khang alishing lishing hnenga kalungsetna kamalâra kae.

DÂNRABU INHNINA 6:17

Ama’n apek chei dân rakip jui ngerna sik intluk ruh.

HEBREWHEI 12:15

Pathen maritna inphut hnung inle makna sik insing thei ruh. Tûte inkhat kahar kakha kapōa ahong kakeksōt a atûr khan bōina katamtak insō kha changmak rasoh.

JAMES 1:12

Enmansinna shunga taksenthei kachang ṭhak kha mikahōihei kae, ajârchu enmansinna kha anrakan tor inchu, Pathen in alungset hei hneng pek sik a aṭong tepsa hringna lenlukhu kha tloman antarahlâng sik kae.

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.

JOSHUA 23:8

Khava kanek a, tûn katlunga nantatlo kapōa, Rōngpu hneng taksenthei chang ruh.

ṬONGPHÔNG 15:3

anmani’n kemōngte leh Pathen sōkpa, Moses hla kha, ansak a ka-om hei: “Akahratpen Rōngpu Pathen, naṭōn tlohei hi heituk-hrep a a’nlak a akalenhei mo! Jât rakip Rengpa, nahlamhei hi heituk-hrep a akadik a a’ntlun hei mo!

SAMUEL INKHATNA 12:20

Samuel in amasôn hei, “Ṭitmak ruh. Khang khava ṭhatmak kha nantlo jo ravâng, Rōngpu a inphut inhe mak ruh, tâk nanmalung pumpuia ama razen ruh.

SAMUEL INKHATNA 12:24

Rōngpu ṭong jui ruh khana nanmalung pumpuia taksentak a ama razen ruh. Nangni sik a ṭōn kalen atlo hei kha mandonsōt ruh.

SAMUEL INKHATNA 7:3

Samuel in Israel mipuihei hneng ati, “Nangni’n Rōngpu hneng nanmalung pumpuia nanhong inle’nchu ram hlop hei pathenhei leh pathennu Astarte hei kha nantahlonsōt sik hei kae. Nantaksa pumpui Rōngpu hnenga a’npek sōt sik chei kae khana ama rōk nantakamuk sik kae, khana ama’n Philistihei ratha neina inphut ahuksōt sik chei.”