JOSHUA 21:44 - LEKHARABU INTHENG (BSI)

⁴⁴ Rōngpu’n anpu sōnhei hneng ale’ntep kapōa, ram pumpuia mōngna aleipek hei. An-inrepuihei inkhatbek ankadōia ngir tor mak hei, ajârchu Rōngpu’n Israelhei kha ankadōi rakip amantor jo hei.

JOSHUA 21:44 ပူးပေါင်းရင်းမြစ်များ

THUHMINGHEI INHNINA 13:16

Israelhei kha Judea heia inphut katlân jo hei, khana Pathen in Judeahei kha torna ratha amannei heia kae.

SŌKSŌT 23:31

Ke’n nanramri Agaba tui inkhōra inphut Mediterranean tuipui khana nêrdiram inphut Euphrates tuidung katlung kamanlensa pek sik chei. Ke’n ram shunga ka-om hei seng chunga ratha neina kapek sik chei khana nanhma nannam chenna nanhnongsōt sik hei.

SŌKSŌT 33:14

Rōngpu’n amasôn, “Ka’nṭhōipui sik che, khana re kamantor sik che.”

ISAIAH 63:14

Ranhei thlai ṭhatna phaichama ṭhōi manhlut hei kapōa, Rōngpu’n amihei kha châmhngatna apek heia kae. Ama’n amihei kha aṭhōi heia ama rahming kajana arôn sōt a kae.

DÂNRABU INHNINA 2:36

Rōngpu ni-Pathen khan Arnon phaicham ramria Aroer inphut khōpui rakip Gilead katlung amanhlōsō me. Khōpui inkhatbek in eini hmaikunga bang kahnet hêr neidek mak hei.

DÂNRABU INHNINA 21:10

“Rōngpu nan-Pathen in re amantor chei pha khana rehringa nanṭhōi hei pha,

HEBREWHEI 4:9

Hei-achang inum, ni 7 tluk ning Pathen châm a’nhnga kapōa, Pathen mihei châm inhngatna sik kha laka-om ṭhak.

JOSHUA 1:13

“Nangni omna sik a Jordan nisōtinga ram Rōngpu nan-Pathen in apek sik chei kha Rōngpu sōk Moses’n heikhonga mo ahri pek chei kha mandon ruh.

JOSHUA 1:15

Rōngpu nan-Pathen in apek hei Jordan tlaitlâk tinga ram kha anhlō mak kârseng. Israel phung rakip ram kha kaṭha apek hei phatō leh khan Rōngpu sōk Moses tapek chei hiva Jordan nisōa nanram hin hong inle sik cheia kha ka-om thei sik chei.”

JOSHUA 1:5

Joshua, nang nahring lai seng tûte inkhat in re tor mak hei tin. Moses ka-ompui kapōa nang ka-ompui sik che; nang ahei tik a dahlon hêrmak che ning.

JOSHUA 11:12

Joshua’n hiva khōpui rakip leh anrenghei Rōngpu sōk Moses ṭongpek dungjuia asursō hei, khana athatsō hei.

JOSHUA 11:23

Rōngpu’n Moses ṭong apek kapōa, Joshua’n ram pumpui kha ahlō jo. Joshua’n khavakha Israelhei hneng anchen sik a aṭhen pek hei, phung inkhat a ṭhen khat et asempek hei. Khana mipuihei kha retlo le’nhnga jo hei.

JOSHUA 11:8

Anmani chunga Rōngpu’n Israelhei kha torna apek jo hei; Israel he’n anbuhlu heia sak tinga Misrephoth Maim leh Sidon katlung, khana nisōtinga Mizpah phaicham katlung anhnong hei. An-inrepuihei kha inkhatbek kahringa an-om mak katlunga re kha le’ntuk hei.

JOSHUA 2:24

khana anti, “Rōngpu’n ram pumpui so apek jo me tia inngamna kannei. Sonna ka-om mi rakip in eini anṭit hêr jo me.”

JOSHUA 22:4

Tûnchu, ale’ntep kapōa, nan-Israel changpui hei chunga mōngna apek jo hei. Khava jâra, Rōngpu sōk Moses tapek chei, Jordan nisōa, nankarōi ram hlō sik a nantamdu nan-inn langa inle jo ruh.

JOSHUA 22:9

Khava jâra Reuben, Gad, leh Nisō Manasseh phung mihei kha an-inn langa inle jo hei. Israel alakseng hei kha Canaana Shiloa andahlon hei khana Moses a inphut Rōngpu ṭongpek dungjuia, anta leihlō anram chen Gilead kajōna kasesōt jo hei.

JOSHUA 23:1

Pha kasôttak Rōngpu’n Israel sahei kha ankimvea an-inrepui heia inphut inhrungna aleipek jo hei. Khava pha khan chu Joshua kha leikater hêr jo,