JOSHUA 2:19 - LEKHARABU INTHENG (BSI)

¹⁹ Tu inkhat in inn hinna inphut vâng asōk inchu, ama thina kha abing ṭhena kachang sik, keini’n themmô chenmak ning; tâk tu inkhat nang leh innshunga aka-omsap kha antôn inchu, khachu keini’n themmô kanchen sik.

JOSHUA 2:19 ပူးပေါင်းရင်းမြစ်များ

SAMUEL INHNINA 1:16

khana David in Amalek mipa hneng ati, “Hivahi nabinga nahei rôn sōt kae. Rōngpu’n reng sik a akadeisōt jo mi nathat kha nabinga kahnōm chea kae.”

SAMUEL INHNINA 4:11

Ṭhena kaneimak mi inkhat a-inna aje kathia akatukthat mikaṭhamak heihrep sik a khan heituk a a’nhnak sik mo! Tûn ama nanthat jâra nanchunga ke’n phu kahlō sik kae khana raleichunga inphut kalosōt sik chei kae!”

RENGHEI INKHATNA 2:32

Kapa David manhretna omloa khava mi athat hei jâra, Rōngpu’n Joab kha akarâk sik kae. Joab in ama kanek a mikaṭha, ṭhenakase 2 aleithat hei: Abner, Israel remi hlamkakei, khana Amasa, Judah remi hlamkakei.

SŌKSŌT 12:13

Kotkung kachoa thisen innona kha nangni omna inn mêrchîkna kachang sik. Ke’n Egypt hei karâkna kapek hei pha, thisen inno kha kahmu’nchu, karakan sik hei khana suk manset mak chei ning.

SŌKSŌT 12:22

Ran thisen dana kōklei shunga khan Phibur Hyssop kha phûm una nan-inn kot vei leh changa thing kha leh kot chunga thing kha kano ruh. Mi inkhatbek in jîng khōvâr mak hma seng inn nantadahlon mak sik kae.

SŌKSŌT 12:23

Rōngpu kha Egypt hei kathat sik a Egypt katlung bit a ase pha, kot chunga leh kot-sir heia nantakano thisen kha ahmu sik a kha Mikathat Ngeva kha nan-inn manhlut mak ning khana manthat mak chei ning.

LEVI-DÂN 20:11

Apa nuhmei inkhat leh hmun inchun mi khan apa inzak apek kae, ama leh nuhmeinu kha that sik hei kae. Anthina kha anmani tahei rôn sōt kae.

LEVI-DÂN 20:9

Rōngpu’n dânhei hi apek hei. Tu inkhat in apa anu kahâksêr inchu that sik kae; athina kha abinga atlosōt kae.

MATTHEW 24:17

Innchunga ka-om khan inna aneinâk kalo sik jōngṭumna pha lomak hei rasoh.

ṬŌNTLOHEI 18:6

Anmani’n achunga dōina leh ṭongse anhri pha ama’n atheikada a apōna vaiphin kha akathing thlōn heia hing’hin ahri pek hei, “Nangni nan-inhmang inchu, nanbinga maset nanta’nrôn sik kae! Ke’n mô kha rônmak ning. Tûna inphut chu Jât-hlop hei hneng kase sik jo eng.”

ṬŌNTLOHEI 20:26

Khava jâra tuning chu kakhôktak a kaphôngsōt jo kae, nankâra tu mo inkhat a’nhmang inchu ke’n rahno rônmak jo eng.

ṬŌNTLOHEI 27:31

Tâk-kha Paul in sepei ṭōnkarônpa leh sepeihei hneng, “Rakōng katôrhei hi rakōng shunga anchōngmak jo’nchu nanhringna sik inhōrna om mak jo,” atipek hei.

PHILIPPIANHEI 3:9

pui katluk a kan-inchun theina sik, heirakip ramhnōk a kalo jo heia kae. Khana Dân juia hnemna, kabinga dikna inkhatbek ke’n neimak jo eng. Tûnchu taksen chunga a’nhnga, Pathena inphut akajōng, Christa taksen jâra a’npek dikna kha ke’n kachen jo.

HEBREWHEI 10:29

Kha achang inchu, Pathen Sapa kahnōise hei sik hei mo kachang sik? Khava anset manthengna kapek Pathen intepna thisen kha mankabeitek a akalo hei sik? maritna Rathla manzakna kapek hei sik? Khahei kha heituk-hrep akakhe karâkna mo anrahōi akachang sik mandon ruh!

JOSHUA 2:12

Tûn ke’n nangni chunga katlo kapōa ka-innshung chunga lungset a kantlo sik tia ama rahminga inhâksêr ruh, khana kataksena sik chei mêrchîkna ṭhahrep apek ruh.

JOSHUA 2:14

Pasehei kha’n amanu hneng anti, “Kantahri kapōa kantlosōt mak inchu Pathen in kanhringkhō lo rasoh! Keini ṭōntlo hi tûte hneng nahrisōt mak inchu nahnenga keini intep ung khachu hiva ram hi Rōngpu’n apek ung pha, kaṭha kanhrung sik che.”

JOSHUA 2:20

Achang ravâng, kanṭōntlo kha tu inkhat hneng nahrisōt inchu, nahnenga tlopek sik chea intepna namannei ung kha nitmak ning anti.”