JOSHUA 2:14 - LEKHARABU INTHENG (BSI)

¹⁴ Pasehei kha’n amanu hneng anti, “Kantahri kapōa kantlosōt mak inchu Pathen in kanhringkhō lo rasoh! Keini ṭōntlo hi tûte hneng nahrisōt mak inchu nahnenga keini intep ung khachu hiva ram hi Rōngpu’n apek ung pha, kaṭha kanhrung sik che.”

JOSHUA 2:14 ပူးပေါင်းရင်းမြစ်များ

A’NPHUTNA 24:49

Tûnhin, nangni’n, kakapu hnenga tlohlam kasōk kha pui mathluk sik a nanin-tluk inchu khana akaṭha tlopek sik nanti’nchu ahri pek ruh; kha achangmak inum ahri pek ruh khana ke’n heimo tlo sik kha kamandon sik jo,” ati.

A’NPHUTNA 47:29

Athina sik ahong hnai jo pha, asapa Joseph abek a ahnenga, “Nakut kha karakō kâk a da roh. Egypt a kei hi avûm mak che ning tia kaṭhatak a intep roh.

SAMUEL INHNINA 2:5

ama’n mi ṭhahrep ṭong hi amanrôn heia atir hei, “Nangni’n nanrengpa chunga kajana nanmalâra nanvûm jâra Rōngpu’n mahâmṭhatna buk chei rasoh.

SAMUEL INHNINA 2:6

Tûnchu, Rōngpu’n nanhnenga maritna leh taksenthei chang jo rasoh. Nanṭōn tlo ṭhat jâra ke’num kaṭhatak a katlo sik jo chei.

SAMUEL INHNINA 9:1

Ni khat David in ader, “Saul innshung mi inkhat tou alakahringa alaka-om mo? A-om inchu, Jonathan jâra achunga lungsetna kamalâr hnōm,” ati.

RENGHEI INKHATNA 20:39

Rengpa hlam a ahong pha, sânkathem in abek a ati, “Reng Kalûr, kei rehmun a re intuk enga remi inkhat in inrepui mi inkhat ahei sura kahnenga ahei thōia hinga ahri, ‘Hiva mipa hi hrung kaṭha roh, ama atlânsōt inchu khava sik a nang hringkhō napek sik kae, achangmak leh leichoia dangka 3,000 napek sik kae.’

ṬONGCHÎK-HEI 14:22

Aṭhatna sik ṭōn natlo’nchu mihei kajana leh taksenna nachen sik; aṭhat makna sik ṭōn natlo’nchu naṭhe jo kae.

ṬONGCHÎK-HEI 18:24

Ṭim leh re loikhat chu akasôt inthlop mak hei, tâk ṭim leh re loikhat chu u leh nai kanek a inthlop thei hei.

MATTHEW 5:7

“Milak chunga lungsetna kaneihei kha anmahâm kaṭha; Pathen in alungset sik hei!

ṬŌNTLOHEI 23:22

Sepei rehlam kakeipa khan, “Hiva kahnenga naṭong thangkōi hi tûte hneng hrisōt mak roh,” atipek. Khana rether naipangpa kha atirsōt jo.

JOSHUA 2:13

Kapa, kanu, khana kasōpuihei leh an-innshung rakip kanhuk sik hei tia kahnenga intep ruh! Keini amanthat mak hei ruh!”

JOSHUA 2:15

Rahab kha khōpui shunga bang leh a’nkop inna aka-om kae, khava jâra mihei kha hrui inkhat vâng amakhei maṭhum jo hei.

JOSHUA 6:17

Rōngpu hnenga inthoina kapōa khōpui leh ashunga ka-om rakip suk manhmang sik kae. Notinu Rahab leh an-innshung rōk kha tônmak sik hei kae, ajârchu amanu’n eini ram ka-en inthlip hei kha aleithup heia kae.

JOSHUA 6:22

Joshua’n ram ka-en inthlip mi 2 hei hneng amanthei hei, “Nangni’n nanlei intepna kapōa, notinu inna se ruh khana ama leh a-innshung heiṭhōi hei ruh.”

JOSHUA 6:25

Tâk-kha Joshua’n Rahab notinu leh a-innshung seng chu aṭhen jo hei, ajârchu ama’n Jerichoa aleitir ram ka-en inthlip 2 hei kha amanu’n aleithup heia kae. (Tuning katlung amanu sōn leh pâr Israelhei kâra laka-om hei.)

SAMUEL INKHATNA 20:8

Lungsettak a hivahi atlopek roh, khana nang in kei hneng a’ntheng intepna nanei kha anitpek roh. Tâk kaṭhe inchu, nangkhet in athat roh! Heisik a mo napa hnenga anthatna sik eng naṭhōi sik eng?”