JOSHUA 11:6 - LEKHARABU INTHENG (BSI)

⁶ Rōngpu’n Joshua hneng ati, “Anmani ṭitmak hei roh. Ajîng kania hiva phatak a hin anmani ankhenga Israelhei sik a kathatpet sik hei kae. Nangni’n anshakorhei ke nantuk mathlek pek sik hei khana anshakor gârihei hmeia nanro sik hei.”

JOSHUA 11:6 ပူးပေါင်းရင်းမြစ်များ

SAMUEL INHNINA 8:4

Ashakor remi 1,700 leh remi 20,000 asurpek hei. Shakor gâri 100 sik a ashakor akatluk hrep a’nda a, alakseng chu anke amathlek pek jo hei.

RENGHEI INHNINA 6:16

Elisha’n amasôn, “Ṭitmak roh, anmani hmangchâk kanek a eini hmangchâk katamchet a kae.”

THUHMINGHEI INHNINA 20:16

Ajîng kania anmani’n ramri rakanna Ziz a anheitlung pha buhlu hei ruh. Nangni’n anmani kha Jeruel hnenga ramhâng sena phaicham hmora nanratō sik hei.

HLAHEI 46:10

Ama’n ati, “Retlo bâng ruh. Kei Pathen eng kae ti hi manhret ruh, jât-hei kâra torna kaneipen leh vânhnōia torna kaneipen eng kha kae.”

HLAHEI 46:11

Chunghnung Rōngpu’n a-ompui me; Jacob Pathen kha ni’nthupna kae!

HLAHEI 46:9

Ama’n raleichung rakip a re kha amanbâng; Sai asuk mathlek hei, kasei asuk manhmang hei, khana pho kha hmeia aro hei.

ṬONGCHÎK-HEI 20:7

Sahe’n malung intheng leh akadik katlopa inkhat annei inchu anmahâm kaṭha.

ISAIAH 30:16

Khava kanek a, nan-inrepui heia inphut shakor kayâng chōnga tlânsōtna sik intluk chei. Khana nangni kadik chei, tlânsōt sik kha nantatlo mông sik kae! Nangni’n nanshakor hei kha tlân kayâng hei tia nanmandon, tâk nankahnung kathlur hei kha akayâng chet sik hei kae.

ISAIAH 31:1

Egypt a inṭangpuina kader sik a akase hei kha inhmang jo hei! Anmani’n Egypt ratha kanei remi katamtak chunga inngam heia kae — shakorhei , shakor gârihei leh remihei chunga. Tâk-kha Israel Pathen intheng Rōngpu hneng semak hei, inthōpuina sik ahnenga dermak hei.

EZEKIEL 39:9

Israel khōpuia aka-om he’n kasōksōt sik hei, antadahlon hmangchâk-hei kha hmeia ro sik a ankhôm mantûp sik hei. Chemjâm, pho, sai, thesang, kasei, thingbong hei vânga hmei ansêm sik, khana kum 7 hmei sêmna sik a hmangchâk annei sik.

HOSEA 14:3

Assyria he’n keini ahei tik a’m ahuk tor mak ning, re shakor he’n ahrungtor mak ning. Kanlimhei hnenga, ‘Kan-Pathen, O Rōngpu’ ti nôk mak jo ning, anka-en sik tûte aka-om mak hei hnenga nang in lungset namalârpek heia kae.”

NAHUM 2:13

“Kei nakadōi eng kae!” tia Akahratpen Rōngpu’n ati. “Nashakor gârihei karo sik. Rehmun a naremihei anthat sik hei, khana mihlop-hei hnenga natachom rakip kalosōt sik. Napalai hei ngekna ṭong intheimak jo ning.”

DÂNRABU INHNINA 7:16

Rōngpu nan-Pathen in nangni ratha neina thōia ada jât rakip suk manhmang hei ruh, anhnenga lungsetna heite malârmak ruh. An-pathen kamuk mak ruh, ajârchu khavakha thitheina tak kachang sik.

JOSHUA 10:8

Rōngpu’n Joshua hneng ati, “Anmani ṭitmak hei roh. Retorna kha kapeksa jo che kae. Nangni kadōia tûte inkhat ngir tor mak hei ning.”

JOSHUA 11:5

Hiva renghei hin anremi anmanchun heia kahongsap hei khana Israelhei re katuk sik a Merom Kōk a rephōr anlei matunga kae.

JOSHUA 11:7

Khava jâra Joshua leh ami seng in manhret manloa Merom Kōk a anbuhlu jo hei.

JOSHUA 11:9

Rōngpu’n ṭong apek kapōa Joshua’n anhnenga aleitlo jo: ama’n anshakorhei anke antuk mathlek pek hei khana anshakor gârihei kha hmei aro pek hei.

JOSHUA 3:5

Joshua’n mipuihei hneng ati, “Nanbinga intheng sōtna tlo ruh, ajârchu jîng kania Rōngpu’n nankâra ṭōn-inlak atlo sik kae.”

ṬONGKATANHEI 7:9

Khava jântak a khan Rōngpu’n Gideon hneng ṭong apek a, “Thōi roh, rephōr kha buhlu jo roh; ke’n retorna kha kapek jo che kae.

SAMUEL INKHATNA 11:9

Anmani’n Jabesh a tlângvahei hneng anti, “Nanmihei hneng vahri ruh, ajînga sûnṭim mak hma anmani huksōt sik hei kae.” Jabesh mihe’n ṭong kha anthei pha inpâk hranghra jo hei