JOSHUA 11:12 - LEKHARABU INTHENG (BSI)

¹² Joshua’n hiva khōpui rakip leh anrenghei Rōngpu sōk Moses ṭongpek dungjuia asursō hei, khana athatsō hei.

JOSHUA 11:12 ပူးပေါင်းရင်းမြစ်များ

DÂNRABU INHNINA 7:2

Rōngpu nan-Pathen in hiva mihei hi nangni ratha neina thōia ada jo heia nantor jo hei pha, ankhenga nanta thatpet sik hei kae. Anmani leh inmatna syem mak ruh khana lungsetna malârmak ruh.

DÂNRABU INHNINA 9:3

Tâk tûnchu Rōngpu nan-Pathen in nangni sik a hmei kasûk kapōa nanhma akase kha nanhmu sik. Ama ṭongtep kapōa anmani nanhnongsōt heia inranga nansuk manhmang theina sik a, nangni hmating nannam pha khan, ama’n re atordek sik jo hei.

JOSHUA 10:20

Joshua leh ami he’n anleithat hei, mi ṭhahrep chu ankhōpui shunga bang heia inhuk theina anhmua leithat mak hei.

JOSHUA 10:28

Joshua’n khava Makkedah reng abuhlua aleitha jo, arengram kha ahlō jo. Khōpui shunga aka-om rakip athat hei; akahringa tûte inkhat damak. Jericho reng hnenga aleitlo kapōa Makkedah reng hnenga atloa kae.

JOSHUA 10:30

Rōngpu’um Israelhei kha hiva khōpui leh areng chunga torna apek hei. Tûte inkhat ṭhenmak hei, khana aka-om mi rakip anthatsō hei. Jericho reng hnenga ale’ntlo kapōa rengpa chunga antloa kae.

JOSHUA 10:32

Rōngpu’n Israelhei kha retukna ni 2 tluk ning Lachish chunga torna apek hei. Libnah chunga ale’ntlo kapōa, tûte inkhat ṭhenmak hei, khōpuia aka-om mi rakip anthatsō hei.

JOSHUA 10:35

Khava ning bât anhlō joa, Lachish a anta leitlo kapōa khana aka-om rakip anthat jo hei.

JOSHUA 10:37

khan anhlō jo. Rengpa leh khōpuia aka-om rakip khana anhnenga ka-om khōpui heia aka-om hei seng anthat jo hei. Eglon a aleitlo kapōa Joshua’n khōpui kha pui katluk a suk manhmangna kha aleinei jo. Inkhatbek kahringa damak a kae.

JOSHUA 11:13

Achang ravâng, bung chunga ale’nsak khōpuihei inkhatbek Israel he’n hmei romak hei, Joshua’n aleiro Hazor tei loa.

JOSHUA 11:15

Rōngpu’n aṭongpek kha asōkpa Moses hneng aleipek, Moses’n khahei kha Joshua hneng aleipek, khana Joshua’n aleijui heia kae. Rōngpu’n Moses hneng ṭong apek rakip kha ama’n aleitloa kae.

JOSHUA 13:6

Hivahin Lebanon Tlâng leh Misrephoth Maim kâra tlângrama aka-om hei, Sidonhei ramṭhen rakip inveisa. Israel mipui he’n anhei injôk pha hiva mihei hi ke’n kahnong sōt pet sik hei.

JOSHUA 21:44

Rōngpu’n anpu sōnhei hneng ale’ntep kapōa, ram pumpuia mōngna aleipek hei. An-inrepuihei inkhatbek ankadōia ngir tor mak hei, ajârchu Rōngpu’n Israelhei kha ankadōi rakip amantor jo hei.

JOSHUA 8:31

Ama’n Rōngpu sōk Moses’n Israel hnenga mansena aleipek dungjuia khavakha aleisyem, Moses Dân shunga ahri kapōa: “thir hmangchâk vânga a’nkheng mak hlung vânga a’nsyem maichâm,” kae. Achunga khan romanvâm inthoina Rōngpu hneng anleitōk, khana anmani inlôikhômna inthoina kha’m antōksa.

JOSHUA 8:8

Khōpui kha nanlo pha, Rōngpu ṭong pek chei kapōa, hmeia ro ruh. Hihei hi nangni ṭong pekna chei kae.”

JOSHUA 9:24

Anmani’n anmasôn, “Apu, kanleihōn jo chei, ajârchu Rōngpu nan-Pathen in nanhnenga ram pumpui hi pek sik a leh ram nanheihlō chenna ashunga ka-om mihei kha thatpetna sik a Moses hneng ṭong aleipek kha akadik khet kae ti kha keini’n kanmanhret. Keini’n kanleihōn jo chei, ajârchu nangni kanṭit hêr chei; kanhringkhō sik a leikaṭi jo ung.