JOSHUA 10:8 - LEKHARABU INTHENG (BSI)

⁸ Rōngpu’n Joshua hneng ati, “Anmani ṭitmak hei roh. Retorna kha kapeksa jo che kae. Nangni kadōia tûte inkhat ngir tor mak hei ning.”

JOSHUA 10:8 ပူးပေါင်းရင်းမြစ်များ

RENGHEI INKHATNA 20:13

Hiva pha hin sânkathem inkhat in Reng Ahab hneng kasea ahong hri, “Rōngpu’n ati, remi katamtak heiso ṭitmak hei roh! Tuning anchunga torna kha kapek sik che kae, khan chu kei hi Rōngpu eng kae ti hi nahong manhret sik kae.’”

ROMANHEI 8:31

Hivaseng chunga hin eini’n heimo nihri ngam sik? Pathen kha nilanga a’nṭang inchu, tu mo anikadōi tor sik?

DÂNRABU INHNINA 3:2

Tâk Rōngpu’n kahnenga aleihri, ‘Ama so ṭitmak roh. Ke’n ama leh amihei khana aram akhenga nahnenga kapek sik che. Heshbon vaikarôn, Amorhei reng Sihon hneng naleitlo kapōhrep a ahnenga tlo roh.’

DÂNRABU INHNINA 7:24

Anrenghei kha nangni ratha neina thōia ada sik hei, khana mahngia ka-om sik jo hei. Tûte’n nangni kha’m tor mak tin chei; inkhat et nansuk manhmang sik hei.

JOSHUA 10:25

Khava sōa Joshua’n aṭōnpui karônhei hneng ati, “Ṭitmak ruh khana nanmalung mathla mak ruh. Intluk ruh khana inngam ruh ajârchu nan-inrepui rakip hei hnenga Rōngpu’n atlo sik kha hing’hina kae.”

JOSHUA 10:9

Joshua leh aremihei kha jân kathang Gilgal a inphut Gibeona le’njôk hei, khana Amorhei chunga sōkphutrōi buhluna anleinei jo hei.

JOSHUA 11:6

Rōngpu’n Joshua hneng ati, “Anmani ṭitmak hei roh. Ajîng kania hiva phatak a hin anmani ankhenga Israelhei sik a kathatpet sik hei kae. Nangni’n anshakorhei ke nantuk mathlek pek sik hei khana anshakor gârihei hmeia nanro sik hei.”

JOSHUA 8:1

Rōngpu’n Joshua hneng ati, “Remi rakip ṭhōi hei roh khana Ai a vase ruh. Ṭitmak roh khana malung mathla mak roh. Ai reng chunga torna kapek sik che; Ai mi, akhōpui leh aram nangta sik hei kae.

ṬONGKATANHEI 6:16

Rōngpu’n amasôn, “Natlo tor sik ajârchu ke’n ka’nthōpui sik che. Midianhei kha mi inkhat rōk inrepui kapōa nasuk rabun sik kae.”

ṬONGKATANHEI 7:9

Khava jântak a khan Rōngpu’n Gideon hneng ṭong apek a, “Thōi roh, rephōr kha buhlu jo roh; ke’n retorna kha kapek jo che kae.

SAMUEL INKHATNA 17:47

khana Rōngpu’n amihei hukna sik a chem leh the rangei mak ti hi hiva hmun a aka-om rakip in anhmu sik. Ama hi rehmun a torna kanei kae, nangni nankhenga keini ratha neina shunga ada sik chei.”