JOSHUA 1:8 - LEKHARABU INTHENG (BSI)

⁸ Nankamukna phatina Dânrabu teiṭhakna sik a intluk ruh. Sûn leh jân tei ruh, ashunga a’nzet rakip ajuina sik a tlo ruh. Kha achang inchu nangni kahao sik chei khana chung kasōk sik chei.

JOSHUA 1:8 ပူးပေါင်းရင်းမြစ်များ

A’NPHUTNA 24:63

Isaac khōhlei ting hlei razeia vakalônsōt a sharîngsei hei anhong kha aleihmu.

THUHMINGHEI INHNINA 26:5

Ama beklanga mansena kaneipa Zechariah ahring lai seng chu ama’n Rōngpu kha taksentak a arazen Pathen in mahâmṭhat apek a kae.

HLAHEI 119:11

Nang kadōia setna katlo makna sik kamalung shunga nadân kha ka’nda jo.

HLAHEI 119:15

Namansena kha inchu eng; nami mantheina kha ka-enmansin.

HLAHEI 119:97

Heituk a nadân hi kamadu jo mo! Khavakha sûn nilun kamandon.

HLAHEI 119:99

Namansena eng kha lum lona kaneia ani’nthei hei kanek a kamanhret chet a kae.

HLAHEI 19:14

Kaṭong hri leh kamandonna hei hi nahnenga rahlângthei chang rasoh, O Rōngpu, ka’n-ungna leh ka’ntlensōtpa!

HLAHEI 40:10

Huk manhringna ṭong hi ke’n kabinga inda mak eng; ke’n ahei tik a na’nthō puina leh taksenthei nachangna kahrisōt ṭhak. Namihei seng an-intûpna khan akatlasam mak nalungsetna leh lum lona chunga kei sip timak eng.

ṬONGCHÎK-HEI 3:1

Kasapa, kaman theina che hi mahngi mak roh. Tlo sik a kamanthei che kha mandonṭhak roh.

ISAIAH 59:21

Khana ke’n nangni leh intepna inkhat kasyem: ke’n karathahrat leh kaman theina ahei tik a nangni sik a kapek jo chei, khana tuna inphut nangni’n kaṭong nantajui sik khana akahong sik pha rakip a kei juina sik a nansahei leh nansōn nanpâr hei nanta manthei sik hei kae.”

MATTHEW 12:35

Mikaṭha inkhat in anei kaṭha manbukna inphut neinâk kaṭha kha ahei choisōt; khana mikaṭhamak khan anei kaṭhamak manbukna inphut neinâk kaṭhamak kha ahei choisōt a kae.

MATTHEW 28:20

khana kaṭong pek chei rakip hi anjuina sik manthei hei ruh. Khana pha a’nchaina katlunga ahei tik a ke’n ka’nṭhōipui ṭhak sik chei.”

MATTHEW 7:21

“‘Rōngpu, Rōngpu’ tia anikabek rakip marvân rengram a hlutmak hei ning. tâk marvâna kapa lungdo katlo rōk hei kha akahlut sik hei kae.

MATTHEW 7:24

“Khava jâra kaṭonghei hi akatheia akajui rakip, tu achang inum hlungpui chunga inn kasak mikasing kapō kha kae.

LUKE 11:28

Tâk-kha Jesu’n aleimasôn, “Khava nek a, Pathen ṭong katheia akajuihei kha heituk a akahōi sik hei mo!” ati.

JOHN 13:17

Tûnchu nangni’n hiva dikna hi nanmanhret jo; nangni’n hivahi ṭōn vânga nantlosōt inchu heituk a akahōi sik chei mo!

JOHN 14:21

“Tu achang inum kaṭong pek hei inhlânga akajui mi kha kei inlungset hei kae. Kei ani inlungset mi kha kapa’n amalungset sik kae; ke’num ama kalungset sik khana ama hneng kei khet inlâr sik eng.”

EPHESIANHEI 4:29

Nanbeia ṭongse hmangmak ruh, nanṭong hri katheihei sik akaṭha achangna sik a insyemsōtna leh pekna langa inthōpuina ṭong rōk kha hmang ruh.

DÂNRABU INHNINA 29:8

anram nileilo, Reuben leh Gad khana Manasseh phung ṭimkhat hei hneng nisempek hei.

DÂNRABU INHNINA 29:9

Nantlona rakip a chung sōkna nanneina sik hiva intepna ahlam rakip hi taksentak a jui ruh.

DÂNRABU INHNINA 30:14

Changmak, nankâra hin aka-om kae. Nanmanhret, nanhri tor, khava jâra tûn jui jo ruh.

DÂNRABU INHNINA 31:11

Kamukna hmun inkhat a Rōngpu nan-Pathen inmuk sik a anhong pha, Israel mipuihei hneng teisōt ruh.

DÂNRABU INHNINA 31:24

Moses khan Pathen Dân kha heite dahlon makna sik a inrintak a lekharabu inkhat a amazet jo.

DÂNRABU INHNINA 5:1

Moses’n Israel mi rakip abek mantûp heia anhnenga aleihri, “Israel mihei, tuning ke’n kapek sik chei dân rakip hei hi rangei ruh. Inchu ruh khana nanjui theina sik a intluk ruh.

DÂNRABU INHNINA 5:29

Hiva kapōa ahei tik a anmandon ṭhak inchu nu! Anmani leh ansōnhei sik ahei tik a akaṭha achangna sik a ankaja ṭhak enga kaṭong pek rakip anjui inchu anmani leh ansōn anpârhei sik a kaṭha sik.

DÂNRABU INHNINA 5:32

“Israel mipuihei, Rōngpu nan-Pathen ṭong pek chei rakip kha tlo ngerna sik intluk ruh. Adân inkhatbek juimak tlomak ruh.

COLOSSIANHEI 3:16

Christa ṭong kha aṭhatna rakip leh nanmalung shunga aka-om sik kae. Khat leh khat singna rakip vâng inse intheitō ruh. Inpâk hla, bek hla, hla intheng hei sak ruh; nanmalunga Pathen manpâk leh inṭhōia hla sak ruh.

JOSHUA 1:7

Inrin rōk kha inrin roh, inngam roh; kasōkpa Moses’n aleipek che Dân seng kha jui ngerna sik tlo roh. Khavakha ṭhen inkhatbek heisak lo tlomak roh khan chu nasena rakip a chung kasōk sik che.

JOSHUA 8:34

Khava sōa Joshua’n Dân kha, mahâmṭhat leh hâksêrna hei seng kha, kare inhnaktak a, ashunga ale’nzet kha atei jo.

ṬONGPHÔNG 22:14

“Tu achang inum apōnsi kasôp inthengpet a khana hringna thingkung kara kasâk sik a ratha kanei khana sōngkot a kahlut a khōpui akatlung kha mikahōihei kae.