JOSHUA 1:7 - LEKHARABU INTHENG (BSI)

⁷ Inrin rōk kha inrin roh, inngam roh; kasōkpa Moses’n aleipek che Dân seng kha jui ngerna sik tlo roh. Khavakha ṭhen inkhatbek heisak lo tlomak roh khan chu nasena rakip a chung kasōk sik che.

JOSHUA 1:7 ပူးပေါင်းရင်းမြစ်များ

RENGHEI INKHATNA 2:2

“Kei thina sik pha kahong jo. Inngam roh khana intluk roh,

RENGHEI INKHATNA 2:3

Rōngpu na-Pathen in tlo sik a ṭong apek che kha tlo roh. Khova hmun a nasena nakhang touna sik a, Moses Dânrabu a a’nzet ama dân leh aṭongpek rakip kha jui roh.

RENGHEI INHNINA 22:2

Josiah’n Rōngpu tlaina ṭōn aleitlo; apusōn David omchen dungjuia kachôna Pathen dân rakip kaṭhatak a aleijui.

THUHMINGHEI INKHATNA 22:13

Nang in dân rakip Rōngpu’n Israel sik a Moses hneng apek kha najui inchu, nang hmesōna nanei sik. Tlo sik a intluk roh khana intaksen roh, heite inkhat in ṭitna pek mak che rasoh.

THUHMINGHEI INHNINA 15:7

Tâk-kha nangni chu akangar sik chei kae khana malung tlâkna nantanei mak sik kae. Nanṭōn tlo kha tloman a’npek sik kae.”

THUHMINGHEI INHNINA 26:5

Ama beklanga mansena kaneipa Zechariah ahring lai seng chu ama’n Rōngpu kha taksentak a arazen Pathen in mahâmṭhat apek a kae.

JOB LEKHARABU 1:8

Rōngpu’n ader, “Kasōkpa Job kha namanhret mo? Raleichunga ama kapō taksenthei kachang, akaṭha mi inkhatbek um om mak. Ama’n kei akamuk eng khana akadik mak inkhatbek tlomakna sik ama insing theitak a ka-om.”

HLAHEI 80:19

Aṭhōi male roh, Chunghnung Rōngpu Pathen! Nalungsetna kha amanhmu roh, khan chu huksōt kachang sik ung.

ṬONGCHÎK-HEI 4:27

Akaṭhamak kha masō roh, khana hmating intlunhrek a se roh. Akadik a inphut kethon khatbek um thonsōt mak roh.

ṬONGCHÎK-HEI 8:20

Mikadik-hei hlam kha kahro; ṭongtan kadik-hei hlam kha kajui,

DANIEL 10:19

Ama’n ati, “Pathen in alungset che, khava jâra heite’n manrim mak che rasoh khana ṭitna pek mak che rasoh.” Ama’n hi ahrisō pha, kei ratha kaneichet joa kahri, “Oja, heimo nahri sik kha amanthei roh. Nang in namanṭhat det jo eng.”

MIJAHEI 27:23

Rōngpu ṭongpek dungjuia, Moses’n Joshua luchunga akut-hei adapek a ama kahlâng kathleng jo kae tia aphôngsōt jo.

DÂNRABU INHNINA 11:8

“Tuning kapek chei dân rakip hei hi jui ruh. Khan chu tuidung kha nanrakan tor sik khana nanhlutna sik ram kha nanhlō tor sik.

DÂNRABU INHNINA 12:32

“Ke’n ṭong kapek chei rakip hei kha tlo ruh, heite hapsa leh losōt tlomak ruh.

DÂNRABU INHNINA 28:14

Hei-achang inum hihei hi juiloa, pathen ralak kamuk a razen kha nanta tlomak sik kae.

DÂNRABU INHNINA 29:8

anram nileilo, Reuben leh Gad khana Manasseh phung ṭimkhat hei hneng nisempek hei.

DÂNRABU INHNINA 29:9

Nantlona rakip a chung sōkna nanneina sik hiva intepna ahlam rakip hi taksentak a jui ruh.

DÂNRABU INHNINA 31:7

Khava sōa Moses’n Joshua abek a ati, “Intluk roh khana inhlamrin roh; anpu anpahei hneng Rōngpu’n aleitep pek ram kahlō sik mihei kaṭhōi sik kha nang che kae.

DÂNRABU INHNINA 4:2

Kaṭong pek cheia hin heikhat besa losōt tlomak ruh. Ke’n kapek chei Rōngpu nan-Pathen ṭongpek kha jui ruh.

DÂNRABU INHNINA 5:32

“Israel mipuihei, Rōngpu nan-Pathen ṭong pek chei rakip kha tlo ngerna sik intluk ruh. Adân inkhatbek juimak tlomak ruh.

JOSHUA 1:1

Rōngpu sōk Moses athisōa, Moses inthōpuipa, Nun sapa Joshua hneng Rōngpu’n ṭong aleihri.

JOSHUA 1:8

Nankamukna phatina Dânrabu teiṭhakna sik a intluk ruh. Sûn leh jân tei ruh, ashunga a’nzet rakip ajuina sik a tlo ruh. Kha achang inchu nangni kahao sik chei khana chung kasōk sik chei.

JOSHUA 1:9

Na-inrinna sik leh inngamna sik a kaṭong pek che kha mandonsōt roh! Ṭitmak roh khana malung mathla mak roh, ajârchu Rōngpu na-Pathen ke’n nasena chen a ka’nṭhōipui sik che.”

JOSHUA 11:15

Rōngpu’n aṭongpek kha asōkpa Moses hneng aleipek, Moses’n khahei kha Joshua hneng aleipek, khana Joshua’n aleijui heia kae. Rōngpu’n Moses hneng ṭong apek rakip kha ama’n aleitloa kae.

JOSHUA 23:6

Khava jâra aṭong juina khan inrin ṭhak ruh, khana Moses Dânrabu shunga a’nzet rakip kha tlo ruh. Aṭhen inkhatbek donloa tlomak ruh,