JOSHUA 1:6 - LEKHARABU INTHENG (BSI)

⁶ Inrin roh khana inngam roh, ajârchu nanpu sōnhei hnenga kalei intepna ram hi anchen pha leh nang in hiva mihei hlamkakei a’nṭang sik che kae.

JOSHUA 1:6 ပူးပေါင်းရင်းမြစ်များ

A’NPHUTNA 12:7

Khana khan Rōngpu kha jōng inlâra Abram hneng, “Hiva ram hi ke’n natu-nasahei kapek sik ram kha kae,” ati. Khava pha Abram in ajōng inlâr Rōngpu hneng maichâm inkhat asyempek joa kae.

A’NPHUTNA 26:3

Nang hinahin om roh, ke’n ka’nṭhōipui sik che, mahâmṭhat kapek sik che. Ke’n hiva ramkei seng hi nang leh natu-nasahei kapek sik chei. Ke’n napa Abraham hnenga kaṭong leitep kha kamathlung sik kae.

SAMUEL INHNINA 10:12

Ratha kahrat leh akahrâng chang roh! Nimihei sik leh ni-Pathen khōpuihei sik a inhnaktak a re tuk rih. Khana Rōngpu lungdo kha intlo rasoh!”

RENGHEI INKHATNA 2:2

“Kei thina sik pha kahong jo. Inngam roh khana intluk roh,

THUHMINGHEI INKHATNA 22:13

Nang in dân rakip Rōngpu’n Israel sik a Moses hneng apek kha najui inchu, nang hmesōna nanei sik. Tlo sik a intluk roh khana intaksen roh, heite inkhat in ṭitna pek mak che rasoh.

THUHMINGHEI INKHATNA 28:10

Ama Bek-inn intheng kasak sik a Rōngpu’n akadeisōt che ti hi namanhret sik kae. Tûnchu tlosōt jo roh, intluktak a tlo jo roh.”

THUHMINGHEI INKHATNA 28:20

Reng David in asapa Solomon hneng ati, “Nabinga intaksenna nei roh khana intluk roh. Ṭōn phut jo roh khana hei-inkhat in naṭōn kha akhârna sik tlomak roh. Ke’n karazen Rōngpu’n a-ompui sik che. Ama’n adahlon mak ning, ama Bek-inna ṭōn tlo sik kha nachai mak kârseng a-ompui sik che.

THUHMINGHEI INHNINA 15:7

Tâk-kha nangni chu akangar sik chei kae khana malung tlâkna nantanei mak sik kae. Nanṭōn tlo kha tloman a’npek sik kae.”

THUHMINGHEI INHNINA 20:11

Hivahi kanchunga anphuhlōna kae, nang in napek ung ram hinna inphut kan kahnong sōt sik a anmani kahong jo hei.

THUHMINGHEI INHNINA 20:7

Nang keini Pathen che kae. Nami Israel he’n hiva ram shunga anlônle pha, khana aleika-om mipuihei kha nahnong sōt heia ram kha naṭhōnpa Abraham sōnhei hnenga ahei tik a ankarōi sik a napek hei.

HLAHEI 27:14

Rōngpu kha taksen roh! Taksenna nei roh, malung mathla mak roh, Rōngpu kha taksen roh.

DANIEL 10:19

Ama’n ati, “Pathen in alungset che, khava jâra heite’n manrim mak che rasoh khana ṭitna pek mak che rasoh.” Ama’n hi ahrisō pha, kei ratha kaneichet joa kahri, “Oja, heimo nahri sik kha amanthei roh. Nang in namanṭhat det jo eng.”

HAGGAI 2:4

Tâk-kha nangni tûte inkhatbek malung tlâkna neimak ruh. Ṭōn kha tlo ruh, ajârchu ke’n ka-ompui chei.

ZECHARIAH 8:9

“Inngamna nei ruh! Kabek-inn sak mantherna innhmun denglaia sânkathemhei ṭonghri kha leh in-anghrep a tûnhin nangni nanthei sik jo.

MIJAHEI 26:53

“Ram kha ansin anlen dungjuia phunghei kha sempek hei roh.

MIJAHEI 33:53

Aram kha lo una, ashunga khō tla ruh, ajârchu ke’n kapek jo chei kae.

CORINTHIANHEI INKHATNA 16:13

Insing thei ruh, nantaksenna ngir inhnet ruh, kangama om ruh, nanratha manngar ruh.

EPHESIANHEI 6:10

Atorna pena, nangni Rōngpu ratha hratna vânga leh ama leh inchunna shunga akangar kha chang ruh.

DÂNRABU INHNINA 1:8

Rōngpu ke’n nanpu nanpa Abraham, Isaac leh Jacob khana ansōnhei hneng pek sik a kalei intepna kha hiva ram pumpui hi kae. Se ruh khana vahlō jo ruh.’ ”

DÂNRABU INHNINA 11:8

“Tuning kapek chei dân rakip hei hi jui ruh. Khan chu tuidung kha nanrakan tor sik khana nanhlutna sik ram kha nanhlō tor sik.

DÂNRABU INHNINA 31:23

Khava sōa Rōngpu’n Nun sapa Joshua hnenga ṭong ahri, “Inngamna nei roh khana intluk roh. Anhnenga kale’ntepna ram shunga Israel mipuihei kha hlam nakei sik hei kae.”

TIMOTHY INHNINA 2:1

Kasapa, Jesu Christa a ni’nchunna shunga nita kachang jo maritna vânga khan akangar chang roh.

JOSHUA 1:18

Nang ratha neina chunga akahnōm mak hei leh naṭongpek heikhat kajuimak hei that sik hei kae. Inrin roh khana inngam roh anti!”

JOSHUA 1:7

Inrin rōk kha inrin roh, inngam roh; kasōkpa Moses’n aleipek che Dân seng kha jui ngerna sik tlo roh. Khavakha ṭhen inkhatbek heisak lo tlomak roh khan chu nasena rakip a chung kasōk sik che.

JOSHUA 1:9

Na-inrinna sik leh inngamna sik a kaṭong pek che kha mandonsōt roh! Ṭitmak roh khana malung mathla mak roh, ajârchu Rōngpu na-Pathen ke’n nasena chen a ka’nṭhōipui sik che.”

JOSHUA 10:25

Khava sōa Joshua’n aṭōnpui karônhei hneng ati, “Ṭitmak ruh khana nanmalung mathla mak ruh. Intluk ruh khana inngam ruh ajârchu nan-inrepui rakip hei hnenga Rōngpu’n atlo sik kha hing’hina kae.”

JOSHUA 13:6

Hivahin Lebanon Tlâng leh Misrephoth Maim kâra tlângrama aka-om hei, Sidonhei ramṭhen rakip inveisa. Israel mipui he’n anhei injôk pha hiva mihei hi ke’n kahnong sōt pet sik hei.

JOSHUA 18:3

Achang jâra Joshua’n Israel mipuihei hneng ati, “Rōngpu, nanpu sōnhei Pathen in apek jo chei ram kha akahlut cheia nanta lo sik kha heituk kasôt mo nanta lahngâk sik?

JOSHUA 21:43

Achang jâra Rōngpu’n anpu sōnhei hneng pek sik a kalûrtak a ale’ntepna ram rakip kha apek hei, anmani’n ram anhlō pha khana khan khō katla jo hei.

SAMUEL INKHATNA 4:9

Philistihei, re tloa kahrâng song ruh! Pase kasōk a re tuk ruh, achangmak inchu, anmani eini sōk aleikachang hei kapōa, Hebrewhei sōk akachang sik me kae. Khava jâra pase kasōk a re tuk ruh!”