JOSHUA 1:1 - LEKHARABU INTHENG (BSI)

¹ Rōngpu sōk Moses athisōa, Moses inthōpuipa, Nun sapa Joshua hneng Rōngpu’n ṭong aleihri.

JOSHUA 1:1 ပူးပေါင်းရင်းမြစ်များ

RENGHEI INKHATNA 19:16

Nimshi sapa Jehu kha Israel reng sik a thai manthi roh, khana Abel Mehola a inphut Shaphat sapa Elisha kha nang kahlang kathlenga sânkathem kachang sik a thai manthi roh.

RENGHEI INHNINA 3:11

Khava pha Jehoshaphat in ader, “Hinahin Rōngpu hneng akadertor sânkathem inkhat om mak a mo?” Reng Joram rehlam kakei inkhat in amasôn, “Shaphat sapa Elisha kha hin ka-om. Ama hi Elijah inthōpui mi kae.”

NEHEMIAH 8:17

Sura inphut ahong inle hei seng khan in-ungna rabuk hei ansak a ashunga leika-om hei. Khavakha Nun sapa Joshua pha a inphut ahma inkeipen tlona leikachang khana mi rakip malung mathokna anneia le’npâk hei.

SŌKSŌT 24:13

Moses leh a’nṭangpui Joshua intluk jo hei, khana tlâng inthenga akake kha Moses’n aleiphut jo

MIJAHEI 11:28

Khava sōa Nun sapa Joshua, a-rether laia inphut Moses inthōpuipa khan kaṭonga Moses hneng ahri, “Apu, manbâng hei roh!.”

MIJAHEI 12:7

Kasōk Moses ka’n bekpui kha leh chu in-ang mak; ama chu kami Israel mipui rakip ka-ensui sik a kanganse kae.

MIJAHEI 13:16

Hiseng repa hei hi Moses’n ram ka-en inthlip sik a atir jo hei. Ama’n Nun sapa Hoshea kha Joshua tia arahming athleng pek jo.

LUKE 16:10

Ṭōn kasintek chunga taksenthei mi kha ṭōn kalentak chunga’m taksenthei kae; Ṭōn kasintek chunga malung intheng mak mi kha ṭōn kalentak chunga’m malung intheng mak ning.

ṬŌNTLOHEI 7:45

Hnunga khan, anpahei hnenga inphut anta leirahlâng rabuk kha nipi leh nipu he’n Joshua leh inṭhōia hmating annama Pathen in ahnong sōt jât-hei ram anlo pha khavakha anlei inrôn ṭhak a kae. Khana David khang katlunga khava hmun a khan leika-om heia kae.

ROMANHEI 1:1

Ṭong kaṭha kahri sik a Pathen tabek, sonle inkhat kachang sik a akadei, Christa Jesu sōk Paul in kaheimazet kae.

DÂNRABU INHNINA 1:38

Tâk-kha nang kabôm Nun sapa Joshua malung ngirna kha manngar pek roh. Ama’n ram kha hlōna sik Israelhei aṭhōi sik hei.’

DÂNRABU INHNINA 31:23

Khava sōa Rōngpu’n Nun sapa Joshua hnenga ṭong ahri, “Inngamna nei roh khana intluk roh. Anhnenga kale’ntepna ram shunga Israel mipuihei kha hlam nakei sik hei kae.”

DÂNRABU INHNINA 31:3

Anram kha nanhlō theina sik a, Rōngpu nan-Pathen khet nanhma kase sik a kha khana aleika-om jât-hei asuk manhmang sik hei; khana Rōngpu’n ahri kapōa, Joshua kha nanhlam kakei kachang sik.

DÂNRABU INHNINA 33:1

Pathen mi, Moses’n athimak hma Israel mipuihei hneng aleiphông vângṭhat hei kha hihei hi kae.

DÂNRABU INHNINA 34:12

Israel mipuihei hmaikunga Moses’n ṭit ka-om leh ṭōn kalen aleitlo kapōa sânkathem tûte inkhatbek inum latlotor mak hei.

DÂNRABU INHNINA 34:5

Khava jâra Rōngpu sōkpa, Moses kha Rōngpu hrina dungjuia Moab ram a kathi jo.

DÂNRABU INHNINA 34:9

Nun sapa Joshua kha singna hongkasip a kae, ajârchu Moses’n akahlang kathleng sik a akadei jo. Israel mihe’n Joshua anjui khana Moses hneng Rōngpu ṭongpek-hei kha anleinit a kae.

TITUS 1:1

Pathen sōk kachang, Jesu Christa sonle Paul a inphut. Pathen takadei mihei taksenna chunga inthōpuina sik, khana nibekṭong mantheina akadik a khan anhlam kakei sik a kei akadei enga atir eng,

JAMES 1:1

Rōngpu Jesu Christa leh Pathen sōk James a inphut: Vânhnōi raleichunga inchek-chaia ka-om Pathen mi rakip hneng chibei kahei tlochei.

JOSHUA 1:15

Rōngpu nan-Pathen in apek hei Jordan tlaitlâk tinga ram kha anhlō mak kârseng. Israel phung rakip ram kha kaṭha apek hei phatō leh khan Rōngpu sōk Moses tapek chei hiva Jordan nisōa nanram hin hong inle sik cheia kha ka-om thei sik chei.”

JOSHUA 1:2

Ama’n ati, “Kasōkpa Moses kathi jo. Nang leh Israel mipui rakip intluk jo ruh, khana ke’n kapek hei ram shunga Jordan Tuidung rakan jo ruh.

JOSHUA 12:6

Hiva reng 2 hei hi Moses leh Israel mipui he’n anleitor hei. Rōngpu sōk Moses’n Reuben leh Gad khana Manasseh phung aṭimkhat hei hneng anchen sik a apek jo hei.

ṬONGPHÔNG 1:18

Kei akahring ṭhak inkhat eng kha kae! Kei leikathi eng, tâk tûnchu are-rea sik a kahring jo eng. Ke’n thina ram chunga leh thina chunga torna ratha kanei.