JONAH 4:2 - LEKHARABU INTHENG (BSI)

² Khava jâra derna anei, “Rōngpu, ke’n inn kadahlona kasemak hma khan hinga natlo sik tia kalei hrisa changmak mo? Khava sik a Spain ram a tlânsōtna sik torchena kaleitlo kae! Ke’n nang hi mi inlungset thei, mi marit kathem Pathen che khana ahei tik a namalung nathlenga karâkna pek mak hei che tia kamanhret che.

JONAH 4:2 ပူးပေါင်းရင်းမြစ်များ

RENGHEI INKHATNA 19:4

Elijah kha sûn nilun ram thōia leikalôna kae. Ama inhnga a thingkung inkhat hnōia le’n ong khana akathi sik a le’ndona kae. Derna aneia, “Hichu akherei jo, Rōngpu,” ati. “Kahringkhō hi losōt jo roh; kathi hin kaṭhadet sik jo!”

HLAHEI 103:8

Rōngpu chu marit leh lungset kae, hnuk kanabei mak leh lungset inthlengmak pui katluk kae.

HLAHEI 145:8

Rōngpu hi lungset leh marit kae, Ahnuk nabeimak khana alungset injôn kha kasiptak a kae.

HLAHEI 78:38

Achang ravâng Pathen inchu amihei alungset hêr hei. Ansetna arangei mandam hei, suk manhmang mak hei. Pha katamtak ahnuknat kha akei male, ahnuk inthak kha aleikhâm.

HLAHEI 86:15

Tâk-kha nang chu O Rōngpu, maritna leh lungsetna kasip Pathen che, ahei tik a akadehrat, mi kabômthei leh taksenthei che kha kae.

HLAHEI 86:5

Keini sik a kaṭha che khana narangei mandam ung, nahnenga akader rakip sik a lungsetna kasiptak che.

HLAHEI 90:13

Nahnuknat kha heituk mo alakasôt sik? O Rōngpu, nasōk-hei chunga lungset hei roh!

SŌKSŌT 32:14

Khava jâra Rōngpu’n amalung athlenga amihei chunga ṭōnse tlo sik a maṭhitna aleinei kha tlomak jo.

JEREMIAH 18:8

tâk-kha khava jât khan aṭhat makna hlam a inphut anmani an-inhesōt jo’nchu, katlo sik kati kha ke’n tlomak ning.

JEREMIAH 20:7

Rōngpu, nang in kei nahōn jo eng, nahōn mathlâk jo eng. Nang chu kei kanek a kahrat che, nang in kei nator jo eng. Mi rakip in sem antlo eng; sûn nilun anmanuisō eng.

JEREMIAH 26:13

Nangni’n tuna nan-omchen khana nanchôn dânhei nantathleng sik kae, Rōngpu nan-Pathen ṭong kha nantajui sik kae. Khanga nantlo’nchu, ama’n nanchunga inhmangna ahei choi sik a aleihri kha, amandonna kha athleng sik kae.

JEREMIAH 42:10

‘Nangni hiva ram a hin, hing’hin nan-omthang hnōm inchu; ke’n nangni kasyemsōt sik chei khana keihler mak chei ning; kaling sik chei khana phôisōt mak chei ning. Nanchunga suksetna kalei mathlung kha kamalung inrim hêr.

AMOS 7:3

Rōngpu’n amalung athlenga ahri, “Natahmu kapōa sōk mak jo ning.”

AMOS 7:6

Rōngpu’n amalung athleng nôk a ati, “Hivahi’m sōk mak jo ning.”

JONAH 1:3

Khannum, Rōngpu ṭongpek a inphut inphesōtna sik Jonah’n ram hlop inkhat ting kase jo. Ama’n Joppating kasea Spainting akase sik a a’ntluk tuipui rakōng inkhat ahmu jo. Ama’n rakōng chōngman apek a Spaina akase sik a rakōng katôrhei kâra kake jo, Rōngpua inphut tlânsōtna sik atlo jo.

JONAH 3:10

Pathen in heimo antatlo kha ahmu jo; an-omchen kaṭhamak kha andahlon jo ti hi ahmu jo. Khava jâra ama’n amalung athlenga karâk sik hei atina kha tlomak jo.

JONAH 3:9

Pathen in amalung heithleng um aya, ahnuknat kha’m kahai thei, khan chu eini thimak min!”

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

LUKE 10:29

Tâk-kha dân oja khan abinga akadik achanghnōm jâra, Jesu hneng ader, “Tu mo kakhō kaven?”

DÂNRABU INHNINA 4:31

Ama chu maritna kasip Pathen kae. Ama’n masō mak chei ning khana suk manhmang mak chei ning, khana nanpu-nanpahei leh ṭong anlei intepna kha ama’n mahngi mak ning.