JONAH 1:3 - LEKHARABU INTHENG (BSI)

³ Khannum, Rōngpu ṭongpek a inphut inphesōtna sik Jonah’n ram hlop inkhat ting kase jo. Ama’n Joppating kasea Spainting akase sik a a’ntluk tuipui rakōng inkhat ahmu jo. Ama’n rakōng chōngman apek a Spaina akase sik a rakōng katôrhei kâra kake jo, Rōngpua inphut tlânsōtna sik atlo jo.

JONAH 1:3 ပူးပေါင်းရင်းမြစ်များ

A’NPHUTNA 3:8

Khava khōhlei ning Rōngpu Pathen rahōna ahong kha anleithei jo, khana anmani’n thingkung kâr heia le’nthup jo hei.

A’NPHUTNA 4:16

Hivasōa Rōngpu hmaikunga inphut Cain kha ram kahlatak a kasesōt jo. Ama’n Eden nisō intongting “Lôn lelena” inti ram a khō avasât jo.

RENGHEI INKHATNA 19:3

Elijah kha kaṭi jo, ahringkhō sik katlân jo; Asōkpa aṭhōia Judah ram a Beersheba a kase jo. Khana khan asōkpa adahlona,

RENGHEI INKHATNA 19:9

Khana khan jân rekna sik a hlungkhur shunga kahlut jo. Manhret manloa Rōngpu’n ahnenga ṭong ahri, “Elijah, hin nang heimo natlo?”

THUHMINGHEI INHNINA 2:15

Achang jâra tûn nang intepna kapōa gehu, satun, ju, olive thai kanhnenga heitir jo roh.

THUHMINGHEI INHNINA 2:16

Lebanon tlânga inphut namadu cedar thing kantuktan sik, phôp kansyema kankhit manchun heia tuipuia Joppa katlunga kanhei tôr sik. Khava hmun a inphut Jerusalema nan-inchoi thei sik.”

THUHMINGHEI INHNINA 9:21

Ama’n tuipuia akase rakōng rup, Reng Hiram rakōng rup-hei leh a’nthōi ri hei anei hei. Ama rakōng rup-hei kha kum 3 akaia inna hong inle heia, dangka, saipui ha, yông kalen, khana yông kasinhei anheirôn hei.

EZRA 3:7

Mipuihei khan hlung ṭōn leh thingṭōn katlohei sik a sêr anleipek hei khana tui-ôngpuia inphut Joppating heitôr sik Lebanona cedar thing leh thlengsōt sik a Tyre leh Sidon khōpuia sâk leh in, olive thai anleitir hei. Hiva rakip hi Parsia rengkalen Cyrus hnōm pekna thōia anleitlo.

JOB LEKHARABU 1:12

Rōngpu’n Seitan hneng, “Kaṭha jo, ama tanei rakip nang ratha neina thōia ka-om jo, tâk-kha Job chu natôn mak sik kae do,” ati. Khava sōa Seitan kha kasesōt jo.

JOB LEKHARABU 2:7

Hivasōa Seitan khan Rōngpu hmaikunga inphut kasesōt jo, khana Job taksa pumpuia khōihli nat heikasōk jo.

HLAHEI 107:23

Ṭhahrep in tui-ôngpui chunga rakōng antôra anhringna sik tui chunga inveina anjong.

ISAIAH 2:16

Rakōng kalenpen leh akaṭhapen kapha’m tui ria amathlâk manhlut sik.

ISAIAH 23:1

Hivahi Tyre chunga ṭong inhri inkhat kae. Nangni tui-ôngpuia rakōng katôrhei, ṭap una ông ruh! Nan-inn Tyre rakōng ṭhumhmun kha suk manset jo kae; khana innhei leh rakōng ṭhumhmun hei insuksetsō jo hei. Cyprus ram a nanrakōng ahon’le pha ṭong kasōk hei kha nanmanhret sik jo.

ISAIAH 23:10

Spaina ruprup a khō katla hei nangni, se una aram kha hlei vathlō ruh! Sonna sōn nangni tûte nankahuk sik om mak.

ISAIAH 23:6

Malung inrima ông ruh, nangni Phoenicia hei! Spaina tlânsōt jo ruh.

ISAIAH 60:9

Sohei so ram kahlatak a inphut akahong rakōnghei kae, Pathen mihei innlangting anta heiṭhōi hei kae. Anmani’n Israel Pathen intheng, Amihei kha jât rakip takaja sik a ankasyempa Rōngpu rahming kha kajana sik a, Anmani’n sana, dangka anhei rônsa a kae.

JEREMIAH 10:9

Anlimsyem hei kha Spaina dangka vânga, khana Uphaz a sana vânga, kut kathemhei tasyem rakip hei kha ankatōm hei; anmani kha vapuirei machu pōn leh sendup pōnhei, pōnkhông kathemhei takhông vânga khan anmanret hei.

EZEKIEL 2:8

“Akathithei mihring, kamanthei che kha rangei roh. Anmani kapōa narahe manse mak roh. Nabei man-âng roh, ke’n kapek sik che hi sâk roh.

EZEKIEL 27:12

“Nang in Spaina inveina natloa dangka, thir, tin, leh ngen hei kha nang neinâk katamtak hei leh nathleng hei.

EZEKIEL 3:14

Rōngpu rathla kha kachunga ratha kaneitak a jōng kachōng, khana ama rathla khan aṭhōisōt jo eng pha, hōimo kathei hêra kahnuk leikana.

JONAH 1:10

Jonah khan ama kha Rōngpua inphut ahong katlânsōt kae ti kha amanthei jo hei. Rakōng katôrhei kha kaṭi jo hei khana anti, “Khava tlo sik kha ṭit ka-om tak kae!”

JONAH 4:2

Khava jâra derna anei, “Rōngpu, ke’n inn kadahlona kasemak hma khan hinga natlo sik tia kalei hrisa changmak mo? Khava sik a Spain ram a tlânsōtna sik torchena kaleitlo kae! Ke’n nang hi mi inlungset thei, mi marit kathem Pathen che khana ahei tik a namalung nathlenga karâkna pek mak hei che tia kamanhret che.

LUKE 9:62

Jesu’n ama hneng ati, “Tu enum hlei kakhōi inphut jo mi khan akahnung a-en male’nchu ama kha Pathen rengram sik ahnemna om mak.”

ṬŌNTLOHEI 15:38

tâk Paul inchu ama ṭhōi nôk sik hi kadik tia leimandon mak, ajârchu ankhōhme leisena khan achaina katlunga anmani leiompui mak hei, Pamphiliah a inphut akahnung amalea aleidahlon heia kae.

ṬŌNTLOHEI 26:19

“Khava jâra Reng Agrippa, marvâna inphut kaleihmu hmangtalâr kha ke’n juilo tlomak eng.

ṬŌNTLOHEI 9:36

Joppa hmun a khan Tabitha inti, takkasen nuhmei inkhat leika-om. (Greek ṭonga arahming hi Dorcas kae, “Shakhi” tina kae). Amanu’n aphat nei rakip hi ṭōn kaṭha tlona leh sara khōdeng katheihei inthōpuina aleihmang.

ṬŌNTLOHEI 9:38

Joppa kha Lydda a inphut hlarei mak, khana takkasen he’n Peter kha Lydda a ka-om ti ṭong anthei pha, pase 2 ahnenga antir heia, “Lungset a kanhnenga heihongloi roh” anva manti hei.

ṬŌNTLOHEI 9:42

Hiva ṭong hi Joppa pumpuia inthang joa, mi katamtak in Rōngpu antaksen jo.

ṬŌNTLOHEI 9:43

Joppa a shavun inṭhui, Simon intipa inna khan Peter kha kanikhō ṭhahrep leika-om.

CORINTHIANHEI INKHATNA 9:16

Ke’n ṭong kaṭha kahri jâra inlensakna sik ratha heite neimak eng. Hei-achang inum hiva ṭōn katlo sik a ṭong a’npek jo eng kae. Khana ke’n hiva ṭong kaṭha hi kahri mak a achang inchu heituk a kei sik a inrengna aka-om sik mo!

THESSALONIANHEI INHNINA 1:9

Anmani Rōngpu lûrna kalentak leh ahmai kunga inphut ṭhensōt a ka-om sik heia kha, kumleikōa suk manhmangna karâkna kha antathōk sik kae,

JOSHUA 19:46

Mejarkon leh Rakkon, Joppa kimvea ramṭhen ahōmsa hei.