JONAH 1:2 - LEKHARABU INTHENG (BSI)

² Ama’n ati, “Khōpui kalentak Nineveh a son vase roh, anmani chunga ṭong vaphôngsōt roh; anmihei heituk a akaṭhamak hei mo ti ke’n kamanhret jo.”

JONAH 1:2 ပူးပေါင်းရင်းမြစ်များ

A’NPHUTNA 10:11

Khava ram a inphut ama’n Assyria ram a inthona Nineveh, Rehoboth Ir, Cala,

RENGHEI INHNINA 19:36

Khava sōa, Assyria rengkalen Sennacherib kha Nineveh ting inle jo.

THUHMINGHEI INHNINA 28:9

Oded inti Rōngpu sânkathem inkhat Samaria khōpuia leika-om. Ama’n Israel remihei khan Judea khum mihei kha anheiṭhōi heia khōpui anhlut sik ting khan avaratō heia avahri, “Nanpu sōnhei Pathen Rōngpu’n Judah hei chunga ahnuknat a nangni amantor chei kae, tâk-kha nangni’n rahe kasetak a nantathat hei kha ama’n athei jo.

EZRA 9:6

Ke’n kati, “Eh Pathen, na-âng shunga kalu chung manhnget sik inzak hêr eng. Kansetna hei kha kanlu atlumbit a inbuk jo hei; marvân inshâng kapōa inshâng jo.

ISAIAH 37:37

Khava pha, Assyria rengpa Sennacherib kha Nineveh ting inle jo.

ISAIAH 58:1

Rōngpu’n ati, “Nator chenna ông roh; kami Israelhei kha ansetna chungchânga manthei hei roh.

JEREMIAH 20:9

Tâk-kha ke’n hinga, “Rōngpu hi kamahngi sik jo arahminga ṭong hri nôk mak jo ning,” kati pha, naṭong hin kashunga hmei kapōa inhnak a akâng ri eng. Torchena sip katia dena sik katlo, tâk-kha akasôt detor mak eng.

EZEKIEL 2:7

Nang hneng hri sik a kamanthei che rakip kha, anrangei inum anrangei mak inum, akhenga namanthei sik hei kae. Anmani heituk a rahe kasehei mo mandon roh.

HOSEA 7:2

Hiva akaṭhamak seng hi ke’n kamandonsōt sik ti hi anrathlōk a hlut hêrmak a kae; kachanga ansetna’n akekhumbit jo hei khana khahei kha ke’n enloa om tor mak eng.”

JONAH 3:2

Ama’n ati, “Nineveh khōpuia se roh, ke’n kapek che ṭong kha vaphông roh.”

JONAH 3:3

Rōngpu ṭong kha Jonah’n ajuia Nineveh khōpui akalen hêr, ni 3 kahlut a petan sik a khan kase jo.

JONAH 4:11

Kha achang inchu, Nineveh khōpui kalentak sik a heituk mo lungset katarôn sik kasōk. Hei-achang inum khava shunga khan khō inhret mak naipang 120,000 kakhea ka-om hei, ranhring katamtak um ka-omsa hei.”

MICAH 3:8

Tâk-kha kei sik a chu, Rōngpu’n arathla leh aratha neina kha amansip enga Israelhei setnahei manthei torna sik a akadik leh rathahrat kha apek eng.

NAHUM 1:1

Hivahi Elkosh khōa ka-om Nahum hmangtalâra Nineveh chunga aleihmu ṭong kha kae.

NAHUM 3:19

Nanat intônbi mandamna sik om mak, nakôkna bi kha dam tor mak jo. Nang sukkhōina ṭong akathei rakip in inpâk a ankut ankaben. Abângna kase narahe-setna inphut tu mo inkhat a’nphesōt jo aka-om mo?

MATTHEW 10:18

Ajârchu kei jâra ram vaikarônhei leh renghei hmaikunga maher sik a anṭhōi sik chei, anmani hneng leh Jât-hlop hei hneng Ṭong Kaṭha hi hritheina sik a kae.

MATTHEW 12:41

Ṭongtan ning Nineveh mihe’n nanchungchânga kangirsōt sik hei khana anmaset sik chei; ajârchu anmani’n Jonah ṭonghri kha anthei pha anmalung anleithleng; khana kahri pek chei kae Jonah kanek a akalen jôk kha hin ka-om!

JAMES 5:4

Nanhleia ratha nantamanrōi hei khachu aman pek mak chei. Anrasa nei kha rangei pek hei ruh. Nansâng kakhôm hei malung hōimak a an-ông rasa khan akahratpen Rōngpu, Pathen omna langa hong katlung jo.

ṬONGPHÔNG 18:5

Ajârchu amanu setnahei kha marvân katlung inbuk inshâng jo, khava jâra amanu ṭhatmakna hlamhei kha Pathen in amandonsōt jo.