7 Hinahin sâkhi 3 ka-om hei:
Rōngpu’n marvânhei hi aṭongpek vâng asyem hei, kani, thla, khana ârsihei hi aṭongpek vâng asyem hei.
Chunghnung Rōngpu’n arathla intheng amansip eng. Ama’n kei akadei enga atir eng, Sarahei hneng ṭong kaṭha karôn sik, Malung kakōi hei indam sik, Rehringa khum hei masōsōtna kaphông sik, Khana kurkhum a ka-om hei ning leh hnōma masōna sik.
Khang’khan ama aṭonglai khan sumtuk kabang hlom inkhat in amakhusi heia khana sumtuk kâra rasa inkhat in, “Ama hi Kasapa marit kae, achunga kamalung katlai, aṭong hri rangei ruh,” ajōng tia kae.
Tâk ama’n naṭong kha arangei mak inchu, mi inkhat a-emak leh 2 ṭhōisa roh, ajârchu ṭong intheng in ahri kapōa, ‘masetna rakip sâkhi 2 3 beisō vâng a’ntan sik kae,’ ati.
Nangni mi rakip hnenga, hmun rakip a se ruh, kasonle vasyem hei ruh: Apa, Asa, Rathla Intheng rahminga tui manhlut hei ruh,
A’nphutbia ṭong kha leika-om jo; ṭong kha Pathen leh leika-omsap hei; ṭong kha Pathen leikae.
Pa kha leh kei inkhat rōk ung kae.”
Apa, narahming jōng manlûr roh!” Khava pha marvâna inphut rasa inkhat in, “Ke’n kamanlûr jo, khana ke’n khang’khan kamanlûr nôk sik,” ajōng tia kae.
Ama kha Pathen chungchânga akadik kaphôngsōt Rathla kha kae. Ama kha vânhnōi in chentor mak, ajârchu hmu um hmutor mak khana manhret um manhret tor mak a kae. Tâk-kha ama’n nangni a-ompui cheia nanshunga a-om jâra, nanmanhret a kae.
“Pathen chungchânga akadik inlârpa khana Pa hnenga inphut akajōng Rathla Inthōpui kha kajōng sik. Pa hnenga inphut ke’n nanhnenga kajōngtir sik khana ama’n kachungchânga ahri sik.
Pa khan abinga hringna kung akachang kapōa asapa kha’m hringna kung achangna sik ama’n asyem jo.
Ke’n kabibinga sâkhi intlo eng, khana anijōng katirpa kha’num kachunga sâkhi atloa kae.”
Jesu’n amasôn hei, “Kei kabinga a’nlûrsak kachang inchu, kabing inlûrsakna kha heite emak. Nan-Pathen kae nantati kapa amatak khan amanlûr eng kae.
Ama hi Apa, Pathen kut changting matungsōt a ka-om jo, aṭong leitepna dungjuia ahnenga inphut Rathla Intheng achen jo. Tûntûna nantahmu leh nantathei rakip hi kanchunga aheibun mathlâk kutchoi kha kae.
Aṭong kajuihei sik a Pathen kutchoi pek, Rathla Intheng leh keini hi hiva rakip sik a sâkhi ung kae.”
“Eh Israelhei hivahi rangei ruh! Rōngpu kha, Rōngpu rōk kha ni-Pathen kae.
Vânhnōi inphut bia aleika-omsa, hringna ṭong hi nanhnenga kantahei mazet kae. Keini’n kanthei jo khana kanhmit khet vâng kanhmu jo; kadik, kanhmu jo khana kankut vâng kansit jo.
Jesu Christa kha atui hlutna tui leh athina thisen leh inṭhōia akajōngpa kha kae. Ama tui leh rōk akajōng changmak, tâk tui leh thisen akoptōa akajōng kae.
Rathla, tui, khana thisen hei hi kae; khana an-inthuma a’n-anghrep sâkhi kha anpek.
Apōn invonna kha thisen in akatōm sō. Arahming kha “Pathen Ṭong” inti.
