JOHN INKHATNA 5:6 - LEKHARABU INTHENG (BSI)

⁶ Jesu Christa kha atui hlutna tui leh athina thisen leh inṭhōia akajōngpa kha kae. Ama tui leh rōk akajōng changmak, tâk tui leh thisen akoptōa akajōng kae.

JOHN INKHATNA 5:6 ပူးပေါင်းရင်းမြစ်များ

EZEKIEL 36:25

Nanchunga tui intheng kakathing thlōn sik chei khana nanlim rakip leh bukna nankape rakip a inphut kasuk mantheng sik jo chei.

LEVI-DÂN 17:11

Akahring rakip hringkhō hi thisena ka-om, khava jâra mihei setna losōtna sik a thisen rakip hi maichâm chunga bun mathlâk sik kae tia Rōngpu’n ṭong apek kae. Hringna kachang thisen hin setna alosōt a kae.

ZECHARIAH 9:11

Rōngpu’n ahri, “Inthoina thisen vâng mêrchîkna mahôr a’ntatkhum khava nangni leh kei intepna jâra khan, ke’n namihei kha kamasōsōt sik jo hei, rehring surna, tui omakna khura inphut kamasōsōt sik hei.

MATTHEW 26:28

hivahi Pathena intepna chunga mêrchîkna a’ntat, mi katamtak set rangei mandamna sik a akalōng kathisen kha kae.

MATTHEW 3:16

Jesu tui ahlutsō lim leh tui shunga inphut hong kasōk jo. Marvân kha inhlânga vaṭhu kapō Pathen Rathla kajōnga achunga ajōng kachōng kha John in aleihmu.

MARK 14:24

Jesu’n ati, “Hivahi mi katamtak sik a akalōng kathisen, Pathen intepna chunga mêrchîkna katatna thisen kha kae.

LUKE 22:20

Thlai kha ansâksō pha, khava kapōa kōklei kha apek heia ati, “Hiva kōklei hi nangni sik a akalōng jo kathisen vâng mêrchîkna katetkhum jo, Pathen intepna ather kha kae.

JOHN 14:17

Ama kha Pathen chungchânga akadik kaphôngsōt Rathla kha kae. Ama kha vânhnōi in chentor mak, ajârchu hmu um hmutor mak khana manhret um manhret tor mak a kae. Tâk-kha ama’n nangni a-ompui cheia nanshunga a-om jâra, nanmanhret a kae.

JOHN 14:6

Jesu’n amasôn, “Kei hlam leh akadik khana hringna eng kha kae; keia tei loa tûte Pa hneng semak.

JOHN 15:26

“Pathen chungchânga akadik inlârpa khana Pa hnenga inphut akajōng Rathla Inthōpui kha kajōng sik. Pa hnenga inphut ke’n nanhnenga kajōngtir sik khana ama’n kachungchânga ahri sik.

JOHN 16:13

Achang ravâng Pathen chungchânga akadik inlârpa Rathla kha ajōng pha, ama’n akadik rakip a hlam akei sik jo chei. Ama’n abing ratha neina ṭong hrimak ning, tâk aṭong thei kha ahri sik khana ajōng katlung sik kha amanthei sik chei.

JOHN 3:5

Jesu’n amasôn, “Kadiktak a kahri pek che kae, tui leh Rathla a a’ntemak tûte inkhatbek Pathen Rengram hlut tor mak ning.

JOHN 4:10

Jesu’n amasôn, “Nang in Pathen kutchoi pek kha namanhret a, khana tui in sik nakaderpa kha namanhret a, nang in ama hneng jôk nalei der inchu, ama’n hringna tui apek sik che kae.”

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

JOHN 6:55

Ajârchu kataksa ravōi hi thlai sâk sik khet kae, kathisen hi in sik khet kha kae.

ṬŌNTLOHEI 8:36

Anmani khanga ansesuk pum a, tui omna hmun inkhat anphak pha, ṭōnpui karônpa khan, “Hin tui ka-om jo, tuihlut kachenthei makna sik heimo alaka-om?”

ROMANHEI 3:25

Mi’n ama antaksen jâra, athisen vânga mihringhei set rangei mandam theina achangna sik, Pathen in ama aleitōksōt jo. Ama kadik ti kha manhmuna sik Pathen in hi atlo kae. Hmalai khan chu Pathen in mihei setna kha inhmu hlemsak a aleidesôt a kae; tâk tûnlai chu adikna kha manhmuna sik a ansetnahei kha a-enmansin jo. Hing’hin ama abingkhet a akadik kae khan chu mi rakip Jesu kataksenhei kha amandik jo hei ti kha Pathen in amalâr.

EPHESIANHEI 1:7

Heijâra mo niti’nchu Christa thisen vânga niset arangei mandam jo, khana ning leh hnōma amasō jo me. Khangtuk hrep a apek me Pathen maritna kha heituk a akalen jo mo,

COLOSSIANHEI 1:4

Ajârchu nangni’n Pathen mi rakip nantalungset leh Jesu Christa a nantaksenna kha kantheia kae.

TIMOTHY INKHATNA 3:16

Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.

TITUS 3:5

ama’n ahuksōt jo me. Khavakha eini’n ṭōn kaṭha heikhat tlo jâra changmak, tâk ama khet maritna vânga ahuk me, khachu sôp manthengna vânga intet therna leh hringkhōther anikapek Rathla Intheng jâra kae.

HEBREWHEI 10:29

Kha achang inchu, Pathen Sapa kahnōise hei sik hei mo kachang sik? Khava anset manthengna kapek Pathen intepna thisen kha mankabeitek a akalo hei sik? maritna Rathla manzakna kapek hei sik? Khahei kha heituk-hrep akakhe karâkna mo anrahōi akachang sik mandon ruh!

HEBREWHEI 12:24

Intepna ther kasyem Jesu hneng leh Abel thisen kanek a akaṭhachet intepna athisen inthek khumna khan kahong jo chei.

HEBREWHEI 13:20

Athisen vâng kumsôt intepna chunga mêrchîkna intatkhum Kemōng Kakhem Kalen, ni-Rōngpu Jesu kha thia inphut Pathen in akei mathōi jo. Mōngna Pathen lungdo kha nantlona sik, ama’n akaṭha nanta rangei rakip pek chei rasoh, khana Jesu Christa jâra keini chunga ama tlaina kha intlo rasoh. Khana Christa kha are-rea lûrṭhak rasoh! Amen.

HEBREWHEI 9:14

Hivahi adik inchu, Christa thisen rarap khan chu heituk akakhe chet a ṭōn achai sik jo mo! Kumsôt Pathen Rathla a inphut Christa kha pui katluk tōkna kachanga Pathen hneng abinga inpek sōt jo. Akahring Pathen kha nirazen theina sik, athisen khan eini mandon ṭhen theina kha hnemna kase bekdâna inphut amantheng pek sik me.

HEBREWHEI 9:7

tâk Rabuk shung intong den a khan chu, kum khat shunga vōi khat rōk Thempu Kalen rōk kha kahlut a abinga sik leh mipuihei sik, manhret loa anset tlona chunga mipui kahlang kathlenga thisen achoia Pathen hneng avatōk a kae.

PETER INKHATNA 1:2

Ṭong kajui sik leh athisen vâng sukmantheng sik cheia alungdotak a nangni akadei jo chei kae khana arathla vâng mi intheng amanchang jo chei kae. Maritna leh lung mōngna kha pui katluk a nanta chang rasoh.

PETER INKHATNA 3:21

Hiva tui hi atûna nangnihei kahuk inhring tuihlut tlona akhing mêrchîkna inkhat kae, taksa innim rasi manthengna changmak, tâk mandon ṭhen theina vâng Pathen hneng intepna kha kae. Hivahin Jesu Christa hringsōtna jâra ahuk manhring jo chei.

JOHN INKHATNA 1:7

Tâk-kha ama vâra a-om kapōa, eini vâra aka-om nichang inchu, eini inkhat leh inkhat a’nloikhôm me kae, khana asapa Jesu thisen khan setna rakip a inphut asôp mantheng jo me kae.

JOHN INKHATNA 4:10

Lungset kha hi kae: eini’n Pathen nilungset jâra changloa, ama’n eini alungset mea nisetnahei rangei mandam theina sik a Sapa kha ajōngtir kha kae.

ṬONGPHÔNG 1:5

khana taksen ka-om sâkhi kapek akathia inphut ahma inkeipena keimathōi sik khana ralei renghei vaikarôn Jesu Christa a inphut maritna leh lung mōngna nanta chang rasoh. Ama’n alungset me, khana ama a’ntōksōt a athia khan eini nisetna heia inphut ning leh hnōma amasō jo me,

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.

ṬONGPHÔNG 7:14

“Apu, ke’n manhret mak hei eng. Nang in namanhret hei,” tia kamasôn. Khana ama’n kahnenga ati, “Hiva mihei hi suk manrimna inphut a kahringa akahong hei kha kae. Anmani’n kemōngte thisen vâng anpōnsi anta’nsôp inthenga antamanchek jo hei kae.